小米手錶，Mi Watch：小米早前就喺香港推出咗新款嘅「小米手錶運動版」，呢隻智能錶唔使1千蚊嘅價位的確好吸引，今日就同大家做個開箱睇下！
小米手錶運動版外形簡約，使用圓形錶面設計，錶框用上不銹鋼製造，都只係重32.5g，耐用之餘又輕巧，戴上手感覺舒適，啱晒日用同鍾意做運動嘅人。佢配備咗1.39吋AMOLED屏幕，喺日光嘅情況下，錶面都可以清晰顯示內容，配合埋佢嘅全天候顯示功能，用家唔洗抬高手就可以睇到錶面訊息，真係好方便。
呢隻錶主要透過輕觸式屏幕操作，向左右滑動嘅話，就可以顯示心率、血氧、天氣等等資訊，而向上或下滑動，就可以睇到通知，同埋去快速功能頁面完成調教鬧鐘、開啟勿擾模式等等操作。佢嘅機身右側有兩個制，㩒上面粒制就可以開啟應用程式列表或返回主頁面，而下面粒制就可以開啟運動追蹤模式。佢總共支援多達117種運動，由高強度運動到輕鬆健步模式都應有盡有，無論新手或運動專業人士都可以滿足。另外，呢隻錶支援5ATM嘅防水效果，即使落雨或進行游水等等活動都無問題。等我哋試下健步先，行咗10分鐘左右，佢都有詳細顯示到各款身體狀況。
提提你啦，小米手錶運動版嘅用家需要配合「XiaoMi Wear Lite」呢個App使用，只要配對完成之後，就可以更換超過100款嘅錶面顯示設計，同埋睇返詳細嘅健康記錄、運動數據等等。
電量方面，小米手錶運動版續航力強勁，正常待機嘅話，電量可以應付16日使用，喺長續航模式之下，可以去到22日。如果開啟咗運動模式，電量都可以應付連續監測50個鐘。正常使用之下，一星期差一次電都足夠應付日常生活。
呢隻錶香港已經有售，典雅黑、深空藍、象牙白三款色都喺賣緊 HKD$899，以呢個價格嚟講，有齊晒心率、血氧監測及多項運動模式功能，仲要有咁大嘅電量，絕對係超值性價比之選！
小米手錶運動版錶盤app 在 小米手錶COLOR-第三方錶盤使用教學及錶盤分享(更新新版APP) 的推薦與評價
小米手錶 COLOR-第三方錶盤使用教學及錶盤分享(更新新版APP) - bing6457 wrote:請問第一款錶盤有 ... 哭哭我買了運動版但是刷包app自動掃描各種方式都掃不到這台手錶. ... <看更多>