挽歌之聲 黃瑋中 Herman Wong 👍🏻👍🏻
【2019第一次重大宣布（小弟本年第一首原創填詞作品）】
黃瑋中 Herman Wong
Herman Wong，黃瑋中正式成為2019唱作新人。
眾所周知我份人客套得嚟目光又有幾分狹隘；唔係太識欣賞網上啲男聲，讚人好聽同講早晨對我嚟講其實差唔多性質。
唯獨是有幾位真係勁到我不得不折服（所以我先會厚臉皮地向嗰幾位「爺」尋求合作）。
Herman就係其中一位。
我同Herman嘅認識，始於一個充斥仇恨言論、奉行批鬥文化同埋遍地道德守門員嘅論壇。
嗰陣好似係2014年（或更早），呢條友畀我嘅印象除咗勁之外就係好勁。佢可以自己包辦曬一首歌嘅詞曲編監唱，而質素更加係不在話下，無低質過。
2015年，喺我嘅瘋狂inbox之下，我有幸同Herman開始合作，慢慢愈來愈多，直到而家應該超過咗二十首改詞作品。
《戀》
《拙作》
《風信子》
《聖誕頌歌》
去到2016年Herman推出咗佢嘅《00》大碟，入面每首歌都係上上之選，每一首我都聽咗好多次。
嗰陣時喺度諗，如果我都有機會幫佢寫歌詞就好喇，就算係寫一首都好吖！
可能就係嗰陣時開始，加深咗我對填詞人三隻字嘅憧憬。
成日提住自己，要努力，同更努力先會令更多人睇到，同睇得起我嘅歌詞。
而最令我感恩嘅係，2018年嘅我有幸成為被挑選嘅細路，認識到唔同嘅歌手同唱作人，開始有原創填詞嘅機會。
而我呢位老友亦唔怕死地搵咗我呢個所謂「是但搵個初中連登仔都會填得好過佢」嘅填詞小薯仔，去參與佢呢張2019嘅概念大碟《Let's Be Real》（碟名後面suppose有標點，不過我唔知打邊個標點，所以唔打喇）。
最嚇死你嘅係，佢唔止搵我填一首，而係幾首。淨係勇氣分我諗都已經爆咗。
呢條友仔好信任我，有時甚至多過我信任我自己，所以我希望平時都信任我嘅你地（挽字頭），都可以去聽下呢條友新碟入面嘅歌，希望唔會令你地失望！
《想寂寞》畀個LIKE畀個SHARE，好人一生平安。
最過分係咩呀？
最過分係佢個MV入面有女主角呀。
癡線嘅都。
#本人上網交友最成功例子之一
#好榮幸有人讚我地最佳拍檔
#條友好似唔多理啱唔啱音
#所幸本人正是啱音保證
#不過填詞最重要啱音
#但我只保證啱音
#其他唔寫包單
#睇落有骨噉
#其實無骨
#塞字數
#聽歌
#完
http://www.youtube.com/watch?v=Dquw3sVDDpE
