長沙灣食街最近好熱鬧！
上個月食過有間叫港口味既冰室
隔離今期最紅！係專賣海南雞飯既
叫蘇山雞飯！飲食雜誌都介紹佢自然就爆場
好難得見到有餐廳９點仍然有客入黎食飯！
當晚我地８點入座!
咁就先講下餐牌有咩好食啦
最招牌就係海南雞飯餐跟埋叻沙
另一款就係走地雞海南雞飯配肉骨茶
都係跟油飯,熱飲加6蚊,凍飲加9蚊,特飲15蚊
跟餐可加配小吃,春卷加魚餅或雞翼三隻$22
海南雞飯先上!份量勁爆,一碗油飯加叻沙
叻沙有大蝦,豆卜,米粉油麵,大約有3-4口份量
個湯微辣仲有少少椰香,味道好豐富
油飯係偏爽身既,食落唔膩，好大碗！
沾上黑醬油跟蒜蓉食味道更突出
三黃雞，傳統黃皮白肉做法
皮滑肉嫩 帶少少脂香就咁食都好滋味
另一款係走雞地加白胡椒肉骨茶
走地雞皮爽肉有彈性，食落雞肉鮮味
個人更偏愛走地雞肉，連皮都爽身少少
食落三黃雞脂香重少少，走地肉鮮嫩彈一些
你睇到個分別三黃係肉多Ｄ，帶少少油
兩者分別也幾明顯的
叻沙豆卜，魚蛋魚片，大蝦
由於海南雞太出色，令配角無乜存在感
走地雞肉明顯少油脂，但肉味鮮Ｄ重Ｄ
想食肉多食三黃，食鮮味食走地
肉骨茶，同樣都係有豆卜同排骨
淡淡白胡椒香，但同樣作為配角可有可無
主角雞飯實在太搶眼
小吃配了兩款
魚餅香口，蝦卷香脆
雞翼炸得脆身，掛上濃濃既醃料
稍稍偏咸，但配埋油飯食剛好
或加少少青檸汁配埋夠曬風味
飲埋就叫左椰青同埋特飲,真係比足料
小吃到主角雞飯都係超用心做,好好食
餐廳可填紙仔唔洗打卡
等位約２０分鐘
想食平Ｄ，下午茶平２０蚊～
蘇山雞飯
地址： 長沙灣元州街411號義華大廈地下
電話： 5648 8622
營業時間：11am-10pm
蘇山雞飯黃藍 在 蘇山雞飯Susan - Facebook 的推薦與評價
蘇山雞飯 Susan. 528 likes · 2 talking about this. 一碗回味雞飯 地址：長沙灣元洲街411號 電話56488622 歡迎whatsapp落單. ... <看更多>