#在囚手足支援【感謝爆炸案義士理解】
過去數週，我與爆炸案的不同手足親友均有保持聯絡。剛有其中一位義士的家人聯絡我，表示手足在公開信中提到早前的風波爭議，在此感謝他的諒解，我昨日也再入了申請下週到監獄進行公務探訪。
同時，近日我亦得悉有人盗用還押手足名義在網上發起眾籌。難以理解的是，不知為何在荔枝角收押所外，會恆常有不明來歷人士「白撞」探望手足，導致家人親友遠赴收押收後未能探望。
在囚支援，乃是細水長流的工作，除了需要花費時間跟進以外，更講求對於家人的尊重，我亦藉此機會說明，不論白撞探監抑或冒認籌款，種種行徑也是相當差劣，拜托有關人士自重。
爆炸案手足多謝Gphone支持關懷
https://lih.kg/1993858
- 分享自 LIHKG 討論區
-------------------------------------
致各位手足：
今日喺荔枝角拜山（探訪）時，聽到我媽及朋友話俾我知，因為一封我之前寫俾朋友話想見之鋒嘅信，搞出左一啲風波出嚟。就住呢件事，我已寫出一封信俾佢，呼籲大家唔好再向同路人作出批鬥行為。我亦希望再次就呢封信，向之鋒，向各位手足道歉。
因為我嘅一封信件，令大家掀起左不必要嘅爭拗，實在好對唔住。而且好遺憾我已經忘記咗原先嗰封信係用咗咩字眼同詞語。我希望唔係一啲好負面嘅用詞，始終剛還押不久，可能情緒有啲起伏同負面，可能因為對周遭感到失望。如果如果係因為我嘅用詞令大家出現爭拗，希望大家見諒，對唔住。
之鋒佢好好，現時已經keep住同我家人聯絡，並好關心我嘅狀況。再講，其實大家都要互相體諒，始終我哋每個人係呢場運動入面都有各自嘅崗位，各自嘅事業範疇，大家都一樣每日只有二十四小時，係應該Focus左係自己能夠發揮最大作用嘅領域先。
而見之鋒呢個諗法只係我一個想要關心、討論國際戰線嘅一個想法，本身亦忘記左之鋒未能用議員或律師之類嘅公務探訪身份來見面。可能大家有所不知，其實只有議員同律師單獨公務探訪先可以自由地對話，否則都係會被錄音及監察。
最後，就正如我剛寄出嘅另一封信所講，請大家緊記一定要槍口對外，不要批鬥同路人。我在獄中透過解悶工廠睇到之前連登有個post話過，如果批鬥風氣持續，未來只會剩低50個黃絲。雖然有d誇張，但絕對有機會成為現實。請大家唔好比較邊個付出得多諤個付出得少，唔好鬥黃，唔好令同路人灰心，只有團結先可以有機會贏。
手足上
2020年4月22日
P.S. 請不要比較我所講的另一封信的收件日子來揣測無謂事情，因為可以是今天寄出A信件，但明天的B信件反而更快寄到。這是保安檢查程序問題。只有五毛先會透過無謂揣測挑起分化。
