［呢個國家，今年經濟增長53%］冠絶全球喎
1. 開估，國家係Guyana，圭亞那/蓋亞那。在邊？南美。應該冇乜人指得出邊，我都指唔出。細細個小埃汾好鍾恴睇地圖，或者指啲國家在邊，又會睇字典（你睇我幾好學），背首都名（！），呢個我都仲記得。點解？下面解
2. 原來圭亞那係南美唯一用英文做官方語言嘅國家（其他多數西班牙文，巴西就萄文，蘇利南荷蘭文）。咁你估到了，因為係英國殖民地。
3. 圭亞那仲有個相似嘅東西，叫做法屬圭亞那。所以真係細細個就知兩個唔同。而法屬圭亞那，睇名都知，係法國一部份，唔係獨立國家。留意，因為係法國海外領土，所以呢度都仲係歐盟一部份，名副其實係「歐盟最西邊界」，冇人話過歐盟要在歐洲。不過呢度當然唔係神根區
4. 不過，圭亞那，就真係細細個就聽過。而暫時，我只會聯想到一樣嘢。
5. 就係呢張相。
6. 集郵嘅朋友就知了（唔知？咁你唔好同人講你集郵），世界上最貴，最罕有嘅郵票（得返一枚），British Guiana 1c magenta（居然唔記得中文叫乜）。英屬圭亞那年代，但而家當然獨立咗。
7. 呢啲，當然係細個睇郵票書睇返嚟的。我甚至仲記得本書講，郵票上面印嘅係「我們先付出，然後論收獲」。維基查返，果然係，拉丁文 "Damus Petimus Que Vicissim" (We give and expect in return)。細個啲記性真好
8. 留意張郵票，唔係八角形的。原本係長方型，但被剪咗四角。
9. 郵票主人，而家係Stuart Weitzman。造鞋的，聽講好出名，整畀Beyoncé 同Taylor Swift.。但上手嘅主人，更加出名（或者話，我知乜水）
10. 上手嘅主人，John du Pont。固然係杜邦化工家族，但唔止，呢位仁兄生平拍過戲。套戲叫「獵狐捕手」Fox Catcher，Steve Carell演佢演得相當好，提名奧斯卡最佳男主角，但輸咗。套戲講佢訓練摔跤選手，最後殺咗件。John du Pont謀殺最成，坐三十年監，獄中死埋，所以郵票轉咗手。又，John du Pont係史上唯一一個Forbes 400富豪被定罪謀殺嘅
11. 呢個圭亞那，就會係2020增長最快嘅經濟體系。唔止，基本上全美洲（南北中美包晒）得佢有正增長
12. 到底呢個國家做乜架呢？我都唔知。肯定唔係旅遊業。出口，就有金，甘蔗同糖，鋁礦。最新仲有石油。你話，仲石油？油價跌到七彩喎。係。所以經濟增長，由原本預期86%，到而家「只有」53%
13. 噢，最後，這個圭亞那嘅首都，係George Town—所以咪記得。睇名就知英殖足印了。同馬來西亞檳城嘅George Town一樣，都係英皇佐治三世
——————————————-
版務：收費專欄已推出，支持埃汾高質文章。幾舊水睇三個月，一星期三篇
請去呢度訂：bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。
british guiana 1c magenta 在 British Guiana 1c magenta - Wikipedia - Pinterest 的推薦與評價
Jun 18, 2014 - NOW SOLD! 6-17-2014-The British One-Cent 1856 Guiana Black on Magenta Stamp-SOLD-for 9.5-MILLION- en.wikipedia.org. ... <看更多>