關於 cash cow model ，我們在網路上蒐集到這些相關的討論、資訊與評價

金融講ED: 渾水
李氏早沽騰訊，乃非戰之罪

地球上太多人因為騰訊這隻股票而又愛又恨，未上過車呻笨，太晚上車呻飲恨。如果要數最值得飲恨騰訊的前股東，只怕非李澤楷先生莫屬。媒體上比較低調的李生出席講座，重提早沽騰訊當年恨，可堪玩味。

李生當年以逾1億美元沽出騰訊20%股權後已獲10倍回報，哪能料到現在這手股票約值5000億。台面上李生當然謙虛地解釋自己早沽了，台底下做corporate finance就知底蘊。這個持股質地太舉足輕重，李生能在董事局安插親信發揮若干影響力，主導公司方針。要是不提早把李氏股權易手，是無法成就之後超級倍升。這回報是精心安排和國家級部署，因為指揮股價和公司發展的是另有高人。

以初創投資者角度去睇，能夠獲得十倍兼完全已經係極不錯了，十倍以外的錢要給同胞和其他人賺，路是一定要讓的。

「錯沽」騰訊是謙遜，背後原理相信李生是知道的，他現在主攻保險業，是一個厲害和聰明的策略部署。繼盈科保險後，他念念不忘本業，旗下富衛保險積極進軍東南亞，過去幾年平均增長約三成，今年底料進駐地區由9個增至10個。保險業被輕視，其實卻是金融業之母，所以巴菲特也以保險做膽，建立投資王國。保險本質是分擔生活風險，有一定的剛性需求，配合到強勁的銷售網就是不停生製造現金流的cash cow。保險產品可以衍生出基金和Pension，當other people’s money夠大就可以有更多金融玩法，現在消費行為和保險數據更是另類big data，乃兵家必爭之地。近年不少上市的國內保險股，都是看中這條路。

保險王國外，李生輕視媒體，是因為媒體生態難做，也正走下坡；而且要靈活求變，做好電子數據化和社群建立，難有恆常穩定business model。我當然不同意，年輕人多計仔，我手上剛好有數個媒體項目，若能推銷到李生就好了。不過，這在李生的商業王國版圖中只屬小塊，如同雞肋。

傳聞李生飲食清淡，這卻跟我認知有落差。數星期前我在某黃埔火鍋店包房宴請媒體和學者朋友，常客的我跟東主有兩句，但居然包不到最大的房，大房門外卻有保鑣外型的人出入，狀甚古怪。東主三緘其口，大客離開才暗示幾句。原來我曾經跟城中大有錢人一牆之隔。早知如此，我就單臂打爆牆，衝去對面房毛遂自薦啦。

https://www.am730.com.hk/…/%E6%9D%8E%E6%B0%8F%E6%97%A9%E6%B…

梧：關於丸龜可能會buyout譚仔（update：已confirm，人地連announcement都出埋），在下又有啲無聊嘢想講。

（利申：堅未食過，認真。個人口味問題）

以下數字純quote報紙，同埋在下唔識日文所以無睇announcement，如有錯請糾正。

首先，作價10億（當如真係呢個數嘅話）呢個數大唔大貴唔貴？41間分店黎睇，平均每間估值係24球左右。2016年財政年做咗差唔多7億生意，底數96球（當1億啦），historical PE係10（forward PE咪當8到9倍咗右，咁人地個net profit growth係1x%），historical PS（sales）係1.43。翠華而家做緊24倍PE，味千4.88，稻香12.3，咁貴唔貴就大家自己決定了。（其他數懶得搵，麻煩高手補完）

以譚仔呢個規模黎講，在下思疑佢個balance sheet其實係無咩asset嘅，煮湯嗰啲工序應該係centralised不過應該會搵出面廠煮（梗係唔會每間自己煮啦）。而且，有40幾間嘅規模嘅話，佢個food cost已經可以榨到低一低，毛利就算無倍數都有high double digit。呢啲中低端F&B business本身就係暴利，成個P&L最能貴嗰樣係租金，佢底數有10零%其實算係咁。

以上呢個講現金流，trademark嗰啲值幾錢在下唔熟就費事講。

丸龜話香港會開到50間（多9間），不過大陸會開到60間嘅話，在下隱約覺得丸龜到後來會係賣franchise嘅多——當如你開一間店嘅startup cost大概50萬（大陸應該要平過香港），剩係齋俾startup cost都要30球以上。再講，譚仔本身係中低檔F&B，整個麵嘅工序相對簡單（比較容易控制品質），賣franchise嘅話又可以將operational risk轉嫁俾franchisee，又可以收加盟費不停收錢，何樂而不為？相信丸龜係睇中咗呢樣嘢先買譚仔。

10倍PE囉喎，如果用private com黎睇係貴（認真講，F&B做得好嘅話可以好能快就翻本）。F&B嘅運作模式其實有啲似內房，即係話底數其實係meaningless嘅，人地做F&B生意剩係睇operating cash flow，連砌financial model做估值都係用SOTP呢類計free cash flow嘅模型就知啦。F&B基本上係cash cow，在下認為丸龜睇中譚仔嘅第二個原因應該係佢啲現金流相當強勁⋯⋯一年底數成億，佢個OCF肯肯定唔止呢個數。

Time's up，9up住咁多先。