【如果《#新異變人》同《盧根》有關係，你話幾好】
喺最盤古初開時，《新異變人》曾話係《盧根》續集，講Laura同班細路，喺Logan死後嘅冒險故事。《盧根》入面演Laura嘅童星Dafne Keen，同《新異變人》嘅女主角Anya Taylor-Joy，無論個樣同氣質上都幾相似，初時《新異變人》公佈演員，網民就估Anya Taylor-Joy係演Laura少女版。
如果故事由呢個方向走，相信幾正，講班細路大個咗，對抗邪惡集團。
可惜，諗多咗。
《新異變人》係有《盧根》嘅部份片段，但現階段同《盧根》完全無關，極其量同《變種特攻》係平行時空。到底係正傳時空，定係前傳時空，定係「Fix返條Timeline」嘅時空，就不得而知了。反正，Simon Kinberg點都打不死，乜《變種特攻》故事都俾佢或導演或監製玩爛，依然有份。
原本《新異變人》係打算拍三部曲，睇今集完個勢，都有意慾拍落去，當然，依家上到戲院當佢贏，但我都想睇《盧根》班細路之後嘅故事，唔知Marvel未來會唔會搞搞佢？
跟返《新異變人》入面童話故事比喻：
喺遠古時代，存在咗兩個《新異變人》版本，一個係有補拍過，聲稱好睇嘅版本；一個係聲稱有補拍，但事後話你聽冇補拍，大家睇完原來係文藝片嘅版本。
我最期待第三個版本：《新異變人》係《盧根》續集。
《盧根》、《新異變人》觀後感可看留言連結。
📣即訂Patreon加強版，閱讀更多精選深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
