［事先張揚］話咁快就歐洲國家盃，完全冇氣氛，冇乜人理。
1. 第一場就意大利，所以話定你知，今屆冠軍就係意大利。當然法國英格蘭都有機，但選一隊，就選意大利。因為冇乜人會咁揀。
2. 意大利歐聯首發球員數目，在咁多隊中排到頭5（仲有隊係巴西！）。呢個似乎係大賽捧盃必要條件，至少2000年以嚟都冇例外
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
3. 歐洲國家盃係多冷門嘅。世界盃有所謂嘅10倍定率（近乎係本人發明），你見近N屆（2002開始？），世界盃捧盃嘅都係10倍以下嘅熱門，根本冇爆冷。2006意大利已經幾冷，但都係10倍內。
4. 歐洲國家盃就唔同啦，有丹麥童話又有希臘神話，上屆葡萄牙都幾冷。好似成廿倍。
5. 而talking about 希臘，早兩日都睇過個數據，睇返歐聯首發球員數目。(https://bityl.co/7IG1)
6. 見到由2000年開始，所有大賽（世界盃同歐洲國家盃）冠軍嘅國家，當屆歐聯首發球員數目，都係在頭五之內。（希望明我講乜）
7. 即係例如巴西，N咁多隊歐洲大會都有巴西人，球員長期踢高水平賽事。法國嘅，球會在歐聯表現不太好，頂多得PSG，但亦係好多其他國家大會有法國球員。阿根廷呢？比你想像中少的，以前都貼過數字，你睇2018阿根廷啲友，中後場真係唔夠班。得罪阿根廷球迷都講句，冇埋美斯，阿根廷入唔入到世界前十？
8. 神奇在，2004年嘅希臘，原來啲球員都好多歐聯經驗，都38個人歐聯正選，排第4。固然果屆都係幾有運仔，但亦真係見到係希臘黃金一代，出好多實而不華嘅球員，你同後來比下就知。2016嘅葡萄牙雖然冷門，但亦係頭5的。
9. 又，如果跟呢個定律，英格蘭就今年捧唔到盃。英格蘭呢個數字長期都係偏低，原因你估到。法國本土球會唔強，法甲都唔強，但啲球員好多係其他聯賽大會。德國同意大利外流兵唔算太多（多過以前），但本土球會算多土炮。
10. 英格蘭呢？外流球員好少，本土大會又唔算用得好多土炮（已經多咗）。一來一回，首發嘅人數唔太多的。
11. 又事實上，由2000年開始，排得最頭嗰5個國家，就係 巴西，法國，西班牙，德國同意大利。 差不多包辦晒所有大賽冠軍。只有兩次歐洲國家盃冇佢地份（一次2016葡萄牙，一次2004希臘），世界盃就全部係呢五隊。
12. 咁計法英格蘭咪永世都冇盃捧？又好似唔係。個計法局限性係，英超球會在歐聯係undrerepresented 嘅，受制於每個國家只能出4隊，但大家都知，熱刺阿仙奴之類，去踢德甲法甲，照計點都頭四。所以你數歐聯首發，在英格蘭身上有呢個偏差的。
13. 當然你可以廢話咁講 咩 數據唔代表乜呀，紀錄用嚟破呀，過往嘢唔代表將來呀。但，你講呢兩句一樣唔代表乜。識分邊啲數據有用邊啲冇咁有用，就係功力。而呢部份多數靠啲 經驗，直覺或educated guess，唔係 hard science
14. 順手自抽，上屆歐洲國家盃決賽，本人寫篇文，題為：「葡萄牙太弱法國捧硬歐國盃」嘻。波係圓嘅，仲要一場過嘅。
15. 但，01張圖仲引咗呢句：「如果葡萄牙拎到冠軍？我估美斯即時宣佈復出都似。」。嘻
16. 不過都係強調返，2016嘅法國萄葡牙，都係歐聯首發球員數目頭5。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
educated guess 在 小格子教英文- 大家應該都知道”Guess”這個英文單字是「猜測 ... 的推薦與評價
大家應該都知道”Guess”這個英文單字是「猜測」的意思，那”Educated guess”跟”Guess”有甚麼不同?https://goo.gl/zRKyZB #英語教學#英文教學#學習英語# ... ... <看更多>