點解natural日日都要嘈?"推薦必看外國健身界youtuber"
(篇幅稍長，希望各位耐心詳閲)
Natural bodybuilding係咪一個笑話，吹捧天然健身嘅人士佢地每日就響度嘈冤巴閉，話呢個steroid果個steriod，邊個fake natty(扮天然),有無覺得佢地好煩?究竟點解佢地會咁又或者要咁?(睇晒先屌我都未遲)
其實今時今日Mr O(奥林匹亞先生)大行其道，自網絡蓬勃以來風潮日盛，同樣地暗地裹都知道所有為了要得到這一項最高榮譽(MRO)的人都需要以命相搏(類固醇,唔好盲目話呢樣野識用就無問題，只係可能會令影響程度無咁大,本台立場絕不建議),在此個人立場表示尊敬所有為了成為TOP1而不惜一切踏進”修羅之道”的每一位，敬佩佢地嘅勇氣同學問，因為就算非藥，健美本來就是一種一點也不健康的比賽。
但同時地呢種風氣亦影響到好多佢地嘅fans身邊嘅人，慢慢認為藥物就是健美界嘅一切，有人會追捧不知就裹地支持，有會客觀欣賞，更有人會因此對此業界更加厭惡。
係呢一點上亦岀現natural同enhance(類固醇)使用者嘅分歧同日益嚴重嘅矛盾，最高級別比賽中的選手對藥物隻字不提(因商業因素意呢啲都情有可原)，但亦有一些更甚嘅就係fake natty(宣稱天然實則不是)令世人以為真可靠至達至某些怪獸境界，導致大量誤會頻生，至係令矛盾極度擴大導致日嘈夜嘈嘅主因。
同時以上因素開始令人覺得沒有藥物加持就算如何懂得鍛練也達不到一個理想境界，從而忽略自己的基因，莫視自己的努力與否定一切可能性，因為咁有人會放棄努力，有人會胡亂嘗試藥物，慢慢地將自己眼界越收越窄。
但其實真係無得救？矛盾亦無從化解?就係咁無人再信天然健身，如果係咁小編只建議你地一句睜開你地雙眼睇下更多資訊，以下係幾位自小編開竅後會睇亦建議大家睇嘅外國健身名人
1. Jeff Nippard Pro Natural Bodybuilder
2. Layne Norton
3. Matt Ogus
4. Omar Isuf
佢地都係natural bodybuilding中技巧,科學與健身融合嘅表表者，有巨量啟發小編都係由佢地身上得到，佢地就係要話俾世人知非藥健身都可以達到一個非凡嘅境界，每一位愛健身嘅人士都無謂再固步自封，係時候增加更多見識去突破自已。(想學更多又學埋英文一定要去睇佢地youtube)
小弟當然也好多謝大家繼續支持我，我都係會繼續不停學習盡我所能為大家分享更多，所以有好野絕不吝嗇一定要開心share,未來日子會搵時間同大家詳細介紹佢地每一位
補充一句:
小弟並無任何意思踐踏任何人士的努力，
每個人身上也有值得學習的地方，所有人也只是依照自己意願選擇一條自己想行的道路，並無對錯之分
無論叻嘈定類固醇，請識英雄重英雄。
Burger
