「而我想一秒一秒守，還記得初衷不放手。」
曾經我問過自己，有無好好咁善用每一秒，
因為一秒既變化原來係咁重要，一個決定可以
係一秒內演變成天國，亦可以變成醜惡。
可能你前面有好多困難好多障礙，但試下
用多一秒時間，一定會見到出路。即使呢間
少女心Café「花 香」係疫情威脅下，每日
都非常艱巨，但老闆娘擁有一種超能力，
就係唔會放棄，既然避唔到…咪一齊捱囉。👇
-
📌Main · Menu -
▪ Purple Yam · Floom Floom Pasta · Seafood - $128
▫ 唔想放棄就要搵方法面對，春季推出全新menu
一樣主打相機食先概念，呢個「紫薯海鮮·雪糕
意粉」一黎就見到支甜筒倒插係意粉上，其實
食落係紫薯味既忌廉芝士，口感夠哂creamy；
撈埋意粉一齊食，兩者非常夾，整體絕對
係視覺上既享受呀！
-
▪ Pink Fujiyama · Kurobota Pork Rice - $118
▫ 另一人氣主打「紅粉富士山·白咖喱黑豚肉飯」
用上富士山設計概念，外形就真係做到十足
十咁似，其實粉紅色係來自紅菜頭，賣相鮮艷；
而周邊既咖喱食到濃香既椰香味，甜甜地
幾好食，又唔會太辣，岩哂我。
-
📌D e s s e r t -
▪ Comdensed Milk Thick Toast · Strawberries - $58
▫ 甜品亦有驚喜，試埋佢地既「草莓·鮮奶厚吐司」，
外層咬落非常香口，面頭既士多啤梨大大粒，
口感十足；加埋厚厚既忌廉配搭個多士一齊
食岩岩好，又唔會太膩，唔錯。
-
📌D r i n k s -
▪ Tiramisu · Coffee - $58
▪ Iced Dirty · Chocolate - $55
▫ 估唔到飲品都有得咁玩法，唔好以為「提 拉
米 蘇」淨係可以係蛋糕，咖啡都一樣得。餐廳
用上既忌廉都係自家製，入口夠哂滑溜；而每啖
都有濃郁既咖啡味，配埋手指餅就無得輸啦！
後者「髒髒·朱古力」亦係今次二訪既重點推介，
表面撒上滿滿既朱古力脆片同埋朱古力粉，
淨係賣相都贏哂‧當然飲落朱古力味相當突出，
仲要好似瀑布咁湧哂出黎，打卡一族一定要試！
-
📎 花 香
📍尖沙咀河內道18號K11購物藝術館B2樓201號舖
