臨離開Clagary果晚，我地去左睇靚仔表哥打lacros比賽。真係好鬼有型，記得上次黎就睇佢打ice hockey，個個男仔得果十一二歲，但就好有身型，又aggressive，雖然呢兩個games我都總係覺得有少少暴力，但我覺得訓練後生仔可以有aggressive既性格得黎又要識自控確實唔錯，最重要佢地唔係晚晚係屋企打機，而係一星期有三晚要去練習，兩個星期就比次賽，令佢地成日都keep住好active，一定唔會變宅男。至於咩影唔影響讀書？哈哈，係呢度問得出呢個問題都會比人笑，因為佢地係完全無呢個concept.
見到表哥既嫲嫲同媽媽，一個七十幾歲，一個四十幾歲，兩個嗌左全場，"Hey go Jac!" " Jac,move your feet, go " " shoot now!"
嘩，呢兩個啦啦隊唔係講笑得把聲，肉緊到呢，我真係好鐘意佢地夜媽媽九點幾都唔會又話怕夜怕遠，個呀嫲七十幾歲，行動不便都自己駕車來睇個孫比賽，真係好感動到我。每次見到Auntie Betty個肉緊樣，我都內心暖左一下，佢仲有兩下忍唔住shitttttt左，真係好正好可愛。
雖然表哥輸左比賽，但我地全家十幾人係更衣室門外等佢，佢一出黎，我地個個拍手掌，加狂叫佢個名"Jac, good job !"，又逐個攬佢，果個畫面攪到我真係眼濕濕（下，明明唔關我事，我真係好dramatic ga sorry haaa )
Anyway,第時我地都會放柔謹去玩ice hockey，而如果我第時生仔就更加走唔甩，一定要玩ice hockey，實型爆我啦，冧死媽媽 :) 發夢中 <3
