關於 ilr test ，我們在網路上蒐集到這些相關的討論、資訊與評價

#手轉發

[2020年7月22日更新] BNO簽證最新消息

英國內政部今日正式出咗"香港BNO簽證"詳情，重點如下︰
1. 2021年一月開始生效
2. 可以申請5年期，或先申請2年半之後再續期2年半
3. 居住5年後可申請永久居留，再12個月後可申請入籍
4. 期間可以工作或讀書，不可領取社會福利及緩助，中小學可享有免費教育
5. 可帶同家屬︰包括伴侶／配偶、未滿18歲子女，18歲以上仍未獨立子女及年老長者會按個案而定
6. 申請條件︰
- 有BNO status，曾經或現時持有BNO護照，但不需要現時持有有效BNO護照（過期或遺失不需續領也可）
- 通常居住在香港
- 可在香港或英國當地申請
- 需通過財力證明和肺結核病測試
- 承諾會學習英語
- 需要繳付簽證費用及醫療附加費

================================
其他詳情包括︰

- 簽證費用

未定

- 醫療附加費 (IHS)

每年為£624，需一次過繳交簽證年期的費用

- 財力證明

申請人需要證明有足夠財力維持6個月生活

- 肺結核病測試

你需要證明並沒有患上肺結核病，詳情請參考
https://living-guide.uk/welcome-to-uk/before-arrival/visa-related-prep/tuberculosis-test

- 取得永久居留權條件

必須在英國居住夠5年，期間任何連續的12個月內，都不得在英國境外逗留超過180日。
以下適用於18至64歲人士（以申請永久居留權當日計算）
通過Life in the UK考試，考試內容主要圍繞英國生活知識和歷史
滿足基本英語能力，可以通過英語考試（如ESOL、IELTS等等）或以英語授課的大學學歷來證明

- 入藉條件

必須在取得永久居留權(ILR)後在英國居住夠1年，而且在申請前5年內在英國境外居住的日數不能超過450日，在申請前12個月內在英國境外居住的日數不能超過90日。

- 家屬簽證

申請人的家屬，包括同居伴侶、配偶和18歲以下子女，可以申請家屬簽證陪同申請人一同在英國居留
家屬簽證的權利及限制跟BNO簽證相同
如子女已超過18歲而能證明仍需要依靠父母支援生活，可特別申請但需要視乎個案處理

- 申請詳情

為網上申請，BNO持有人只需提供照片作識認，如家屬沒有BNO的話則需要提供指紋認證

- 簽證的權利及限制

申請人必須為BNO持有人（持有已過期或遺失BNO護照同樣適用），非BNO持有人無權申請
BNO持有人及其家屬在簽證期間可以在英國居留，並且有權工作及讀書
簽證五年期間，即取得永久居留權(ILR)之前，BNO持有人及其家屬無權領取公共福利資源（如失業緩助金、子女津貼等），但可以享用公共教育、醫療等
簽證申請數量並無限額

條文原文︰https://www.gov.uk/guidance/british-nationals-overseas-in-hong-kong

走得就走番英國要知幾多？ (5) 點做Tier 1企業家？

我之前有提及過，包括係居英權第二代嘅家人（本身已經係British Citizen嘅家庭團聚），要移民英國嘅基本要求都係要申請Residence Visa住5年。香港人近期最熱門申請嘅英國Residence Visa，我相信係Tier 1 Entrepreneur（Tier 1 企業家簽證）。所以，我希望今次可以講解一下Tier 1 Ent.嘅概念同需要留意嘅地方。

好多人會誤會Tier 1 Ent.係投資移民英國，其實真正嘅投資移民係另外一種簽證，叫做Tier 1 Investor Visa。Tier 1 Investor Visa係要求至少投資200萬英鎊到英國註冊嘅股票或債券等等投資工具（金額越大，攞到永久居留時間越短），但係一定唔包括任何與物業資產有關。所以Tier 1 Investor Visa嘅資金成本係比Tier 1 Ent.高十倍，而且性質亦完全唔同。

而Tier 1 Ent.嘅概念係申請人係需要用20萬英鎊响英國建立或者投資而同時營運一個業務，如果有關嘅業務連續運作到五年，申請人同佢嘅家屬就可以用5 Year Route申請永久居留（Indefinite Leave to Remain）。而同其它擁有ILR嘅人士一樣，攞到ILR之後再响英國住一年，如果合乎其他要求，就可以申請入籍。

現時T1 Ent.嘅基本申請資格係使用計分制度嘅(Point Based System)，要求嘅分數係95分，即係如果需要申請，最低嘅要求係要達到95分。要有95分，申請人就要證明五樣嘢：第一，擁有至少20萬英鎊唔小過三個月（25分）；第二，證明資金已存入英國正規金融機構（25分）；第三，證明申請人擁有全權使用有關嘅資金（25分）；第四，英語水平，B1 Level（即係等於IELTS 4-4.5分）（10分）；最後，申請人及家屬嘅90天生活費（每人3,310英鎊），而厘個生活費係唔包括响嗰20萬英鎊裡面嘅（10分）。

T1 Ent.係可以有兩個申請人Team up嘅，所以如果係Team Up Application，每個申請人要證明嘅資金要求就係一半，而上面關於金錢上嘅分數係可以共同使用嘅。因為兩個申請人都會做同一個業務，所以佢地同時都要配合到Business Plan內嘅Background同工作職能。

要留意嘅係，因為洗黑錢問題，依家Home Office依家會要求多小小資金嘅來源證明，而且亦要證明有關嘅錢係已經完稅。

當申請人達到95分要求之後（關於其他Residence Visa嘅基本要求例如無犯罪記錄同照肺嗰啲唔講），跟著Tier 1 Ent.嘅最核心又最為重要嘅就係Business Plan。

因為Tier 1 Ent.嘅原意就係希望申請人去英國係建立或者投資同營運一個生意，所以Business Plan對於Tier Ent.嘅申請人可以話係極之重要。Home Office對於Tier 1 Ent.申請人嘅Business Plan係有一套好詳細嘅基准測試，叫 'genuine entrepreneur' test。

當中Home Office會考慮好多因素，包括申請人嘅學歷、工作經驗、有關嘅生意嘅可行性、個Business Plan嘅可信性等等。咁即係無論建立新嘅生意或許投資一個現存嘅業務，Home Office最基本嘅要求都係會用'genuine entrepreneur' test。

有唔小有興趣申請Tier 1 Ent.嘅朋友，都可能接觸過好多唔同形式嘅現成方案。我唔會响厘度評論可行性（因為我唔係專家、都唔係達人，亦唔係僱問！），我只係希望大家諗一諗，有無可能有現成嘅方案係可以係人都適合，而同時Home Office係會唔知嘅呢？同時，我亦希望大家要緊記，錢响自己控制之內係永遠都係最穩健嘅？而且，業務係需要持續五年，除咗自己本人之外，問下自己究竟邊個可以保證個業務可以做到？

同時，近期Home Office亦好喜歡邀請每一個申請人進行interview，而個interview嘅目的簡單啲講就係要知道申請人了唔了解自己嘅業務同如何運作。厘個interview亦都係唔小申請人出問題嘅地方，即係申請人如果响interview嘅時候，表現出對Business Plan嘅內容同運作唔夠熟悉的話，Home Office亦都有權reject個申請。

如果申請成功，Home Office就會發出40個月嘅簽證。而申請人就要到達英國之後六個月內進行Business Plan內嘅生意。簽證到期之後，申請人就證明個生意仍然運作中，同時亦要提交會計資料。其實，對於賺錢與否，Home Office未必會太在意，反而在意嘅係申請人有無營運同會唔會繼續營運。不過，要留意嘅係，Home Office到續証嘅時候亦都有權再用'genuine entrepreneur' test，即係有機會再有interview。

另外一個Tier 1嘅要求就係制造就業，即係需要聘請兩名合法居英嘅人士。厘個要求就對於續領簽證嘅時候比較重要，基本要求係續期之前十二個月。

無點點都好，我想大家當想去做Tier 1嘅每一個決定之前，麻煩去細心諗一諗'genuine entrepreneur' test厘個term，中文嘅意思大概係「真正企業家測試」。測試嘅用意，我相信唔需要我講，大家都會明白。唔明白的話，可以問多啲或者大家討論下。

因為Tier 1 Ent.實在包含太多細節，我唔想太長篇大論，所以只係講大概嘅概念。

又要講嗰句不負責任嘅說話，我上面嗰啲只係基本資料，唔係乜嘢秘密，網上都可以搵到。我做嘅只係綜合晒啲資料比大家參考。每個人嘅情況同背景都唔同，我亦只係分享下，並唔係什麼專業意見。當然，如果有任何錯漏，我非常歡迎大家留言指正。如果有問題嘅，同時亦歡迎inbox或者留言comment，大家討論下。

#移民英國 #走得就走 #番英國 #點做英國公民 #居英權第二代 #T1Entrepreneur #英國企業家簽證 #Tier2WorkingVisa #英國工作簽證 #英國家庭團聚 #英國SettlementVisa

*****************************
走得就走番英國要知幾多？ (1) BN(O)係乜
goo.gl/83jUjM
走得就走番英國要知幾多？ (2) 點樣先可以做英國公民？
https://goo.gl/PAhd9g
走得就走番英國要知幾多？ (3) 英國有無太空人？
https://goo.gl/eYtsTM
走得就走番英國要知幾多？ (4) 乜係British Citizen by Descent
http://bit.ly/2vlevp1

*****************************

走得就走番英國要知幾多？ (2) 點樣先可以做英國公民？

我發現好多朋友都有一個問題，就係點樣先可以移民去英國。不如我講下其實所謂移民英國有乜嘢最基本嘅要求先。對於我黎講，講得移民嘅，最終目標係攞到個Passport，亦即係公民身份。如果只係攞個永久居留權，得個住同打工或者做生意，而無國民嘅權利及褔利，我就覺得係無乜意義。

所以我想同大家分享下，作為香港人，如果希望移民去英國做個英國公民，最普遍嘅要求同方法。

如果已經有英國British Passport嘅人（包括居英權第一同第二代），佢地本人就已經係英國公民，係乜嘅Visa都唔需要嘅。

响現有嘅政策之下，要响英國入籍成為英國公民，最基本要攞到嘅係永久居留權（Indefinite Leave to Remain）。攞到永久居留權之後，至少住滿一年（嗰年離開唔多過90日），如果合乎其他要求，例如英文水平同The Life in the UK Test，就可以申請入籍成為公民。

咁要攞到永久居留，作為香港人（無論係特區護照或者BNO），第一樣嘢要有嘅係Residence Visa（Leave to Remain）。而有咗Residence VIsa之後，要到攞到永久居留，一般嘅情況就要住响英國5年（頭4年每年唔可以離開多過180日，最後1年唔多過90日）。厘個就係所謂嘅5 Year Route。但係有一樣嘢大家要留意嘅係，無論邊種Residence Visa都好，申請人同配偶都係要一齊去同住响英國嘅，千其唔好有「太空人」厘個諗法。因為如果兩公婆分開得太耐的話，Home Office會質疑兩個人嘅關系，咁個配偶要續Visa或者攞ILR就會有啲麻煩。

重有一個10 Year Route，不過厘個多數都係比去咗英國讀書10年嘅人用比較多，佢嘅要求只係合法咁居住响英國10年，而且係好個人嘅，因為一家人我諗好難一齊合法咁住到10年。

一般香港人攞英國嘅Residence Visa，最多數都係不外乎幾個途徑，我之後都會每一個同大家討論下。為免太長，厘個Post我只係講下啲名稱同基本資料。如果係居英權第二代嘅家人，即係配偶同非英國出生嘅仔女，就係要攞Spouse /Dependant Visas。

而其它香港人最常用嘅就係Tier 1 Entrepreneur Visa（企業家簽證）或者Tier 2 Working Visa（工作簽證）。

Tier 1 Entrepreneur Visa亦係分兩種，Tier 1 (Entrepreneur)同Tier 1 (Graduate Entrepreneur)。T1 (Entrepreneur)就係依家香港人最多人用申請移民英國嘅Residence Visa。但係千其唔好叫佢做投資移民，因為英國真正嘅投資移民係叫T1 Investor Visa，要求係投資基金，債券或者股票（唔包括樓）至少£2m到£10m（投資越多，攞IRL時間越短）。

Tier 1 (Entrepreneur)嘅要求係用£200k响英國做生意，Tier 1 (Graduate Entrepreneur)就係比响英國大學或以上嘅畢業生創業做生意嘅，要求嘅金額就係£50k。不過大家要記住係真係做生意同了解個生意運作，Home Office近期係比以前嚴格咗好多。我唔想公開講，只係希望大家小心，想知點解嘅可以inbox我。

Tier 2 Working Visa其實係分開兩種嘅，Tier 2 Working General同Tier 2 Working Intra-Company Transfer。大家要明白，只有Tier 2 Working General先可以用5 Year Route，而Tier 2 Working Intra-Company Transfer係唔可以嘅。如果係用學生簽證嘅朋友，就算有合資格僱主嘅Offer，都係要番咗香港再申請嘅。

厘個Post講住咁多先，下次希個每一種Residence Visa詳細分享。都係嗰句，我唔係移民專家，我只係想大家了解多啲，幫幫手，走得就走。有問題可以留言討論下或者inbox我。如果我有乜嘢錯漏，亦非常歡迎大力指正！

#移民英國 #走得就走 #番英國 #點做英國公民 #T1Entrepreneur #英國企業家簽證 #Tier2WorkingVisa #英國工作簽證

**************************
點做Tier 1企業家？
http://bit.ly/2xKtisJ
乜係British Citizen by Descent
http://bit.ly/2vlevp1
點樣搵人幫手申請移民（上）
http://bit.ly/2vYLtgL
點樣搵人幫手申請移民（下）
http://bit.ly/2wX3T0e
移民係一條數學題
http://bit.ly/2wgKIyP
移民與香港買樓數學題
http://bit.ly/2vHSayM
移民最難嘅數學題~至愛親朋
http://bit.ly/2g0XITp

**************************