Search
33歲台南女孩，創下最高投報率
攤開美國「主權財富基金研究所」（SWFI）的「全球家族基金排行榜」，根據這個全球最權威的政府、公共與家族基金數據追蹤機構，去年全世界最大家族基金，從比爾蓋茲到杜拜王室，共有61個基金入榜。其中，只有7個來自亞洲，沒有任何一個台灣家族。
這是一個絕少台灣人接觸到的神祕投資領域。
但，在榜上排名第8大、由已故蘋果電腦創辦人賈伯斯的家族成立的基金「愛默生集團」（Emerson Collective）中，卻有一位來自台灣的基金經理人，今年才33歲的吳欣芳。
「愛默生集團」由賈伯斯遺孀羅琳．鮑威爾（Laurene Powell）成立，兩人的長子里德（Reed Jobs）也在內部擔任健康醫療部門總監。2011年賈伯斯過世後，羅琳成為其龐大遺產的繼承人。她在去年正式宣布將鉅額資產全數投入愛默生，使其管理資產規模擴增至260億美元（約7000億台幣）。目標是透過慈善工作和「影響力投資」（impact investing），來推動教育、移民、氣候和健康醫療等領域的系統性變革。
［上得百幾萬客，點搞？］華語媒體有冇快過我寫？報新聞譯外電嗰啲唔計啦，搵個bot做都得。
TLDR：NetFlix已經面對飽和嘅問題，似乎係冇得搞的，又睇下Reed Hasting 點樣神奇頂級超卓，佢就真係可以除晒衫都變隻兔仔出嚟嘅人。一早叫你睇多啲書。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
1. 成日講業績勝預期遜預期，但有時有啲公司，大家睇嘅metrics，甚至未必係top line（收入）bottom line（盈利）（講英文術語就扮哂金融才俊咁）
2. 例如 NetFlix，一向個焦點都唔係收入或純利。有一期係到底燒幾多錢，負債幾多。近排嘅焦點，當然係一樣嘢：上咗幾多客。
3. 上次（第一季）嘅業績後，股價盤後跌到反艇的（超過10%）。明明收入同純利都好過預期，做乜會咁？當然係上客數字出事。
4. 2020第一季大家知道咩事，NetFlix受惠於疫情，上咗1600萬客。咁當然分析員唔係低能的，梗知會放慢，公司都一早畀指引，公司畀嘅指引係600萬，咁分析員當然覺得，你指引得600萬梗係唔止600萬啦，就估630萬。結果？得400萬！唔及分析員指引都算，同公司自己指引都爭咁多就大件事。
5. 今次呢？剛新鮮出爐。我真係恭喜你，又令人失望。盈利固然低過預期，不過大家重點唔係呢個。收入就符合預期嘅，但大家都唔係睇呢個
6. 睇乜？睇上客嘛！好啦，講返，公司上一季業績後股價勁插，除咗因為第一季上客量遠低過預期外，佢畀嘅第二季指引都極低，叫你預100萬好啦，而分析員原本係預450萬，咁全部數都要計過晒喎
7. 返返嚟，今季嘅業績，記住公司指引係上得100萬客，但分析員照樣覺得，「你都係管理我期望啫」，所以又會估高啲，估119萬。但公司當然亦一早知道分析員會咁樣，「所以又一早會保守啲」，就係好似講價咁搏奕。
8. 結果出嘅數？154萬，高過公司指引同分析員預期，OK啦。可能因為咁，你見盤後股價反應，都唔係好大。還好。插曲係CNBC報嗰時搞錯咗啲數，成篇嘢更正咗，可能都影響到啲股價。
9. 154萬有幾慢？係2014年以嚟季度新低。
10. 同樣地，亦都指引埋下一季（第三季），公司預上客會多返，但只係指引350萬，同分析員估嘅550萬都有啲距離，又要下調。
11. 好啦，唔講悶嘢，NetFlix唔少人都有用，今年股價係完全跑輸大市嘅。早年嘅問題係驚佢燒錢燒到爆煲（實情年年賺錢，但負債重），而家嘅問題？你唔使好醒都見到，就係增長飽和。
12. 去到兩億幾訂戶（唔好忘記有啲成家人用一個戶口），又似乎入唔到大陸，咁個增長點在邊？仲有乜人係會訂而未訂？極難搞。
13. 可以搞嘅？Reed Hasting（奇人猛人，陣間再講）一早諗到。唔畀你班友share password啦，加價啦，攻印度印尼巴西啦（點解？多人！）。但，點都冇法唔放慢。
14. 所以，搞新嘢咯。確認咗會去做遊戲（暫時係手遊）業務啦，利用個平台做其他嘢。仲有，普通人都估到嘅，直播體育賽事啦。
15. 呢度順便要講一講，你發現幾有趣。NetFlix同Twitter Snap，都係2億用戶咁上下（固然大家定義唔同），但NetFlix就已經驚放慢，Twitter Snap又未驚喎，點解？除咗係NetFlix幾個人共用一個戶口外，亦因為一樣好根本嘅分析：NetFlix收用戶錢，但Twitter Snap收嘅係廣告錢 — 我用家上得慢唔緊要的，廣告收入一樣可以勁升。例子？Facebook 咯
16. 所以，Reed Hasting係不停咁希望分散你注意力，希望你焦點唔好放在上客量，因為真係神仙難救。佢不停咁強調話將來啲收入增長唔會咁倚賴上客（即係，加價啦）。亦都不忘話你知，「雖然今年上客放慢」「但你計埋2020年，兩年夾埋睇返平均，個數字咪同疫情前每年差不多咯」，即係話你知 疫情透支埋今年嘅新客咯，唔知投資者收唔收貨。
17. 呢度又要講，我個人相信，NetFlix係有相當大嘅加價空間，加10蚊唔通你轉台睇TVB咩。而家睇套戲百幾蚊，超級英雄片嗰啲仲勁，唔好當你一家大細，我當你拍拖去睇，連埋爆谷甚麼都三四舊水。NetFlix就一舊水個月，係咪something is wrong？況且，我在戲院冇得搞嘢喎，不如拎幾舊水去爆房睇NetFlix好過
18. 至於咩觀影體験呢啲，純係啲我咁嘅老嘢自high，即係我地講「實體書感覺唔同」「冰鮮雞邊有味」，屌，不如返去寫信搵筆友啦。以上實體書 活雞之類，你可能都同意，「因為你係接觸過新舊兩款東西嘅老嘢」。但，My point is，啲新一代唔少根本從來冇接觸過舊嘅嘢嘛，又何來有得比較？佢地個世界戲就係在電腦（or even worse，手機）睇，雞就係超級市場冰鮮的。即係細個老師梗係覺得科學毛筆大逆不道，但而家啲友根本寫字都唔會啦。
19. 無論如何，又係嗰句，CEO拎咁高人工，就係解決呢啲問題架啦。NetFlix未係超級巨企，但Reed Hasting江湖地位直迫Steve Jobs Jeff Bezos．佢就係嗰啲可以除晒衫都變隻免仔出嚟嘅魔術師。
20. 關於NetFlix嘅企業文化，唔少書都有講，最好睇當然係Reed Hasting自己寫嘅No Rules Rules．公司亦都貫撤執行，早排先有條友畀人炒咗，衰乜？因為講是非講上司。留意唔係唔可以批評上司，而係因為佢地私下講。公司主張完全透明，所有嘢公開講，有乜唔滿意，當住所有人面（包括批評嘅人）去講。公司唔接受任何篤背脊，陽春陰違，有乜唔滿意就當住咁多人面講。因為你唔出聲即係一係你明明可以幫到公司但唔做，一係你嘅不滿係混吉。呢啲文化就唔係一般凡夫俗子可以頂得順的。
21. 以上種種，包括NetFlix每個季度 每個地區 上幾多客，啲友畀幾錢，全部在我Patreon都有寫。長期讀者一早知
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
［今日寫呢啲］真正個Excel就靚仔好多嘅，但cap埋一張圖算，有齊Big Tech（Facebook，Amazon，Apple，Microsoft，Google）同埋今次講嘅NTS（NetFlix，Twitter，Snap）．唔只係收入盈利喎，連幾多訂戶用家呀，邊個區域呀都有晒。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
是咁的，話說我去完會展簽書，之後行書展，而家都未訓的。咁然後就返嚟寫Patreon．因為精神比較累，所以我選擇整一篇入data為主嘅文。可能有人覺得好怪，但我覺得data entry好治癒，幫我搵到心中平靜，好似人地寫書法咁。
呢篇文，講NTS（NetFlix，Twitter，Snap）。點解？因為上次有篇講過Big Tech，咁而NTS呢三間就今個星期出，講埋先，順手整埋啲data．遲下再expand多啲。到我有咁大堆嘢在手，啲忽然出嚟講兩句想搵快錢嘅人，就難以競爭啦。拿，呢啲就護城河呀！你一係由頭入一次，一係咪只能抄鬼媒嘅文（而我連你抄邊篇都知）
首先玩個遊戲，你應該估下，NTS三間公司嘅市值。估唔到都排下一二三。照計唔難，好多人都知NetFlix最大，但可能只係因為佢名氣大 —呢個係好危險嘅，正如維他奶市值大過任何一間名氣極大歐洲足球會。況且，你話計用家，Twitter Snapchat唔會少過NetFlix，但生意模式唔同
以前講FANG，但好快發現唔係同一回事，改稱FAAMG，當中最細嘅Facebook都1萬億市值，但NetFlix市值不及佢四份一。
但三間入面，就當然係NetFlix大一大截。其中一個原因，Netflix一路以嚟差不多係季季都賺錢嘅。但，唔係話佢燒錢咩？原來季季賺錢咩？Patreon解係咩回事
三間公司的確不能一齊比（但，扯，FAAMG都間間不同啦），但Twitter 同Snap係似嘅。兩個相比之下仲有趣，大家都係用戶免費，收廣告錢，同Facebook差不多，但，明明Snap收入低過Twitter，更加從來冇賺過錢（Twitter近幾年差不多季季賺錢），做乜反而Snap市值大成個開？Patreon解
仲有留意嘅係，今年股價係NetFlix跑輸晒Twitter同Snap。好多人都知NetFlix增長放慢，甚至見頂。但，講用戶（定義唔同）大家都係2億上下，做乜NetFlix就見頂，另外兩間又唔會？文入面解。但提示：你睇下Facebook？
最後寫咗三間公司嘅業績preview，冇乜特別嘢。NetFlix上季業績幾災難下，上客得4百萬，出完股價狂跌（好似15%）。但馬雲話頭，今天很殘酷，明天更殘酷，第二季應該仲難睇。
不過，Reed Hasting作為CEO，傳奇程度直迫Elon Musk同Steve Jobs，真係係我講嗰句，人地拎咁高人工就係過關斬將，不停拆彈。NetFlix嘅企業文化亦出晒名高壓，唔係香港啲濕鳩公司棟個願景價值。你睇Reed Hasting本書就知咩係「企業文化」，唔得嘅就死開，寧願用100倍人工請個勁人好過要100個普通人。又睇佢今次點樣變白兔子，「不如整單世紀收購丫」「或者賣盤」（唔好畀我估中）。文入面細講。
其他兩間嘅，反而冇乜特別。都係Digital Marketing，實情大約有路足，正如上季我地一早估到Facebook 業績實會好勁。講真，啲廣告收緊幾錢，都唔係咩秘密。另外留意，Twitter同SnapChat舊年都有啲低基數效應，Patreon幫你拆解返
最重要都係，個Excel都值回票價，連NetFlix各個區域啲客畀緊幾錢個月呀，iPhone賣咗幾多收入呀，YouTube廣告費有幾多呀（答案：Facebook四份一），全部有齊。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
