Day 70 (8月20日) 愛沙尼亞🇪🇪
| 識廣東話嘅日本人 |
喺塔林認識咗日本學生 Rena。佢媽媽係日本人，而爸爸係香港人，細細個喺香港長大，講廣東話，但到小學低年級就跟咗媽媽返日本生活，用日文學習，所以依家只識少少廣東話 (其實都唔少了，我講廣東話佢都聽得明一大半呢)。
佢話會寫關於香港人喺中國嘅身份作為論文題目，所以甚至有喺日本戲院睇《十年》了解香港情況，有去語言學校學普通話同中文字，嚟緊亦會過中國學一年中文。去過加拿大留學半年嘅佢，英文都好好啊😳佢話佢嘅日本口音就係靠個半年糾正，太有語言天份了😦 我同佢嘅對話就係 80%英文 + 10%廣東話 + 5%中文字🐥
而佢係繼日本人M (喺白俄羅斯遇到個位) 第二位同我講日本有好多潛規則。
當日我同佢食嘢，餐廳環境算靜，同佢傾計至知原來我哋香港人普通講嘢嘅聲量，對日本人嚟講已算大聲，當日佢同我講嘢聲量已算係佢最大聲了。
🌿我 🧒🏻Rena
🌿咁我去日本旅行時可能已犯唔少錯😨 (對潛規則一無所知)
🧒🏻唔會，遊客無問題 : ) 只有日本人自己會特別注重。有時喺日本我都唔記得調整自己聲量，會被媽媽提醒要細聲啲呢。
佢又提到原來有唔少中國人會去日本學中國歷史，佢同我一樣聽嘅時候都有點驚訝 (不過原因應該可以估計到吧)，唔知喺日本聽嘅中國歷史係點㗎呢？提到語言，因為日文最初其實源於中文，日本小學生細個都要學漢詩，用繁體字寫，所以亦因為咁，有助佢學習中文字。希望佢嚟緊喺中國學習順順利利 (⁎⁍̴̛ᴗ⁍̴̛⁎)
*肖像背景係佢成人禮當日著嘅和服顔色同花紋。
**同佢喺愛沙尼亞食咗餐好嘅😋 個 Estonia landscape 每隻醬都幾好食，連個湯上面層油都充滿藝術感...
#獨菇遊
. . . . . . . . .
www.instagram.com/unigoo
rena 日文 在 風と鈴の町音楽工作室- 工作室的Rena將日文歌詞 ... - Facebook 的推薦與評價
工作室的Rena將日文歌詞以字數一致，可以唱的方式來進行翻譯是為了讓非日文母語者也能了解歌曲的深意，在歌唱中更加投入，Rena花了許多時間翻譯+解析 ... ... <看更多>