「聽海浪…聽風矯情，乘著晚風與你觀星。」
一個friday的結束，正正就係一個weekday的
開始。如果有一個私人空間比我感受下海風，
咁就爽yy啦。係香港又真係幾難，而家天氣
未到6月已經30幾度，加上旅行又無得去，
沙灘又岩岩重開返，到處都係迫滿哂人，
想做聽風者？聽你老x呀，搵間餐廳靜靜地
去「微醺·The Joy House」整返個Brunch好L過！👇
-
📌M A I N S -
▪ All day · Joyful - $128
▫ brunch set一定走唔甩all day breakfast
「全 日 微 醺」，一次過食哂自家製西多士、
芝士焗大啡菇、黑松醬炒滑蛋、紐倫堡腸、
煙肉、牛油栗米、油封車厘茄、沙律。
大啡菇口感煙韌，芝士味重；紐倫堡腸外脆
內軟，唔錯；自家製西多夠特別，其實裡面
係朱古力醬加埋果占，香口得黎又唔會太膩；
炒蛋滿滿既黑松露香，入口嫩滑，整體高質。
-
▪ Pan Fried Salmon Fillet · Young Spinach
Salad - $188
▫ 第二道「輕煎三文魚扒·嫩菠菜沙律」亦有
睇頭，呢個三文魚煎得相當岩岩好，外層
果皮食落脆卜卜，極度香口；而魚肉亦夠
厚實，切開唔會太散爛，呢點抵讚；加上
魚油入口瞬間融化，配搭埋底層既新鮮菠菜、
車厘茄同埋西柚，成個配搭相當清新，
夠哂夏日風味！
-
📌S T A R T E R S -
▪ Mushroom · Soup -
▪ Daily Fresh · Fruit Salad -
▫ 每一款brunch set都包括一個是日餐湯同埋
是日沙律，沙律有兩個選擇，今日既餐湯係
「蘑 菇 湯」同埋揀左「鮮雜果·沙律」。
個湯一入口夠順滑，食到啖啖蘑菇粒，口感
十足；後者沙律用上士多啤梨、火龍果、
哈蜜瓜，配上油醋汁，夾埋食酸酸甜甜，
非常開胃。
-
📌D R I N K S -
▪ Iced · Mocha -
▪ Stewed Pear Rock · Candy Soda -
▫ 天氣咁熱真係唔飲凍野唔得，第一杯整返
杯「Iced·Mocha」基本啦，咖啡香夠哂濃香，
入口夠滑身，唔錯；後者「Stewed Pear
Rock·Candy Soda」賣相已經一流，飲落
啤梨甜度好突出，清新感覺大爆發！
-
📎 —微 醺— · The Joy House
📍中 環 士 丹 頓 街 11 號 Shama Soho 地 舖
