Southampton？點解會賣左咁多主力，仲要平賣呢？
1. 其實係咁嘅！石先生係睇今年英超有咩轉會嘅時候，發現 Southampton 賣左唔少球員，賣左 Ings 當然就唔意外啦，29 歲賣到 35M. 以 Southampton 性格梗係賣啦！賣左買番咪得囉！事實一，買番來嘅 Adam Armstrong 先 17M. 一買一賣抵啦！
2. 問題係點解會賣 Vastergaard 呢？確實唔後生，都 29歲，但售價只係 17M？主力喎！賣得 17M？有啲問題喎！
3. 問題係邊呢？睇番當年 Vastergaard 去 Southampton 時用左 25M，依家賣 17M 係蝕的。而望埋下面個個龍門 Gunn，當年買番來 11M，依家賣出去俾護級對手 Norwich 先得 5.8M，又係蝕喎！搞咩呢？
4. 睇到呢到你都估到啦！一定係錢作怪，唔係錢多，係錢少。原來 2019-20 嘅 Southampton 蝕左 76M，同期 Manchester United 蝕 23.2M， Tottenham Hotspur 講到好大鑊咁都係 63.9M，Southampton 竟然可以蝕多過佢地，確實好跨張。
5. 問題係邊呢？最簡單 COVID-19 囉，少左收入，由 149M 減到 12６M 咁就傷啦！但你睇減埋都係 2xM，幾時得 76M 呀！
6. 所以問題唔係收入少左咁簡單，因為收入少左，令球員人工佔左收入 9成，咁就梗係出事啦！不過咁，公平啲，本身人工唔係佔 9成嘅，球員唔會突然勁加人工，主要係 COVID-19 搞到收入少左，令人工由本身佔 7成變到佔 9成，但都係蝕啦... （球員其實好幫手，舊年減左 10% 人工，算係咁）
7. 睇到呢到，你明點解 Southampton 要賣人啦，就咁睇來應該未賣夠，仲要賣多兩三件先掂，做靚盤數老細先有機會順利賣盤。做靜盤數得來又要保住英超，你都咪話教練工難做。（你估個個都哥帥有 10億買人咩）
8. 值得留意嘅係，Southampton 本身都想賣盤嫁啦。老闆 Gao Jisheng 想賣，但好似賣唔成，詳細原因無留意。
9. 賣唔成結果係... Southampton 仲借左 78.8M 呀！依家負債 78.8M，利息 9.14厘，每年還 7.2M，真係都唔知你點還筆錢得來又可以留係英超囉！
10. 蝕 76M + 負債 78.8M，希望 Southampton 唔駛破產連降啦！Account 數字遊戲，照計今季開始有番球迷入場，應該唔駛再蝕咁多嘅，而且數字遊戲點蝕都未必會去到破產，英超球會喎，但財困搞到降班就... 唔係無機會嫁！
11. 睇怕今屆降班區可以預埋 Southampton 囉！
