[#東京奧運] #何詩蓓 Siobhan Bernadette Haughey 於女子200米自由泳奪得銀牌🇭🇰🏊♀️🥈係香港首面奧運游泳項目獎牌🎊
強項為50及100米自由泳嘅何詩蓓，於200米自由泳準決賽以總成績次名晉身決賽，成為香港奧運史上首位游入決賽嘅運動員。決賽以破自己、香港、亞洲最佳紀錄1:53:92得第二名，比冠軍澳洲Ariarne Titmus慢0.42秒。
賽後何詩蓓表示出賽前為自己定下1分53秒嘅目標，今次可以游出Best Time，仲可以拎到獎牌，非常開心（佢喺賽後即時訪問嘅兩分幾鐘講咗三次好開心~）。至於喺賽事100米領先，何詩蓓話自己係50米、100米自由泳選手，相對於賽事其他運動員多為200米、400米選手，所以佢只係focus喺自己嘅race度。
「我同張家朗喺今屆都有好嘅成績，希望推動到仲有比賽嘅運動員，希望佢哋可以繼續加油。同埋希望喺屋企睇緊嘅香港運動員，佢哋都可以繼續訓練。因為之後就係到你哋喇！」何詩蓓亦提到張家朗拎金牌對佢有鼓勵作用：「努力都會有好成績。」
何詩蓓喺訪問仲提到自己嘅漫長挑戰：「5年前奧運去到semi-final、2017年世錦賽200米自由泳攞第五、2019年世錦賽攞第四，次次都好似同獎牌差好少咁，依家終於有，好開心呀！」
我都好開心呀~~~ 恭喜何詩蓓🎊🎊🎊
今日18:15何詩蓓將會出戰女子100米自由泳初賽（heat6），繼續加油💪
何詩蓓爸爸係愛爾蘭人，媽媽係香港人，所以何詩蓓有代表愛爾蘭或香港出賽嘅資格。何詩蓓表示愛爾蘭泳總唔止一次向佢招手，但佢為代表香港參賽而感到驕傲，覺得同香港有好強嘅連繫，所以選擇代表香港，未為愛爾蘭出賽。
大熱 #AriarneTitmus 以破奧運紀錄1:53:50奪得女子200米自由泳冠軍，於本屆奪得女子400米自由泳金牌後再添一金。
semi final準決賽 在 (名), 複數semifinals 其實semi- 是「半」的意思，所以semifinal ... 的推薦與評價
2018年7月10日 — (2014年的世界盃決賽，德國擊敗阿根廷。) ... 其實semi- 是「半」的意思，所以semifinal 字面上就是「半決賽」。 其實，semifinal 表示☆一場☆準決賽，所以 ... ... <看更多>