【如何選擇適合自己嘅手套尺碼】
好多朋友買手套嘅時候成日遇到嘅煩惱，因為手套有好多唔同品牌，唔同剪裁，對尺碼都會有分別。而一直都有部份朋友係會買錯Size，以版主經歷多數都係買大左。因為未必每位朋友對手套都有咁深嘅認識。
對手套尺碼影響較大嘅因素，記住呢幾個方向就容易買岩size
1️⃣剪裁
因為近年手套嘅剪裁已經五花八門，由傳統3個基礎剪裁 (Flat Palm, Negative, Roll Finger) 演變出更多嘅新剪裁，較常見遇到就係NRoll，其後Elite Sport 嘅 Speed Cut，Surround cut (Negative Roll) ，到近年嘅洗碗套款。都會影響你用嘅尺碼。打個比喻，洗碗套款因為要做到好貼手，剪裁多數係內縫，即係線位內收。而呢類剪裁係需要比傳統剪裁用大一碼先會岩。假如買番同傳統剪裁一樣嘅尺碼，除左會覺得難以進入，即使帶到入去都會感覺到係頂住，而令手指未能自然伸展，除左接起波上黎嘅手感會大打折扣，稍一不慎會令你手指受傷。所以要視乎手套剪裁。以版主為例，版主帶大部份品牌都係8號，之前同大家試過對Adidas 洗碗套就要用到9號。
2️⃣品牌
因為手套品牌太多，款式更多。但總會有啲牌子嘅手套個模係偏大，當然版主都中過伏。例如Puma 嘅部份款式指位會係偏長少少，但闊度冇明顯增加。所以會覺得唔係太順手，遇著啲平掌嘅剪裁，除左長之外，手指嘅虛位都會多左。
3️⃣緩衝層厚度
緩衝層意指乳膠內層有泡綿嘅地方，即係帶左手套同你隻手接觸嘅地方。緩衝層除左有厚度，而且仲有密度之分。一般傳統剪裁嘅手套係4mm乳膠加4mm緩衝層。剪裁會影響有幾貼手，而緩衝層用料嘅厚度及密度都會影響內櫳尺碼大細。因為有啲手套公司係「足料」4mm ，加上密度高。所以有時帶上手都會覺得細左少少。部分唔足料嘅緩衝層，除非要做一啲洗碗套剪裁，先至做到好貼。比個例子大家，一般Elite Sport 嘅厚度係正常鬆緊，但唯獨Roll Finger 剪裁嘅緩衝層係做得厚而密度高，帶上手會好貼，但會貼到有啲痺痺地，所以轉大多一碼。
4️⃣指骨
指骨係好多業餘朋友選擇嘅款式，但其實當一對正常手套再加指骨，內櫳會做多一層物料，用黎隔住指骨位同手背，如果層物料太薄就會壓實手背，甚至啲角位連接位會割手，所以一般會做番厚身少少，加上指骨都會有厚度。假如開模嘅時候冇放大番少少。內櫳空間就更加壓縮得更細。所以多數係預大多少少。所以如果你買一啲指骨手套，拆走左套骨之後，內櫳會再鬆番少少，大約有半碼嘅差距。
好多朋友搵版主買手套嘅時候，都會習慣問手長幾多cm，而呢個cm嘅長度會按住唔同手套嘅剪裁，用料，用唔用指骨嘅習慣。再加上對產品嘅了解同經驗，去為大家揀選岩用Fit手嘅尺碼。賣龍門手套都係一種專業。希望藉著今次嘅分享令大家知多啲關於手套尺碼。
因為編幅較多，又希望講得詳細少少。反應好嘅會有下集，去講講點度Size先最準🤣當然真係有問題都不妨inbox 或者Whatsapp交流下🙌🏻🙌🏻
⁉️可能有部分朋友想試真啲先同版主買手套👍🏻所以下星期開始「流動門市」都會試行，多個機會同大家面對面交流，詳情資料就呢幾日再公佈🙏🏻
#龍門手套 #守門員手套 #手套尺碼 #有好多因素都會影響 #守門員裝備 #守門員用品 #goalkeeper #goalkeepergloves
手指受傷 在 受傷保護手指-PTT/DCARD討論與高評價網拍商品-2021年12月 的推薦與評價
受傷 保護手指找受傷保護手指相關商品就來飛比. ... 【DAYOU】los0712手指固定帶食指中指無名指小手指固定帶保護套肌腱斷裂受傷固定(大友). 267. momo購物網. ... <看更多>