5+1嘅「移民監」人生Reboot頓悟
（本來係Patreon文，最後決定原文照出）
自從有BNO Visa呢樣嘢開始，一方面已經有唔少人已經黎到英國展開新生活，而另一方面就更多香港討論（或者報導）黎到英國人工少咗幾多，宣揚什麼本來中層去到英國要做藍領低下階層如何慘情，疫情脫歐失業數據點樣恐怖，講到要考慮由一個地獄好唔好跳入另一個地獄咁難諗。坦白講，响2020年後，世上無地方失業情況唔嚴重嘅，話無係嗰啲地方大家又會唔會去？世間上無世外桃源人間仙境，英國更加唔會係，所以真正要問自己嘅問題係有無人生Reboot嘅頓悟，去新環境一家人重新開始，最壞嘅情況甚至短暫需要由底做起，有啲心理包袱的確係要暫時放低一陣。
响搵工賺少幾多呢方面，對於年青嘅一代或者响香港事業未起步（或者已經有阻滯）嘅朋友，當然心理障礙會少好多，通常最多嘢諗嘅相信就係嗰啲中年中產。（警告！！！）：跟住下面講嘅可能有人會覺得（又）撥冷水，不過可以好確實咁講，係出於心底嘅善意分享同鼓勵，唔鐘意嘅或者喜歡斷章取義嘅可以掃走㗎喇。
首先，唔該老實啲認清自己响香港職場咁多年黎嘅身份同處境，香港被稱為國際都會，其實已經係幾十年前嘅事，大部份中產响呢廿幾年黎只不過壤從改革開放同世貿全球化同樓價泡沫塘水滾塘魚水咁賺自己份人工，唔好呃自己，試問有幾多個職場中層响呢十幾廿年係响國際市場同外國打交道賺人工？問下自己經歷十幾廿年食買玩，除咗「京板神歐洲Outlet買買買」，响19年前幾咁有國際視野？
先撇開疫情脫歐失業率呢啲外在大環境因素，與其埋怨去到英國搵唔返同等工作或者人工，麻煩睇下响職場上面對咩對手。如果講中層中產，就以我識嘅嗰啲為例，至少有一半或以上都去過半個地球以外唔同國家工作。都仲未計嗰班有同樣學歷來自南亞、非洲、中東、歐洲新移民，咪忘記人地都係新黎嘅。但係响同等CV嘅情況下，佢地响祖家嘅收入同香港比就已經相好遠，好自然議價要求同心理包袱同財政障礙會相對低。
講呢啲並唔係要嚇神嚇鬼放負，只係希望大家放底自己創造出黎嘅無謂尊嚴，香港人唔係唔得，更加唔會比其他人差，只係呢幾十年比特殊情況同環境寵壞咗，加上長期掛住食買玩，如果今日決定投入新環境生活工作，就要面對國際職場嘅殘酷現實，我地以前的確係overpaid。
其實香港人係有基本質素嘅，不過講到移民就要有人生Reboot嘅頓悟，每樣嘢都有個開始，以前嘅經驗唔會白費，只係去到新環境就要重新儲經驗值，需要時間融合將新舊經驗混合發揮。响英國呢個咁實際嘅資本社會裡面，係唔會有懷才不遇呢回事（如果有就係自己嘅問題），只要大家能夠融合社會同習慣英國職場生態，總會有一日可以攞返自己待遇、職位同人工，需要嘅係時間、耐性同決心。要跳出一個唔多comfort但收入比較好嘅 comfort zone，响新地方實係會有陣痛同挑戰，不過呢個就係取捨，好殘忍嘅取棄，值唔值就自己諗。
“Someone who cannot abandon everything cannot achieve anything.”
- Armin Arlert 《Attack on Titan》
「什麼都無法拋開的人，當然什麼也無法改變」
不過唔該咪再用「捱」5+1移民監嘅心態，幻想坐完就點點點喇，未來政治環境都無謂講（本人討厭政治），人生有幾多個六年？六年後自己幾多歲？又再Reboot多次？六年後個世界幾成點？如果有咁嘅幻想，不如...
#進擊之巨人上腦
********************************
每日更新專屬內容乞衣兜Patreon：
https://www.patreon.com/goodbyehkhellouk
MeWe：https://mewe.com/p/goodbyehkhellouk
Twitter：@ByeHKHiUK
IG：@goodbyehkhellouk
********************************
進擊之巨人上腦 在 #進擊之巨人上腦 - Explore | Facebook 的推薦與評價
世間上無世外桃源人間仙境，英國更加唔會係，所以真正要問自己嘅問題係有無人生Reboot嘅頓悟，去新環境一家人重新開始，最壞嘅情況甚至短暫需要由底做起，有啲心理包袱 ... ... <看更多>