說起來已經係一月中的事，去東京巨蛋既一個集全國祭典於一身的ふるさと祭り（家鄉祭）我地係站前的一間售票處買到平100円的入場券。水道橋個個Tokyo Dome City玩就玩過，但入去呢，都真係第一次。
入到去既反應係：「好大好大好大，真係好大😨」大概有20個紅館吧？！門前已經豎起秋田竿燈祭（かんとまつり）用的竿燈，一整個夏天東北遊的回憶出返晒來😂😂😂一入DOME入面幾座青森的佞武多（ねぶた）燈籠，雖然氣勢弱左少少，但都是東北三大祭，點可以無呢？！還差一個？就是仙台七夕祭（たなばたまつり）可惜場內並沒有, 但仙台命脈牛舌（ぎゅうタン）就大把！😌
青森ねぶた http://www.nebuta.or.jp
秋田竿燈祭 http://www.kantou.gr.jp/index.htm
仙台七夕祭 http://www.sendaitanabata.com
八戸三社大祭 https://www.city.hachinohe.aomori.jp/kanko/festival/sansya/
入到場內由地上到天花板豎起左一座巨大的ねぶた，但跟青森的橫向式完全唔同，是五所川原（ごしょがわら）的立佞武多（たちねぶた）今次就真係同真物一模一樣，係底部望上去真係呆左，氣勢磅礴！👍🏼✨影唔到全相，在腳旁設有迷你版😎真心體貼～
睇左一輪祭典後，我地入左去不同地區主題的小食街試食當地命脈。曾經錯過左次去食飛騨牛（ひだぎゅう）今次唔可以走寶～再挑戰話係世界第二蜜瓜包同參加左個丼祭（どんぶりまつり）500円換一張丼券同一個銀幣，可以去投選你至愛的丼。我地三個每人都選了兩個，不可重複！結果係點？我都唔記得啦
最後行埋八戸三社大祭（はちのへさんしゃたいさい）同飲埋杯北海道酸乳酪，是我喜歡的酸微微，貼近 Dairy Farm International Holdings 的鮮果乳酪，飲完成個人真係醒晒！好美滿的一個星期日都☺️
有興趣真心希望大家去東北三大祭，丫仁大力推薦！！今個夏天仲等咩？BOOK定機票8月頭向東北出發啦～
PS: 新青森到札幌的北海道新幹線係2016/3/26通車啦～
＃丼祭 #東北三大祭 #五所川原 #飛騨牛 #三社大祭 #八戸 #北海道 #丼祭 #北海道新幹線 #佞武多 #牛舌 #仙台七夕祭 #ふるさと祭り #立佞武多 #たちねぶた #飛驒牛 #牛奶公司 #竿燈祭 #秋田 #水道橋 #丫仁 ＃工作假期 ＃工作遊記 ＃東京巨蛋 ＃tokyodome
