有選擇困難證嘅我最鐘意食Omakase，唔洗諗太多又成日會有小驚喜。琴晚去左位於灣仔月街嘅鮨月，店面細細間，似足日本嘅居酒屋。廚師發辦就當然係坐係廚師面前，職員好細心會詢問一下有無咩食材係唔食。
頭盤已經好豐富：薄切縞鰺刺身配沢蟹，刺身真係薄到半透明，師傅刀功果然明不虛傳。沢蟹炸到金黃鬆脆，可以成隻食，成個小食配上鮟鱇魚肝同海膽豆腐，口感一流。
北海道厚岸蠔肥美鮮甜，唔會太重海水味，非常新鮮，預先加入檸檬汁，配上小小海葡萄真係好正。活帆立貝用紫菜包住，配上帆立貝裙邊同幼蘿蔔苗，Creamy得黎帶小小清新。
頭盤最後有吞拿魚，以較深紅色嘅吞拿魚赤身拼上粉紅色嘅吞拿魚腩，一啖食到吞拿魚兩個部位，別有用心。食完頭盤，廚師會提供少少姜片，令食客清一清口味。
接住落黎，係一連五道嘅壽司環節。
羽太：香港人俗稱「斑」，上面加左酸酸地嘅白乾梅，魚肉爽口帶有濃郁魚脂香味
姬鯛：壽司面放有柚子胡椒，有少少辣味令姬鯛更JUICY
系撚鯛：イトヨリダイ中文名真係叫「系撚鯛」，大家唔好笑呀！雖然個名就粗俗左d，類別有少少似我地嘅紅衫魚。配有用甜酒浸過的海帶，壽司再輕微炙燒一下
蟹膏赤蝦：最底屠層嘅赤蝦清新爽口，中間係松葉蟹膏面鼓，上層係海葉葡萄，多層口感勁豐富
Kama Toro：大拖羅嘅一種，近拖羅嘅魚鮫，少咗脂肪筋，食落肥而不膩
最後係和食嘅部分:
有汁燒太刀魚同煙肉露荀兩款燒物。天婦羅係和食中唔可以缺少嘅，有蝦、蕃薯同明太子青椒仔。仲有清酒煮蜆同茶漬飯，真係好豐富！
甜品係我最愛嘅士多啤梨雪糕，配上靜岡縣士多啤梨同紅豆蓉，層次更豐富。
新一年，快啲嚟Sushi Moon試吓性價比超值嘅Omakase！
鮨月 (灣仔)
灣仔月街2-12號地下D-F號舖
#鮨月 #日本料理 #sushimoon
イトヨリダイ 在 8 イトヨリダイ ideas | fish pet, fish, pets - Pinterest 的推薦與評價
Nov 6, 2019 - Explore 刺繍画家 Marron's board "イトヨリダイ" on Pinterest. See more ideas about fish pet, fish, pets. ... <看更多>