［澄碧邨都賣4000蚊尺！］最震憾係，2月嗰時先1400蚊尺。唔知你醉定我醉了
1. 真係媽媽咪亞，昨日最爆新聞。澄碧邨都賣4000蚊尺！（OK，$3529，但四捨五入咪4000！）
2. 唔知咩係澄碧邨嘅，請睇01舊文（https://bit.ly/3iGmdRf）。
3. 咁，就話有銀主盤拍賣，一大班退休或準退休人士（嗯嗯）到場，50人，迫爆現場，排到出大堂。仲要4分鐘搞掂，唔知又有冇人去塞住部電梯（明嘅自然明）。
4. 點解咁多人仆到去？因為個開價太吸引，120萬，「真係買個車位都唔得」，但澄碧邨呢個銀主盤，實尺666尺（睇數字就知有鬼啦！）。結果？一個double 賣出，235萬，3500蚊一尺（實用啦）。「都仲係買個車位都唔得」。
5. 不過啦喎，知道澄碧邨係乜嘅，應該會嘩一聲，或者屌一聲。唔知係乜嘅，就睇頭先01篇文，咁你就明。
6. 好啦，買家嘅友人，係而家住澄碧邨嘅。「咁梗係話你知正啦，唔通話自己中伏咩」。但又不過唔好咁cynic，買家自己都去過，況且錢係人地嘅，邊個傻都未知。
7. 不過呀友人話，澄碧邨方便過天水圍，就真係唔少人黑人問號。我懷疑呀友人有冇去過天水圍。係咪以為天水圍在西涼甘蕭？馬騰（唔係馬化騰）馬超姜維啲friend？天水人嘛。
8. 咁OK，佢聲稱話自己中環經長洲，轉兩次船，八點上船九點十分就返到屋企。「不過我估天水圍都差不多」。
9. 當然呀友人就冇話你知，如果中途急屎走咗班船點算，或者走咗尾班船點算，或者趕時間點算，之類。話一日18班去長洲，好方便。
10. 係咯，用晒condom去買過個，都係等船去長洲之嘛，夜咗仲可以大條道理唔用套添，女友堅持嘅你咪叫佢去長洲買（＊）。唏，啲鬼佬都係咁，一次買定幾個月嘢返屋企架啦，係你啲都市人先唔儲住一百幾十個。
11. 又之但係，信市場嘅，喂，天水圍，唔止3500蚊一尺下話？即係買嘅住嘅全部傻仔？
12. 咁但，價值嘅嘢，又唔同人可以唔同。退休人士，唔使返工，有嘅係時間，同你計條數又唔同。急乜呢？第朝先扑咪第朝先扑，唔扑都冇所謂。點同你啲都市人咁在的士都要做深喉測試
13. 況且，我之前都睇過個盤（就梗係網上睇資料啦！入長洲貪賓客人數多咩）。當時仲話係冇寬頻上網，咁就話知你幾平我都唔會諗。但而家好似話有呀下。
14. 但又之但係，其實唔夠半年前先有單成交（https://bit.ly/2O6fjXB）。都係澄碧邨，但做緊1400蚊尺喎。仲要一樣係666尺實尺，作價係95萬。咁你可以話坐向唔同呀乜乜唔同嘅，我冇深究。或者你可以話，2月時聯儲局都未無限QE，而家樓價應該一個開唔止，好似係（咁我應該可以退休）。
15. 但，即係2月嗰單，個賣家1400蚊尺做咗傻仔（＊＊）？但今次聽講係銀主盤喎。開120萬有人嚟我唔覺得奇，但可以搶到235萬，真係只能講我係窮人。
16. BTW，介紹返，管理費都2000蚊個月。證明我真係窮人，我交700管理費已經媽媽聲。個個月都準時去拎垃圾袋。但人地包埋個免費船，又唔同嘅。
17. 最後講下，其實呢單銀主盤，之前蘋果都有報（https://bit.ly/2VYZg1P）。然後你又見到個市場幾咁有效率，50人仆嚟買。所以，點會有咁多筍嘢畀你執到？得罪講句，有筍嘢，地產經紀首先就自己買，第二就同其他經紀夾份買，第三就益啲買一億幾千萬樓嘅人搭件豬骨細價樓，第四就益啲熟客。你估下個pecking order排幾時先排到你？
（＊）當然係講笑，實情就肯定係你等到第二朝先做愛啦。好方便架。
（＊＊）講開呢單，賣95萬，原業主1998年以88萬元購入，持貨22年，是次轉售賬面僅賺7萬元。真係好有喜感。
————————————————————
一日女友拍賣 在 [問卦] 蝦皮上多很多一日女友拍賣的八卦？ | PTT 熱門文章Hito 的推薦與評價
如題啦，蝦皮關鍵字打一日女友，怎麼出現一堆物化自己的台女啊，直接在上面標價欸3h5000之類的，看的肥宅我好心動，這不會是騙人的吧？有人下標過嗎？ ... <看更多>