《拯救許志安》
本來，今朝出咗個post 「689批鬥母校理工大學」 反應其佳，個零鐘頭已經超過500讚好、多過兩萬次瀏覽，肯定今次實爆燈，誰不知殺出個安心事件，篇文章本來走勢凌厲，即刻停頓曬，認真，真係停曬。
雖然係咁，我仍然冇太責怪許志安，酒後亂性呢啲事根本唔係娛樂圈獨有，求其廣告界會計界保險界....日日都發生緊，雖然絕對唔啱，但係罪不至死。
我反而唔知蘋果畀咗幾多錢買條片，同埋係咪包埋打官司，因為公開偷拍的士女乘客親熱片段，基本上同上次公開偷拍女乘客餵奶一樣，肯定犯法。
家陣就算唔係用apps叫的士，酒樓門口大廈門口周街天眼都應該影到的士車牌，呢單嘢睇嚟仲有排玩。
最後，希望幫輕下許志安，擺兩個人版係隔離，真係要揀一個做老公，都係揀返許志安...
李懂媽
#一直以為嗰套戲三夫係講緊玩十三張
