https://www.patreon.com/posts/kui-tan-bai-deng-47494454
講下一單香港無乜人提嘅新聞：拜登上任後第二日，立刻向俄羅斯表示要求延長限制雙方核武數量的《新戰略武器裁減條約》（New START）5年，獲得克里姆林宮發言人培斯科夫熱烈回應指「極之歡迎」，本來START將會響兩星期內到期。
之前特朗普已一再強調，基於俄羅斯長期響有關中程導彈技術開發上作弊，唔會再同俄羅斯延長START條約，此外原因有二：
一係因為START同之前《中程導彈條約》、《開放天空條約》一樣，都只係限於美俄雙方遵守，而中國就可以響無任何監管之下，肆意發展核武，對美國構成重大威脅；
二係重覆當年列根用《星球大戰》計劃拖死蘇聯嘅策略，與其比俄羅斯偷偷摸摸作弊，不如迫使普京動用大量人力資源全面同美國進行核競賽，最終加劇俄羅斯經濟危機，鼓動人民起義推翻政府；
但響聲稱將會視俄羅斯為主要對手，「將會全面與其抗衡」嘅拜登上場之後，佢第一樣做嘅，就響無任何向俄羅斯施壓嘅前提下，無條件啟動START續約程序──喂就算你真係覺得條約有延長需要，係咪至少都爭取一下對美國有利嘅條款？問都唔問就無腦照簽，想問反俄反俄，究竟反咗響邊？
哦，原來另一個拜登立刻責成國家安全部進行嘅，就係俄羅斯介入上屆美國總統選舉嘅情報調查──響佢心目中，上屆佢同希拉莉點解比人搞到選輸咗，係比美國當前面對嘅核威脅更加重要。
再者，中國明明已成為一個新興核威脅大國，特朗普接二連三廢除美蘇時代簽訂嘅核協議，就係想迫俄羅斯向中國施壓，三方埋檯傾一個包括中美俄嘅新核制衡機制出黎，甚至連中程導彈技術發展都要放埋入限制清單入面。而家NEW START傾成，普京獲得一個核戰略緩衝，開放天空條約同中程導彈條約就可以慢慢拖長黎傾，亦再無動力要幫美國碌人情卡拖中國落水。
去到呢度，又令人好不安咁再次聯想到敗登上台後提出嘅一個新戰略概念：「戰略忍耐」。樂觀啲睇，停售沙特軍武、撤銷孔子學院禁令、延長NEW START、算回已被中共騎劫嘅世衛，都只係由於拜登想用一半任期集中處理國內問題，兼掃除特朗普響政府嘅殘餘影響力後，而開始重建自己一套外交體制。
悲觀去睇卻係，敗登已打算為咗貿易利益、環保同國際合作三大政治目標，打算將國家安全、民主自由同埋國際公義作為犧牲品。如今所謂「戰略忍耐」，所忍耐嘅並唔係中國，而係渴望佢延續對華強硬路線嘅民眾，所以開頭點都會做下樣話要同中國「競爭」。等過多排同習近平摸完底做好哂檯底交易，就會響後半任期正式出賣美國人以至香港人。
所以點解連美國民主黨第一號香港走狗邵嵐聽倒呢個詞都腳震震，個原因就係咁解。
下 屆美國總統選舉 在 川普當選總統，Facebook起了什麼作用 的推薦與評價
舊金山——週二深夜，當唐納德·J·川普(Donald J. Trump)擊敗希拉蕊·柯林頓(Hillary Clinton)，贏得總統選舉的形勢變得已經很明顯時，Facebook的幾名副 ... ... <看更多>