#寫Blog為興趣 #你們的留言回應都給了我一個鼓舞
#這全都是Bonus
回想返，原來我已經寫Blog寫咗有3年幾4年。
最初，我只係想記錄陀住和牛B嘅奇幻孕期，同埋我真係「勁鍾意打字」。
你問我，我其實唔鍾意睇字，但就偏偏勁鍾意打字。
我亦無諗過，寫下寫下Blog，和牛B都已經3歲半。
而家我都會繼續寫，係因為我真係好鍾意發掘好去處、分享買著數嘢嘅情報、同埋一啲生活上好有趣嘅事交流下。亦因為咁認識咗一班志同道合嘅朋友。
其實講到尾，我都只係一個師奶仔嚟。
最重點嘅係，原來我寫嘅嘢真係會有人睇！！
呢一點真係令我好開心，本來我都唔相信有人睇。
就係喺尋日入去迪士尼途中，有一個陌生人望咗我同和牛B一陣。我最初以為佢係和牛爸爸嘅朋友，黑人問號咁望返佢。佢就開口問「係咪和牛B呀~我有睇你寫嘅Blog o架!」呢一句話，令我超開心超鼓舞，我亦嚟唔切反應。
＊＊Sorry，我遲鈍派反應永遠都係慢九拍嘅人😂🤣
我真係好開心，好多謝你支持我哋呀❤️❤️
#寫Blog唔是要伏人 #而是想真心去分享 #並非作文比賽
#不問世事住在山洞裡 #唔同我講我都唔知 #為何要勾心鬥角 #相逢恨晚的你們 #痴痴呆呆坐埋一枱
