我都講過，睇劇會令我諗好多問題，思考人生。而呢個問題我諗咗好耐，今日終於有答案。
睇「逃げ恥」嘅時候，每次見到ガッキー攪住星野源，我都會問：點解佢攬住嗰個唔係我？事出必有因，原來係有理由㗎。
作為一個演員，ガッキー做好自己本分，因為做戲佢先會攬星野源。喺現實生活，我知佢攬住嗰個會係我，應係係話必定係我。大家如果有機會睇到呢行，應該會問：點解我可以咁L大口氣。哈，你夠膽就睇埋落去。
係，我坦白同你講，我真人未見過ガッキー，但唔緊要因為無見過唔代表無連繫。佢唔識我，我唔識佢，點解？因為佢驚佢唔用廣東話同我溝通唔到，又驚自己講日文我唔識聽，所以我地一直未見到面，因為見到面都未必講到嘢。所以我學緊日文喇，ガッキー而家今年29，我25，當佢好似長澤正美咁30結婚，我仲有一年時間追。做人最緊要係咩呀，有大志。你地呢？！剩係識得FF！話自己喺佢老公，男朋友！我就唔同喇（都廢事同你地講）
大家唔洗留言話咩我同你地爭女又話係ガッキー嘅邊個邊個，邊個真邊個假我一眼就睇得出。羨慕我喺日本追緊ガッキー嘅人唔洗太灰，張家輝講過：「你而家冇，但將來會有！」加油。
#今晚九點要睇CODEBLUElive
