日劇《戀愛可以持續到天長地久》上天堂、等來生
～睇過劇的明白，標題不是講生死，是講兩個醫生的姓氏，如果香港人去睇醫生，知道一個姓「天堂」，另一個姓「來生」，肯定講句大吉利是然後調頭走，日本人真係玩野。
～ 「上天堂」係指女角佐倉七瀨(上白石萌音)一見面就要上、要表白的天堂醫生。「等來生」是講另一女角酒井護士(吉川愛)，暗戀和等待來生醫生
～ 這劇改編自少女漫畫，典型少女求愛勵志故事，成功就叫勵志，失敗左就係白日夢，所以有另一部漫改日劇叫《東京白日夢女》(吉高由里子、榮倉奈奈主演)
～ 劇情十分之遊戲機故事，先係借用《勇者鬥惡龍》這經典RPG遊戲的概念，Level最低的學生妹，努力、熱血升哩做護士，新紮護士發覺心儀對象是「魔王」，以烈女不怕死的拼勁，化身勇士用愛征服大魔王。
～ 另一知名遊戲《Final Fantasy 最終幻想》，這名稱亦應用在劇內，女主角雖然可愛，但相對平凡，還有Baby Fat，並非國民美少女那種美人胚子，但普通可能令女性觀眾更易投入這角色，當見到七瀨唔單止被兩個醫生追求，甚至超級富二代出盡方法去搶她，個人甚至懷念副院長會否加入戰圈，真係滿足晒女性的最終幻想，睇完真係充滿正能量，疫情下大家咁愁，推薦女性們去吸收正能量。
～ 好多女生因這劇愛上佐藤健，劇中他簡直是「閃電俠」，不斷放閃同用眼神電人，坦白佢chop過林峯，擺晒post去咀人，女生冧到震，我就打冷震，都係睇番他主演的《浪客劍心》好過。
～ 見到男女主角拍拖，似拖住細妹出街咁，投入唔到，反而喜歡做酒井護士的吉川愛，男生喜歡類型。除了佐藤健，女生應留意追姐姐的小鮮肉渡邊圭祐，幾靚仔。
～ 講咁耐都無乜提劇情，因為好公式，無驚喜，純睇演員放閃。
～ 同類劇想起《花樣男子》、《惡作劇之吻》、《交響情人夢》和《螢之光》，前兩部無睇過，而《交響情人夢》真心好睇好多，野田妹和千秋王子絕配。
～ 窩在家中只能睇劇，下一部是《忒修斯之船》。
～ 大台《myTV SUPER》改了這劇名叫《天堂的天使》，喜歡嗎？
#日劇 #戀愛可以持續到天長地久 #佐藤健 #上白石萌音
