<長文，慎入>
我懷疑好多人都唔知道堅道往西環方向路面，即係由明愛開始早上七至晚上七係禁區時段。每朝早我都見到不少於兩架車泊咗或者行走於往西環方向嘅堅道。
呢個時候我就會默默為佢哋祈禱，希望唔好俾人抄牌。我甚至見過的士行果段路，當然而家嘅的士司機，都係Google司機，唔似以前嘅的士佬係腦內自設地圖，而Google係唔會顯示禁區嘅，搵食車入咗禁區又遇上警察抄牌都只可以講一句愛莫能助，因為搵食車應該好熟路。
雖然我好似宅心仁厚，不過有一架車，我真係覺得佢好過分，我隔三兩日就會見到佢泊喺堅道嗰啲lay by果度，有一次我見到抄咗三張！三張起碼泊咗五粒鐘！我今朝返工又見佢拍喺度，當我食晏嘅時候，佢仲喺度，好彩，係抄咗牌！唔好話我心地差，因為佢實在過分呀嘛！
其實呢啲慣犯，係咪應該罰得重啲呢！對佢嚟講十張八張都係三幾千，真係過眼雲煙！
究竟佢係有錢就是任性，定係唔知呢佢！會唔會佢根本唔知道個度係禁區，只係以為自己係非法泊車，又咁唔好彩俾人抄牌呢，又甚至佢唔知道只要行3、5分鐘就到嘅亞畢諾道係有停車場嘅呢！
#何嘉麗callmegaga #何嘉麗
#堅道徘徊 #堅道向西環方向係七至七禁區 #有錢就是任性
何嘉麗 在 何嘉麗call me GaGa 的推薦與評價
何嘉麗 call me GaGa， 香港。 24718 個讚· 2204 人正在談論這個。是何嘉麗的個人專頁。 是DJ。 是歌手。 是VO Talent 是Trainer。 是打工仔。 是老闆。 ... <看更多>