今年生日 終於著得返未生B前嘅西褲！😎💪🏼
呢兩年，好多事都非控制範圍內：大至環境氣候，社會時事；小至家庭，工作。大量無力感，太多不如意😔。
前年忽發奇想，見身形開始走樣，不如減返啲，目標係著返未結婚前嘅衫。終於上年生日，目標達成，著得返剛畢業買嘅衫。💃🏻 （https://bit.ly/3q5OlAV）
今年，俾多個挑戰自己，要著得返未結婚前嘅西褲。
以前做咗好多年醫學纖體美容，公司要求同事身形纖瘦是正常，制服都要slim cut。
而生過B嘅媽咪，特別係生過孖B嘅媽咪一定有同感，個人就算瘦返都好，始終個肚同以前不一樣。我陀孖B時個肚最高峰有43吋，生B後好長時間條西褲連大脾都穿唔入😅😅。
至於點減🤔，控制飲食+增加運動是必然的。自己係營養師，有相關知識經驗，減肥當然會易小小。但最重要的關鍵是，你有幾想減，呢樣嘢重要到咩程度，你為咗呢件事可以犧牲和改變什麼？
做過四年半母乳媽媽，屋企有四隻🐵🙈🙉🙊（連埋我老公），磨鍊了意志，亦教我學會了堅持。（https://bit.ly/3kfuYVh）
現今時勢縱然有很多事情我們改變不了，甚至可能要逼著躺平，但至少，自己的軀殼和健康，我哋仍可以有最大程度的控制能力的。
各位成日想減肥又冇恆心嘅朋友加油💪🏼
#假使世界原來不像你預期
#開發你新的秩序
#呢個絕對唔係營養師營養課程廣告post
#我轉行喺體檢中心做好耐啦
#如果想驗身就可以搵我嘅🤗
假使世界 不如 你預期 在 私家音樂- Live Review 假使世界不像你預期，不如堅守你的 ... 的推薦與評價
假使世界 不像你預期，不如堅守你的獨家村。 (上) 852FES 覺醒音樂方皓玟X 謝安琪 . 潮流興Collab，用合作方式來開音樂會是大勢所趨。要做一個好的Collab演出好難，由選 ... ... <看更多>