今日因為有活動同朋友見面,無意之中發現嗰位為人師表嘅,為咗掩飾自己被人飛起會藉嘅真正原因,當時已經向我大話冚大話。原來係佢自己言論太過黑心,做咗好多背道而馳唔忠誠嘅事情引致被飛,可能佢知道紙包唔住火,為咗先發制人,就同我講個會無端端飛起佢,仲表現到自己唔知發生咩事,好無辜咁。 今日終於水落石出真相大白!
唉! 我其實真係覺得以一個年紀都唔細嘅人嚟講,不但無為自己思想行為負責任,而且經常周圍點火,係好唔成熟唔負責任嘅表現。 識咗咁多年,我比佢跣咗咁多次,真係令我極度痛心失望。 最後佢亦都向我承諾以後唔再聯絡我嘅粉絲,亦承諾唔會再同我嘅粉絲有任何平台留言、互動、包括任何私聊或約會,仲白紙黑字講明堅決承諾會自動消失,希望佢真係講得出做得到,唔好再食言! 唔好再講大話呃我! 如果再比我發現佢秘密聯繫我嘅粉絲,我唔會再客氣!希望我嘅粉絲都要尊重我,成全佢對我許下嘅承諾!
雖然痛心,但我已經仁至義盡。
#做人要光明磊落問心無愧
#講得出要做得到
Search