#多謝閱文
仲講High tech揩嘢？依家冇Tech先領嘢。騰訊親生仔閱文（772）上市，全世界慌死執輸。炒股年資唔算好長，但呢一浪新股潮，你會發現幾個現象，然後要講句，#多謝閱文。
1：正所謂唔賭唔知時運高，唔IPO唔知咁多有錢佬。學老死 盧卡股話齋，一隻閱文令朋友身家無所遁形。話說今日一個朋友WhatsApp問，「我抽到兩手呀，應該點做？」而呢位人兄，平時根本唔買股票嘅，竟然會抽到兩手，「你咁叻？孖咗好多錢？」「我孖展咗500萬呀！」「嘩！抽10萬股，突然變到50萬Cash去做按金」點知佢應我一句，「我平時除咗錢，我咩都冇。」（堅係真實對白，好寸嘅回應）
冇錯，呢個世界真係好多人，腳踏實地將所有錢一蚊一蚊儲起，然後將錢放喺度吽，吽得只剩吓Cash。#多謝閱文，令呢班人有股票市場初體驗，跌入呢個龍潭虎穴。市場人氣旺，個市自然一齊Cheer Up！
2：即係咁，傳統智慧話我哋知，先求知，再投資！喂喂閱文咁搶手，大家仲唔係睇好華文閱讀市場？Well，咁諗真係很傻很天真。早兩日同Frd子討論抽閱文問題，朋友話「我都孖展近一球去抽」「岩呀！抽閱文一球已經係入場費。」用球去做單位抽新股，其實真係好很癲，之後更癲嘅事出現啦。
朋友仔問我一個問題，「話時話，閱文係做咩？」睇到一副Innocent嘅表情，加上我知佢脾性，我相信佢唔係派緊膠，「你用左十幾萬錢去抽IPO，你冇好奇心研究佢做咩？」「依家咪問緊你…」咁又係嘅，先投資，再求知，你岩，於是「你有冇睇過《步步驚心》、《琅琊榜》、《三生三世十里桃花》，咪就係閱文啲網上小說改編」「噢！若曦！我有睇呀有睇呀！劉詩詩呀！我仲睇埋IU版……」#多謝閱文，令班平時連書都唔睇嘅香港人，突然開始留意華文文壇！文人有救啦！
3：對一班平時唔係好識Social嘅朋友，以前行出中環同人吹水，好辛苦先諗到個話題，依家唔同啦，一句「你有冇抽閱文呀？」輕鬆打開話框子，到閱文派彩，「你抽唔抽到呀」之後又可以問「你沽咗未呀？」閱文過氣之後，不用怕！仲有雷蛇（1337）、易鑫（2858）……新股齊發，唔怕冇水足，怕就怕你唔夠水抽，#多謝閱文。
好啦！一句講晒，當恒指上到29,000點；當閱文成功上到蘋果A1；當一堆唔炒股嘅人，盲中中衝入去炒股；當行出街全民講股……嗯，你都咪話唔驚！#多謝閱文，給我重要啟示。
by千頌C@堆填區
http://fb.com/winbigwok
全 本 小說網 琅琊 榜 在 瑯琊榜小說PTT與DCARD推薦網拍商品- 2021年12月|飛比價格 的推薦與評價
琅琊榜瑯琊榜 同人本bl小說江左萌萌噠by 金光閃閃羽大娘羽宸寰cwt ... 現貨瑯琊榜（全三冊）（胡歌、王凱、劉濤等主演的古裝電視劇原著小說） 0WMn*&*-. ... <看更多>