關於 兩個港女去塞浦路斯 ，我們在網路上蒐集到這些相關的討論、資訊與評價

北塞浦路斯土耳其共和國 🌏

有睇上一篇港女嘅沙灘文就知道港女去咗「塞浦路斯🇨🇾」旅行，攪咩又有個「北塞浦路斯土耳其共和國」吖？🤨

其實塞浦路斯呢個小島都有分「南塞」同「北塞」，港女簡單同大家上一堂非專業嘅歷史課。塞浦路斯喺1960年宣告咗獨立之後，島上嘅主體民族希臘人同少數民族土耳其人不斷發生沖突，而幾年後最後分成為兩個唔同嘅國家。
#係咪好簡單呢 #講錯請指點 #講明非專業
#帶咗三層頭盔
#講返啲關於旅行嘅嘢先
「南塞」🇨🇾 係歐盟國，當地係使用歐羅，無論特區護照定BNO都唔需要簽證。
至於「北塞」係不被國際承認嘅一個國家，用土耳其幣，國旗係類似土耳其🇹🇷國旗但紅白色互換。另外比較有趣的是係任何國家護照都唔需要簽證。
同埋大家買機票✈️嘅時候記住查清楚你喺邊邊嘅機場，Paphos & Larnaca 係喺南塞，Tymbou機場喺北塞（只有土耳其往來）。
**另外喺塞浦路斯大家記得要「南入南出」呢個口訣呀🕶

至於有關如何入境？喺南塞💚Green Line過境關卡比護照佢check下，就過得。你就當自己喺羅湖咁，過完香港境，行一條小路，入羅湖境，完成！✌🏻

🙋🏻‍♂️：喂呀！港女！明明歐洲地方點解用羅湖做比喻吖？
🙋🏻‍♀️：喂呀！當你入到北塞境之後，彷彿入咗羅湖城咁，有大量「名牌」店包圍住你！Chxxel, Gucci, Nixe, Supxxme 任君選擇！ #你懂的

北塞都有好多特別嘅建築景點嘅，例如用教堂改建做嘅清真寺⛪️➡️🕌️，仲有大大小小不同的城堡，仲有「👻鬼城」（Famagusta Ghost Town)等等嘅景點！
但由於今次旅程時間緊湊，所以「北塞」這地方港女只可以「到此一遊」，未能深入去睇下呢個地方，但係亦都係一個好好嘅籍口比港女嚟多次塞浦路斯呢個國家❤️

#你哋有冇去到北塞玩呀
#好想知嗰邊嘅景色海灘如何
#都想知嗰邊啲治安如何
#workingholiday #兩個港女去塞浦路斯 #塞浦路斯 #北塞浦路斯土耳其共和國 #cyprus

上一篇的塞浦路斯傳送門：
https://www.facebook.com/1428200954154703/posts/2025910674383725?sfns=mo

塞浦路斯·Cyprus 🇨🇾

塞浦路斯，台灣又叫做賽普勒斯。個名好似熟熟地但又講唔出佢喺邊？佢喺希臘🇬🇷右邊，土耳其🇹🇷下邊，以色列🇮🇱左邊，埃及🇪🇬上面嘅一個集歷史同度假嘅小島。唔係同行朋友成日話要去呢到嘅話，港女應該都唔會嚟呢到（歐洲實在太大有太多地方未去，所以排隊都未排到去塞浦路斯呢個國家🤭）

好啦，買咗機票嘅時候，港女不斷不斷Search「塞浦路斯、遊記」嘅時候，愈Search愈後悔，首先發現由於亞洲人去呢個地方實在比較少，遊記比起其他歐洲國家少咗好幾十倍，又或者純粹係國家與國家之間多一個「去下啦」咁樣⋯⋯

第二樣就係啲遊記呀Vblog呀都係睇歷史睇古蹟嘅景點，由於剛去完埃及一陣子，暫時唔想咁「文藝歷史遊」，所以對於呢個失望咗一陣子！😞

「希望在轉角」，當港女同咗個外國朋友傾完要去Cyprus之後，先發現原來呢到係歐洲嘅後花園·度假天堂～陽光與海灘☀️🌊，仲要係靚到不得了嗰隻，當地人仲話賽浦路斯一年有320日陽光普照！好～港女決定嚟個「妲己」之旅——長期攤喺沙灘🏖️

講多無謂，睇相最實際，今次介紹下啲沙灘💙藍色的東西，下次有機會再介紹其他啦～
(圖片下有地方名㗎😙）

#強烈推薦自駕遊
#多謝ManchesterSusan
#港女去幾日影咗3000張相100條片
#揀相都揀到眼花
#兩個港女去塞浦路斯
#workingholiday #塞浦路斯 #cyprus