【控球】
如果你問我踢波第一樣要做好啲咩先？個人覺得應該係控球。因為一場波22個球員得一個球員係有波。冇控球，就唔會有傳、射、盤技術。
而喺控球上，最簡單係控地波。但控停個波定控「郁」個波，都係因此唔同情況。而且控喺距離自己幾遠都係重點之一，控得太遠（或者甩晒腳）就變「人追波」，控得太「痴腳」要盤、傳、射都會唔順腳。甚至「踩波車」仆低。
呢個示範睇落簡單，但對於控球有一定要求。如果有細心留意，你會見到當個波中腳之後，控球腳會順勢拉後，目的係卸走力量，令到停到個波停喺指定範圍。當中一個技術重點係唔可以同個波「鬥力」，你越大力，個波彈得越遠。所以唔會完全鎖地腳腕。同埋見到個波傳得大力，就更加要陰陰柔柔，要「四両撥千斤」。咁就控得舒服。呢個卸力動作仲可以配合埋半轉身(Half-Turn)協助轉向。
咁耐冇踢波，球感一定係差左，試下喺啲好簡單嘅技術做得再細緻一啲，球感就好快番黎👍🏻
#技術分享 #控球 #足球技術 #日本人對基本技術有一份執著 #足球 #冇控球就唔會有後續 #球感
冇控球就唔會有後續 在 [討論] LBJ為何要一直去控球? 騎士沒控球後衛? - 看板NBA 的推薦與評價