【唔准笑】
騙徒勁，還是自己叻？人最慘就係呃自己。
以前睇警訊，成日聽到騙徒手法層出不窮呢句野，總係覺得老千計係好高深。點估得到粵語殘片都唔會用嘅橋，今日竟然有人信。耐唔耐都有人話我無品笑人，真心對不起！今日同情心真係出唔切黎，睇住啲字都忍唔住笑。信買倫敦金會發達已經滑稽，有人信自己係港產英國王妃喎！港版宋慧喬戀上軍人喎！問題肯定唔係老千醒，而係啲受害人嘅想象力勁。
正所謂幻想美麗，現實殘酷。以我自己啲朋友為例（咪入位呀，無話男定女），正正經經去識下人緊係唔得，總會嫌三嫌四。樣衰，窮啦，無學識，蠢啦之如此類。坦白講，根本與學歷同智慧無關，香港係仍然有人信自己特別正同幸福，個天會送個童話比自己。自稱係王子、軍官或者特務咁搞笑，我諗個老千自己都忍得好辛苦。仲要信到肯轉錢，直情嚇死啦。其實呃得最甘嗰個，就係自己，送錢都要繼續建構自己個夢。
問題係點解到今天，啲人仍然追求一啲咁做戲癡線嘅愛情呢？特務，軍官，王子喎！做人處世，有自知同常識係好緊要。其實倫敦金同網上情緣原理都係一樣，就係將有啲港男港女嘅夢推到盡頭，夠膽講就自然有人信，因為好多人迷信好彩同僥倖，反而忘記應有嘅常識同智慧。
Photo Source：
真王子未結婚嗰時嘅軍裝（認清楚呀喂！）
#人如何自欺
#再不管這對否
再不管這對否 在 執迷不悔歌詞2023-在Facebook/IG/Youtube上的焦點新聞和 ... 的推薦與評價
執迷不悔-歌詞-專輯：Faye Best歌曲：執迷不悔作曲：袁惟仁作詞：陳少琪這次我重頭面對過去和以後人如何自欺再不管這對否人如何不捨也放開所有縱墮入深溝完全不想悔疚 ... ... <看更多>