原來勵志故事背後⋯⋯又係 ＃成功靠父幹 ＃贏在射精前
唔知道香港呢個地方，連畜牲都無社會流動性。
By the way，好似話賽馬好講血統。
＃sosad #曲線要講明
[負能量mode]
巴基之星嘅故事真係好勵志。
巴基之星係乜嘢馬? 無乜嘢, 只不過係香港馬王步步友同父異母嘅細佬，老豆贏過法國打吡，爺爺贏過法國凱旋門大賽，婆婆贏過吓一級賽德國橡樹大賽咁啫。如果香港嚟比喻，佢點只係二世祖，根本就係李家誠，唔係嗰個李嘉誠，係李兆基個仔呀。
點解巴基之星一開始輸成條街? 唔係佢廢，係呢隻馬係性格巨星，玩漏閘hea跑，就等於啲二世祖後生嘅時候，梗係唔讀書，走去玩車玩女乜撚都玩啦。
上進?WFC。
我老豆有錢呀，吹咩。
去到最後直路，望到你班港豬廢馬跑得咁辛苦，巴基之星咪係咁宜加下鞭，同佢哋玩下囉。唔好意思，一加鞭就過哂你哋添。仲要即刻俾人吹奏，又話係奇蹟又剩。
就好似李家誠咁，係咁兒咪聚個徐子淇番嚟囉，生番幾個仔tum吓老豆開心，又做埋成功人士啦。你班廢青，咪慢慢上進慢慢贏在起跑線囉。
講咗咁撚耐，重點係咩?
成功需父幹囉屌。
佢哋根本由第一秒鐘就係人生贏家，你班港豬咪慢慢送個仔讀幾十萬個興趣班爭餐死，佢哋就慢慢漏吓閘享受人生，恥笑吓班港豬。到咁上下一發力，你班港豬連車尾燈都追唔到。
仲信贏在起跑線? 就算個起跑線搬到去大直路，你班港豬永遠都唔會追到佢哋。
咁點解呢個故事好勵志?
我喺度9hea又係一舊垃圾，其他人搏到癲咗，以為自己有得贏，但點知最後都係一舊垃圾，要輸俾巴基之星。
係咪即刻9hea得好心安理得先。
真係好勵志，好撚勵志
