MIRROR ． ERROR vs HORROR．TERROR
歷來的電視大戰，大台對付對手的方法，最常見有以下兩招，「挖角」和「照抄」。「挖角」最經典例子，麗的時期，80年代初《IQ成熟時》、《甜甜廿四味》…等青春劇曾經搶去大台四成收視，於是不久，憑這些青春劇冒起的演員，如莊靜宜、蔡楓華、鍾保羅、張國榮…前後挖角，更開拍一批青春劇還擊。
照抄對手也是常用手法，亞視《今日睇真D》收得，大台即刻用類似的《城市追擊》反攻。另一例子是陳啟泰主持，由英國ITV買版權回來的遊戲節目《百萬富翁》，大受歡迎，收視曾經高達六成，大台即係買了英國另一另一邀戲節目《Weakest link》，搵鄭裕玲主持，改名為《一筆out消》，一樣用派錢遊戲搶收視。
今次面對ViuTV，大台已經開始挖角，原本在ViuTV經常出現的羅敏莊、郭偉亮，伍詠薇(曾主持節目)，已經回歸，可能會繼續搶人，雖然掌門人創新能力和我們理解的不同，但人脈方面始終是他強項。
面對著MIRROR和ERROR在年輕人市場的優勢，大台曾傳出用「千禧五虎」抗衡，不過傳聞一出，已經在網上被大量批評為老土過時，真係建議唔搞好過搞。兩集《開心大綜藝》反映出，大台仍然很相信「扮嘢惡搞」其他藝人的節目，觀眾是喜歡看的，既然如此，不如再用「照抄」這招，搵藝人組成男團「HORROR」和「TERROR」，跟足ViuTV的男團唱歌、跳舞、玩遊戲，直接打對台，目的不是打勝對方，是以本傷人，等啲觀眾日日夜夜見到乜「OR」同物「OR」，覺得好煩好悶，然後乜「OR」都唔睇，令對手吸引力下降。呢招得唔得？唔知呀，不過如果首席創意諗唔到乜嘢新橋，不妨試試。唔試唔知係咪老點嗎😅
不過，無論點做，大台在30歲以下的年輕人市場，已經缺乏吸引力，繼續努力40歲以上的年輕人市場吧。
千禧五虎mirror 在 香港新浪娛樂'in Gönderisi - TVB用「千禧五虎」撼#MIRROR 的推薦與評價
記得Like 我哋嘅Instagram「weibo_star」. SINA.COM.HK. 【無綫力捧】「千禧五虎」朱敏瀚不想比較：接咗就 盡力做好. 有傳無綫為應對組合MIRROR，將力捧「千禧五虎」. ... <看更多>