我終於明白點解美國女人咁鬼肥。
美國人崇尚男女平等。所以，出街食飯，AA制；喺屋企煮飯，要分工。總之，乜都要半斤八兩，少一錢都唔得。
我請個男性朋友食車厘子，不嬲豪氣既我，洗咗一大碗擺上枱。食到差唔多完，佢突然間喺度數我碗中既車厘子核。我問佢搞邊科。佢一邊將剩低既車厘子分開，一邊同我講：我數緊我地各自食咗幾多粒車厘子。哪，你食咗12粒，剩返呢3粒係你既，我仲有5粒。吓？分得咁清楚既？
我有對夫婦朋友。某晚佢地請我去佢地屋企一起睇Netflix。個老公睇睇下戲突然間行咗出去一陣，返來既時候攬住一堆衫，跟住坐咗喺地下度摺衫。我一頭霧水，但又唔好意思問。佢老婆好熱心咁解畫：抵佢死吖！叫咗佢唔好夜晚先至來洗衫㗎啦，搵自己來搞。我通常都會喺早上洗，唔駛搞到夜麻麻先至來煩。我忍唔住問：你地兩公婆既衫係分開各自各洗㗎？佢老婆當咗我係火星人咁望住我：梗係啦！幾十年來都係咁。佢有佢，我有我。乜你唔係㗎咩？我好尷尬咁答：我同死鬼老公都唔洗衫，工人洗。
好，講返正題，點解美國女人咁鬼肥？ 好簡單，佢地講求男女平等，食嘢一定都係一人一半。大家試諗下，一個5呎10寸高，中等身材既男人，每日正常既卡路里攝取量係2500千卡；一個5呎6寸高，中等身材既女人，係2000千卡。但美國人，佢地無論係男女，每日都最少攝取3000千卡，係最少。因為佢地男男女女都飲好多酒。一支紅/白酒，一人一半，男人300千卡，女人300千卡；一隻炸雞，一人一半，男人845千卡，女人845千卡，如此類推，哈！美國男人，唔駛講，一定係肥㗎啦，但美國女人，係癡肥。
我都好崇尚男女平等，但我亦好清楚女人天生既新陳代謝速度比男人慢23%-25%，如果喺飲食量方面都講求100%平等，咁就真係天佑美國女人了🙏😳#男女平等 #癡肥 #美國女人 #卡路里 #新陳代謝 #AA制
半斤八兩netflix 在 Re: [問卦] netflix事件到底有什麼好氣噗噗？ - 看板Gossiping 的推薦與評價