Search
.
#跨境直播
不少朋友都向我查詢
這是一個怎樣的概念
怎樣實行怎樣運作
我嘗試用圖片解釋一下
.
圖2: 左邊是我們（包括我在內）的香港嘉賓，在同一線上場景，右面是身處在深圳的嘉賓，無縫出現在畫面上
.
圖3: 在深圳的新浪新聞直播上，螢光幕內是身處香港的嘉賓，他們無縫對答作研討會
.
這個疫情引證
科技拉近人與人之間的距離
#跨境電商
#直播帶貨
#即時網上簽約
是未來的大趨勢
.
#時代進步 #informationtechnology #科技改變人生 #直播唱歌真心緊張 #最緊要大家睇得開心
時不時都有朋友問我，有無乜嘢手機 Plan 可以平平哋 Keep 號碼，或者俾老人家用，但係又要有少少數據同埋通話分鐘喎。聽落好似冇乜可能，不過今日介紹嘅呢個服務就可能幫到你喇！
講緊嘅就係香港其中一間虛擬流動網絡供應商 IMC-Networks，最平嘅 Plan 都係港幣 $88 一年，包埋 2GB 最高 42mbps 速度嘅 4.5G 數據同埋400香港通話分鐘，除開都係 7 個幾港幣一個月！帶號碼過台手續亦都好簡單，全部網上完成，好似我今日咁呀，網上俾完錢，好快就收到電郵，交埋基本資料之後就等過台！有嘢唔明仲可以隨時透過 WhatsApp 或者佢哋網上即時查詢問，非常方便！
如果 2GB 嘅數據唔夠用，網頁上面亦都有好多其他嘅選擇，好似呢個 $298一年，有 30GB 數據，圍番都係 $10/GB 左右，每月大約 $25 就有平均 2.5GB 數據用，計番真係好抵！
你可能會話，話晒都係虛擬台，而且仲係儲值卡，安唔安全？佢哋其實係同 CSL 合作，網絡質素絕對冇問題，不過安全起見等我做個測速先。下載速度接近網頁所寫嘅最高 42mbps，收貨啦！
萬一唔見咗張卡，佢哋獨有一個貼心嘅服務，憑你嘅資料就可以補返張卡，如果你驚到期唔記得增值？佢哋仲可以預先買定額外一年嘅增值計劃，成年流流長，點都冇藉口唔記得買喇掛！咁 Keep 號碼用儲值卡都唔怕啦！
唯一可惜嘅係呢張卡唔支援漫遊服務，如果你經常外遊又要收認證嘅短訊，就要留意喇！希望遲啲有漫遊版本可以選擇啦！
《Z世代達人》
麥卓華
#IMC #年卡 #香港儲值卡
有時要訂中國內地嘅機票、酒店、餐廳訂位、甚至登記網上服務嘅短訊驗證，都時不時要用到內地嘅手機號碼，但係一般都要簽約，同埋要俾埋用緊嘅台綁住。今日呢個介紹就可以幫到你喇。
CSL 旗下嘅 CLUBSIM 近來推出咗「86易」加強版服務，只要月費HK$28，唔需要簽約，就可以即時獲分配一個內地號碼，打出打入電話同埋短訊。如果你已經有 CLUBSIM，就可以即時申請。你可以去 CLUBSIM 嘅主頁「通訊組合」、「86-易加強版」、「購買」、再揀番俾錢嘅方法同埋即時俾埋錢就搞掂！想知道中國內地嘅號碼，你可以去「個人檔案」、「86-易加強版」、再撳下面嘅「使用服務」、號碼就會喺上面顯示出嚟。
你可能會話，CLUBSIM 都只係要嚟做漫遊嘅 SIM 卡為多，好少插入手機，要換 SIM 卡先用到咪會好麻煩？我介紹得嘅服務，又點會唔幫你諗埋呢一點呢？原來呢個服務係唔需要將 CLUBSIM 插落手機直接使用，你可以用CLUBSIM App直接喺 App 入面收發短訊同埋電話。等我試下先！就算你喺部電話做緊其他嘢，唔係喺 CLUBSIM App入面，只要你嘅內地號碼有電話入，就會即時喺主畫面出現，原理其實就係同一個VOIP App 一樣，所以 CLUBSIM 係唔需要插入手機都用到呢個服務架！ 要打出電話或者收發短訊，亦都可以去到 CLUBSIM App入面進行架！
HK$28 組合包括每月一共 30 個通話分鐘同埋短訊單位，唔夠用亦都可以喺 CLUBSIM App 入面買，最平係 $10/15個單位。咁以後你嘅內地號碼就唔駛再因為轉台而更改啦！
《Z世代達人》
麥卓華
