【FC 的簡稱，當然不是 Fried Chicken。】
連梁君彥也全身彈洞的時候，一邊是愛國 Fxxking Chinese 陣營，另一邊是青年反支那派，兩幫廝殺，要押注，老實講，真係好難。
愛國 FC 派在梁特吹鷄之下大反攻，聲稱梁君彥應該阻止「辱支二子」第二次宣誓，以等待十一月三日司法覆核裁決。
因為如果俾兩人第二次宣誓，痛改前非，誓詞不再有 Re-fxxking（By the way, 點解 Fxxking Chinese 就唔侮辱，Re-fxxking China 就係侮辱，好多人都想個法官解釋埋），又冇咗支那，俾佢宣誓成功，據說到時法官蒙受壓力，判佢哋違法就難。
但，二〇一〇年有個婆婆，司法覆核港珠澳大橋環保問題，在等待司法覆核聆訊期間，乜港珠澳大橋有停過工等覆核裁決結果？
