Search
#呢個盤好多蝕讓
-------------------------------
尼姑也未能參透樓市，流血賣樓。去年被指涉嫌假結婚的大埔定慧寺女住持釋智定，其女徒弟王卉（法號釋妙慧）疑炒燶豪宅，現蝕千萬放售。
消息指，大埔比華利山別墅湖景道雙號屋，實用面積2,461方呎，有指業主急放賣，不惜勁蝕千萬放售，叫價僅2,800萬元。據知，業主正是釋智定的尼姑徒弟釋妙慧。土地註冊處資料顯示，洋房登記業主為王卉，於2010年5月以3,950萬元買入洋房，以開價計，賬面已蝕1,150萬元，若計及釐印費及佣金等成本，料慘蝕逾1,300萬元。
尼姑走貨，連累藝人陳豪身家貶值。陳豪也是比華利山別墅業主，2013年4月趁發展商減價清貨，以3,368萬元買入湖景道一間洋房，實用面積也是2,461方呎。而陳豪間屋，就正正喺釋妙慧劈價間屋隔籬，而叫價亦比陳豪單位買入價低568萬元。
比華利山別墅被視為「買家墳場」，業主賣樓蝕多賺少。中原地產數據顯示，近一年屋苑共錄48宗成交，當中30宗屬蝕讓，即成交價低於買入價，蝕讓比例逾六成。
【一街兩蝕】第2104及2105(堅) 成交，双蝕讓???
第2104成交: 感覺5.5分
深水埗石硤尾街34號，福華街大單邊，建築面積400呎，成交760萬，洗車屋，租18000。
原業主2015年8月用790萬買入(連手續費，近850萬成本)。剛以760萬售出，連佣金蝕近100萬?。
這間舖是全香港最cheap的位置， 石硤尾街及福華街大單邊。租18000，回報2.8%。
深水埗舖，聽到已經想掉頭走。深水埗靜位的舖，更加要走快兩步。唔怪得知這間舖，按呎價計，算是全香港大單邊最平呎價的舖。 大單邊，地鋪，每呎兩萬有找。邊道搵? 係呢度先搵到!
記住「平」，可以解決所有問題! 現在交易成本大減， 以前買這間舖要交6%(即45.6萬稅)，現在減半，即3%。
坊間有好多好多好多好多好多人搵細碼舖頭投資。 這間舖總投資金額低於800萬，大單邊，全港都無貨。 揸100年後點都會升值。 5.5分位。?
第2105成交: 感覺6分
剛又蝕讓。成交1050萬。深水埗石硤尾街30號地下，建築面積750呎，剛成交1050萬，原業主叫價1500萬。
現在是三個租客，門闊約30呎，深約15呎，三位租客分別是髮廊，成衣店及車呔舖。
原業主於2011年6月用1375.8萬買入。 原業主姓梁，內地投資者，是大陸拼音。 持貨九年，連手續費蝕約400萬。
全香港消費力最弱的地段就是石硤尾街/福華街這一帶， 一般我見到都馬上掉頭走。全香港最平的鋪都是在這裏放盤，幾千萬就可以買起成條街。 但買舖，一隻字「平」可以解決所有問題。 這間舖始終有三個門面，旺市的時候每間賣三四百萬，應該都唔難。 前面是電單車位就要扣半分，感覺6分位。
同街的石硤尾街30號 (福華街大單邊)， 上星期也是蝕讓。 2015年8月以790萬買入，760萬賣出。闊16x14呎。 連手續費蝕約一百萬。
一般我認為，如果間舖是荔枝角道以北，大埔道以南，南昌街以東，柏樹街以西的話，就是買舖的「死亡框框」位，投資要非常小心，消費力極度弱，好多人蝕讓。 全香港絕大部分的平盤都是在這裏。
雖然最近大南街及基隆街一帶好多文青咖啡及手工藝品店冒起，但文青的意思就是「交唔起租」， 手工藝品的意思是「無得加租」，so far 未有人因為變成「文青」舖而賺錢離場。吹水多?
李根興 Edwin
Location:
https://maps.app.goo.gl/i9fNXw5y2TVwrRDt8
《保密放售舖 Quote 價》有舖放售，記住搵我 quote 下價。全程保密 ? 專業，成交期可以是全港最快，快至1至2個月現金到手。
自2016年商舖基金成立以來，我們已買賣74間商舖(全地舖)，同期全港最多。 2021年底前，我們最少要買入多五億商舖。
有舖放售，可直接聯絡我(李根興) whatsapp 9036 1143 或致電 2830 1111， 當然也非常歡迎經紀介紹。www.bwfund.com (證監會持牌法團 BBL 650)
#商鋪，#買鋪，#商鋪成交，#鋪，#shop，#retail_shop_investment， #shop_investment, #retail_property,
下年今日條街應該會旺過今日?。肺炎以來，我已買入4間街舖，賣出3間 (see video)。 人棄我取，放膽就去! Join us ... I will be there. 李根興 Edwin
【盛滙商舖基金 - 2020年第三季集資講座】
洞察時機靠專注，捕捉機會靠行動。
盛滙商舖基金專注投資香港商舖，讓客戶以較低資金購入基金參與商舖投資（低至港元100萬），相對於購入單一商舖動輒過千萬元，投資基金的客戶等同以較低門檻投資多間商舖，更可分散風險。
盛滙將於9月舉辦多場基金講座，讓您了解舖市走勢及商舖基金如何捕捉撈底時機。
日期：9月16日(三) / 18日(五)/ 21日(一) / 23日(三)
時間：1 – 2pm
地點：中環新世界大廈1座1502-3室 (本公司會議廳)
對象：按證監例只適合持有八百萬港元以上流動資產(非物業)人士
註：疫情期間，每場只限六位。參加者須全程配戴口罩及保持1.5米社交距離。
報名方法：
https://edwinlee.com.hk/%E8%AC%9B%E5%BA%A7/
查詢： 2830 1111 (Suki/Monica)
WhatsApp： 9218 5223
證監會持牌法團 BBL 650
。。。。全文內容 。。。。。
【盛滙商舖基金 2020年第三季集資講座】
舖市差，唔駛講係人都知。 但我作為基金經理嘅，大市我控制唔到， 我唯一能夠做到嘅，就係升升跌跌都好，我揀嘅舖，賺得比人多，蝕得比人少。
肺炎開始後，我哋盛滙就入咗四間舖，銅鑼灣道711，皇后大道中燒臘舖，大圍糕點店，仲有最新一間唔方便透露地址住。沽貨? 就出咗三間。三間都係肺炎前買，新蒲崗串燒店，旺角中醫診所 ，同大角咀炸雞店，肺炎期間三間賣咗都賺錢。 老實說，市場上只有我哋能夠做到。
點解? (1) 危中有機! 而家全世界都怕咗買舖，咁先真係好多筍貨執。 以前我從來冇諗過買到嘅位， 而家我都係咁隊票還價，so far 都中咗四單。 如果你睇係跌三成嘅， 你咪係還佢低四五成囉，話唔定有驚喜。
(2) 我哋有第一手貨源。 香港做舖嘅經紀，唔識我哋，都唔係做舖。 最荀嘅盤一定嚟曬我哋道。 唔單止經紀，好多業主都直接搵我哋放盤， 咁我就更加有時間同佢慢慢磨。 家家有求，各取所需。
(3) 跌市唔怕，你要識揀位。 買舖要買得PRO - 你要揀啲有前景 Prospect， 你能夠提升租值 Rentals，同你能夠善用間舖風火水電煤配套 Options，嘅位置。 啱嘅，就快狠準買落嚟， 執一執間舖，時機到就套現， 做好售後服務， 留返啲錢畀下手賺。
我明，依家香港舖市係好差，係世紀咁差， 但呢個亦都可能係世紀嘅入市機會。 其他嘢我唔知，但我好深信下年嘅今日，條街應該會多人過今日，多遊客過今日。 報復式消費、報復式旅行，一定會返嚟，到時先買就太遲。嗰時係出貨時機。
我哋盛滙商舖增值基金 Value-Add Fund ，2020年第三季集資下星期開始， 有興趣了解更多點樣同我哋一齊買舖，分散投資? 歡迎登記。證監會條例要求，此活動只適合持有八百萬港幣以上流動資產(非物業)人士參與。 疫情期間，每場只限六人，參與者須全程戴口罩及保持1.5米社交距離。
最後，我唔係投資者，我係生意人。投資要分散，做生意專注。我專注舖。 洞察時機靠專注，捕捉機會靠行動。到時見你。
【政府工商舖減辣 - 回顧及展望】金管局放寬非住宅物業按揭(2020年8月20日生效)，由最多四至最多五成， 我形容是遲來的春天，而家商舖係經歷緊冰河時期，真係屍橫遍野，但暖返啲點都好過無。
我琴日先同記者講，舖市係過去一星期內連續錄得5間嘅街舖蝕讓， 只睇帳面，唔計手續費，我後面呢間香港仔大道 Bar Pacific 持貨8年蝕700萬， 尖沙咀亞士厘道吉舖持貨9年蝕438萬， 葵芳信芳街米線舖持貨3年蝕200萬， 土瓜灣美景街車房持貨8年蝕188萬， 北角英皇道吉舖，(前)耀才證券， 持貨8年蝕1700萬。
。。。。。。
香港仔大道238號地下1＆2號舖，Bar Pacific, 建築面積2592呎，租93800，回報3.4%。原業主2012年12月以4000買入，3300萬賣出。租客買入。【蝕700萬】
尖沙咀亞士厘道24至38號(A2A-A2B舖)，交吉，蝕讓，建築850呎，2011年12月3938萬入，3500萬出。 銀主盤。【蝕438萬】
葵芳信芳街10至20號B3舖，米線舖，建築1200呎，租48070，回報2.5%。2017年4月2500萬入，2300萬出。【蝕200萬】
土瓜灣美景街2至28號地下25號舖，車房，租金24800，建築面積800呎，原業主2012年11月用1188萬買入，1000萬出。【蝕188萬】
北角英皇道上潤中心地下G2舖， 建築面積1200呎， (前)耀才證，現吉舖， 原業主2012年11月用6500萬買入，4800萬賣出。 財務公司加按急售盤【蝕1700萬】
。。。。。
一星期內，合共五間街舖蝕讓 帳面就唔見咗3226萬，我咁大個仔未見過。
回望返過去11年，政府多次推出辣招， 主要針對樓市，但工商舖都多次受波及，包括:
2010年11月， 當政府首次推出SSD (額外印花稅)嘅時候， 雖然SSD只適用於住宅，但同一時間所有工商舖物業按揭成數上限劃一由六/七成，降至五成。
2011年6月，所有按揭，如果主要收入並非源自香港，按揭成數上限再下調一成，至四成。
2012年9月， 供款佔入息比率上限由五成下降至四成。再首次加入利息壓力測試。 假設利息上升兩厘， 供款佔入息比率不可佔多於五成。
2013年2月， 加強利息壓力測試，由假設由升兩厘， 增至升幅3厘。
仲有，登登登登.... 呢招甘! Double stamp duty, 雙倍印花稅， 最高稅率由物業總值嘅4.25%增至8.5%。 以前係等物業成交先俾，而家改例，簽署 S&P 30日內就要俾。 成本馬上重咗好多。我都畀咗好多千萬， this is the killer.
仲有，就係工商舖按揭最高成數全面再下調一成，即係首置及無其他物業有關擔保係身， 過到重重嘅壓力測試之後，就最多借4成。非首置，有其他物業擔保喺身，或者用有限公司來買工商舖就最多借3成。
但你要記住，無人買舖係首置 㗎，首置都先去咗買樓啦。 樓都未有得住，唔通瞓喺間舖?! 因此絕大部分惜，都只係最多借三成。
仲有，如果主要收入非源自香港或者係用資產水平為基礎申請按揭的話， 再減低一成，即只係最多借(首置)三成，(非首置)就兩成。
That is 如果你本事，就借到兩至三成。 但以我所知，絕大部分投資者都借唔足兩三成，因為 (1) 過唔到加息3厘的壓力測試，(2) 間舖係吉鋪或租約就嚟到期，銀行唔計未來租金收入， 咁供款佔入息比例就過唔到4成嗰關，(3) 最重要係銀行估價不足。 而家攞間舖去銀行做按揭，好似當你係個賊咁， 以為你想打劫間銀行一樣。 因為吉舖太多， 間間銀行都落雨收遮，好多間根本唔想做你生意。佢會諸多藉口， 經濟唔好呀、租金唔穩定呀、間舖有僭建呀、樓契文件唔齊呀、等等等等，去壓低你估價， 拖慢審批程序等你知難而得退，甚至乎一口拒絕唔做， 我都收唔到唔少呢啲電話，就係個業主啱啱買咗間舖，銀行借唔到錢問我點， 除咗叫佢打 2110 2110 ，我真係唔識幫佢。 所以我同我所有朋友都講，如果你今時今日唔能夠 full pay 間舖，你就唔好買啦。
計計數，買間二千萬嘅舖， 以前當最多借到兩三成， 連手續費及雙倍印花稅，就要攞1800萬出來。今日起好啲，1600萬就夠啦，但都係個唔少嘅數字。 相比起我2009年開始買舖嘅時候，只係需要攞700萬就得啦。 所以今時今日，買得工商舖真係真金白銀，絕對無泡沫㗎。
總結，我覺得舖市唔會升返，只會跌少啲。 借多一成， 相對起中美貿易戰/社運/肺炎等，根本唔夠力， 但大家見到政府開始做嘢係個好開始，為舖市打入一支強心針。接下來我相信雙倍印花稅，the killer，也會逐漸寬減，如果成事，將會是工商舖的救星。 至於工商舖幾時到底? 下年肺炎疫苗成功推出， 大家個個成功接種，再講啦!
李根興 (盛滙商舖基金 Bridgeway 創辦人) 2020年8月20日 星期四 聯絡我 whatsapp (+852) 90361143
#政府工商舖減辣，#非住宅按揭成數，#商舖一週連環蝕讓，#金管局放寬按揭至五成，#工商舖辣招回顧及展望
