關於 咁天然香味劑又真係天然嘅 ，我們在網路上蒐集到這些相關的討論、資訊與評價

#真心Share
#開箱文
#開無雙文

好開心，早幾日收到Twinings的Cold Infuse凍飲包！大家睇下個packing好靚、細細包咁，好方便擺係手袋👜或者係公事包💼隨身攜帶！而且我睇佢個包裝，似乎係想target一眾鍾意做運動嘅健康白領添！🧘‍♂️🧘‍♂️🧘‍♂️

呢一隻凍飲🍹最大嘅特色係唔需要用熱水，只需要將凍飲包擺落凍水，五分鐘後就會釋出果香，再用力搖一搖，就會可以嘆一杯源自英國🇬🇧🇬🇧🇬🇧風味的水果凍飲啦！

等我講下試飲味道先！

嘩，_你！洗潔精黎嘅喂？！

如果唔係我仲未完全喪失人性，我真係不顧餐桌禮儀噴返出黎！一飲落去成口都係香精味，簡直係大伏！！！

我即刻拎返個包裝黎睇，左上角寫住：All natural ingredient，一係我唔識英文，一係我冇味蕾，咁嘅清潔劑味如果真係天然果茶，我都信簽呀洪欣返黎真係純粹想捧佢架！

我自己做marketing，我當然知道我地啲陰質嘢。人會吹水，但成份包裝唔會，一反轉個包裝，真正天然嘅成份係扶桑花、甜根菜、玫瑰果。

除此之外，全部都係natural FLAVOURING （天然調味劑）！！！

換句話說，即係面頭包裝講嘅西瓜、士多啤梨及薄荷，全·部·都·係·天然調味劑。

當然，你可以話係天然調味劑全部都係源自天然食材（而非天然調味劑是在實驗室內化學合成，更加糟糕）的確係無講大話架！但係你都唔駛面頭包裝講到懶係健康、又士多啤梨又薄荷葉，但完來成包野入面一丁點士多啤梨都冇呀嘛？

即係換句話說，我只係將一包天然調味劑擺落水，然後我飲完後一廂情願地覺得自己好健康咁... 囉...🧚‍♂️🧚‍♂️🧚‍♂️

你亦都可以講，其實薯片蝦條都係味精、都係假架啦，做咩咁認真？但我食薯片我係預左胃癌大腸癌，我預左佢係狗💩垃圾黎架啦！但我真係無諗過一包sell天然、扮到好似茶包咁嘅cold infusion 竟然係一包天然調味劑。如果係咁，我飲返水算啦，做咩事要搵自己黎搞？前世未飲過味精咩？

而重點係：薯片垃圾，但人地好食，我願意用生命值硬接；但呢杯野，真係好難飲，我其實唔太介意你天唔天然，但我好介意我飲完一啖之後變左天然呆— 味蕾受到重擊啊！

好啦，我唔知呢包野香港有冇得賣、亦唔知佢賣緊幾多錢，但如果有朝一日你見到啲劣質飲食雜誌同啲Food begger，走黎拍片吹到話幾好飲，你真係唔好信。

其實呢個牌子有水果茶，味道正常（係正常，唔係驚為天人，呢個價錢你無得要求太多）正正經經拎個茶包出黎，沖一杯熱嘅飲啦，仲唔駛擔心飲完凍野會M痛～💁‍♀️

#頭兩段我覺得自己寫得好好
#浸鱔味濃到腥
#加埋啲Kimochi勁似贊助稿
#係Emoji先岩
#但包野真係人地派嘅
#睇food_label真係好重要
#你同我講好飲嘅話
#你喺我面前自隊三杯我就信啦
#我信你無味蕾呀
#呢個世界總有人異食癖的嘛
#請不要放棄治療
#咁天然香味劑又真係天然嘅
#我吹你唔漲
#不過我都可以唔買架姐
#飲清水唔會死架

http://www.facebook.com/tagconcept
http://www.tag-concept.com

【神奇的不糊塗魔油！舒敏修護屏障仲可以減壓嘅全天然護膚精華油！】
SANGRE DE FRUTA SOLIS FLOWER NECTAR OIL 修復舒敏花蜜護膚精華油 20ml

出嚟社會做嘢，可能你都遇到一個良師益友好似調教你鏡仔咁調教你，令你可以審視自己，成為一個更好嘅我！但當皮膚出現問題的話，就唔是咁容易調教嘞！尤其香港夏天濕悶焗熱，冬天又乾到核爆，肌膚屏障一受損，啲敏感發炎又開始嚟料！若然未了解清楚自己嘅皮膚問題，單從網上宣傳，買咗一啲唔神奇但糊塗嘅魔藥，就會令狀況更加差，敏感、痕癢、泛紅、鞋面繼續無限loop！


Well，除咗天氣問題之外，活喺香港都真係相當壓抑！呢兩年瘋接觸嘅濕疹同玫瑰痤瘡個案，真係要用幾何級數上升去形容！有啲個案就唔關濕疹同天氣事嘅，係做過某啲煥膚療程sss，又或者係持續用咗一啲刺激成份產品但自己又冇為意，終於去到一日發現皮膚容易紅、乾同鞋，先喺度諗唔知做乜冇嗱嗱有啲敏感！


如果你都有上述嘅問題，SANGRE DE FRUTA SOLIS 呢一支舒敏護膚精華油，你就要埋鏡拼拼喇！


嚟自加拿大嘅小眾品牌SANGRE DE FRUTA（SDF），產品靈感嚟自埃及古老美容養生療法，喺位於哥倫比亞鮑恩島 (Bowen Island) 小批量生產，由於創辦人Allison對氣味感官都有份執着，所以產品除咗治療性高之外，陣天然香味仲相當C服，真係有少少想攞住條絲巾仔喺沙灘度奔跑呀！


SOLIS Flower Nectar Oil 針對敏感肌及屏障受損問題，濕疹、玫瑰痤瘡、牛皮癬及敏感發炎肌膚都適合使用！配方嘅草本植物油及精油含有豐富亞油酸，有深層治療及舒緩功效，持續修復肌膚屏障，補充營養，提升肌膚抵禦力，有助皮膚避免受各種元素嘅侵害！


大家最關心嘅當然係客人嘅用後感啦！Sangre De Fruta進駐咗TAG Concept都差唔多兩年，瘋亦多次喺YouTube同Ig story盛讚佢嘅護膚精華油，有效果之餘浸味真係好舒服，令人好放鬆！Solis我未去到成日用，但每當我feel到肌膚唔係太穩定嘅時候，例如係壓力大、唔係好夠瞓、轉季濕度溫度差距大及開始有輕微敏感跡象，我一定會攞返出嚟用！你會感覺到佢好快已經提升返屏障抵禦力，尤其係敏感初起時候會有啲泛紅、痕同鞋嘅問題，用佢幾日你已經見到舒緩同改善！


尤其係屬於容易發炎嘅肌膚，想做預防，我覺得作長用係非常適合！而且鎖水效能唔錯，所以朝早已經可以取代咗面霜，但唔會有種油笠感覺！基本上用過嘅客人，大部份都會回購呢個產品，而且佢唔單止可以喺早晚護膚程序使用，我哋都會溝入相應嘅面膜增強效能！受到敏感困擾又或者係過往經歷過一啲大敏感，導致膚色偏向暗沉嘅，持續用佢除咗可以柔軟膚質，仲可以有返bling bling光澤呀！


主要神奇的不糊塗魔油成份：

● 覆盆子籽油
含有高濃度嘅抗氧化劑及多種必需脂肪酸，尤其係亞麻油酸，有效舒緩肌膚敏感問題，例如濕疹及牛皮癬，有高效消炎及收斂作用，協助皮膚細胞保持健康完整


●白芒花籽油
含有98%以上嘅長鏈脂肪酸、豐富維他命E、生育酚、胡蘿蔔素、植物固醇等，持續為肌膚帶嚟保濕及滋潤，令肌膚更柔軟及飽滿，穩定性比荷荷巴油高！將佢同其他容易變質嘅植物油加埋一齊，能夠增加其他油嘅穩定度


●杏仁油
富含維他命E、鋅、鉀、蛋白質及脂肪酸，治療發炎暗瘡，有效減輕皮膚發紅、消除紅腫、乾燥及發炎


● 葵花籽油
含有豐富礦物質、蛋白質、維他命A、D、E及亞油酸，舒緩肌膚發炎，預防皮膚感染，滋潤度高，幫助維持肌膚健康！促進新陳代謝，減淡細紋


●玫瑰果油
含有必須脂肪酸、β-胡蘿蔔素、維他命A及C，舒緩炎症、對抗細菌及病毒！滋潤肌膚，協助膠原蛋白增生，均勻提亮膚色


●薰衣草油
平衡油脂，淨化肌膚，淡化暗瘡印，同時修復肌膚自我修護機能，加強抵抗力


●金盞花提取物
有效舒緩肌膚發炎紅腫，穩定皮膚狀況，防止水份流失，調理皮脂分泌


成份:
Rubus idaeus (Red Raspberry) Seed Oil, Limnanthes Alba (Meadowfoam) Seed Oil, Prunus Dulcis (Almond) Oil, Helianthus Annuus (Sunflower) Seed Oil, Argania Spinosa (Argan) Nut Oil, Simmondsia Chinensis (Jojoba) Seed Oil, Rosa Rubiginosa Seed Oil, Tocopherol, Lavandula Angustifolia (Lavender) Oil, Andropogon Zizanioides (Vetiver) Oil, Cananga Odorata (Ylang Ylang) Flower Oil, Daucus Carota Sativa (Carrot) Seed Oil, Calendula Officinalis Flower Extract, Chamomilla Recutita (Matricaria) Flower Oil
有機/純素/無麩質/無動物測試/無轉基因/無合成物/無填料/無香料/無防腐劑


www.tag-concept.com
總店：旺角新之城3樓306
13:30 - 21:30（六月逢星期日、3/6、10/6、24/6休息）
分店：銅鑼灣東角駅2樓275
13:30 - 21:30（六月逢星期日、7/6、21/6、28/6休息）
WhatsApp：54425298
回覆時間：13:30 - 21:30（逢星期日只作有限度回覆）


可以到網站以信用卡付款
或WhatsApp 54425298下單選擇Payme、轉數快或銀行轉賬
購物滿$800或以上免本港工商區、順豐站/智能櫃及住宅運費
$800以下運費到付
澳門地區消費滿$1200或以上免SF運費 $1200 以下運費到付
出貨時間：逢星期一至六約16:00（公眾假期及倉庫盤點日除外）


#tagconcept
#cleanbeauty
#greenbeauty
#sangredefruta

http://www.facebook.com/lamfungfrances
http://www.facebook.com/tagconcept


【你的面霜如何，你肌膚柔軟度也必如何！同時減少罩下粒粒嘅天然有機面霜！】
SANGRE DE FRUTA FACE CREAM（MORNING LIGHT/MAGIC HOUR）50ml

武漢肺炎疫情持續，仲有如李屍朝鮮咁攻陷全球！最近本港確診個案又有上升趨勢，大家千祈唔好鬆懈，唔好掉以輕心，盡可能少去人多嘅地方，一定要勤洗手同戴口罩呀！唉即係口罩肌問題都係會繼續彈入又彈出！真係多L謝我的國呀！而本瘋亦喺幫各位分析皮膚問題時發現，唔少豬妹豬媽話自己已經轉用咗一啲所謂補濕又清爽嘅護膚品，但都難逃爆粒粒嘅厄運！經瘋抽絲剝繭後，發現箇中幫兇，好可能就係你支乳液或面霜！


是咁樣的，無論係專櫃品牌、科研品牌、或者美容院品牌，絕大部份嘅乳液及面霜，由於要製成大家都鍾意嘅輕柔質感，以及穩定產品嘅品質及最佳使用期，所以都加添咗對皮膚有害嘅石化乳化劑或防腐劑！久而久之就會對皮膚帶嚟慢性傷害，亦會造成毛孔堵塞及致敏！尤其係依家需要罩不離口嘅日子，朝早用完支貢樣樣嘅乳液再戴口罩，真係十個女人九個爆粒粒，剩低果個嚟緊都會嗌what the fxxk呀！


扭下擰下咁介紹返，來自加拿大嘅全天然有機品牌SANGRE DE FRUTA（SDF），產品靈感嚟自埃及古老美容養生療法，喺位於哥倫比亞鮑恩島 (Bowen Island) 小批量生產！由於創辦人Allison對氣味感官都有份執着，所以產品除咗治療性高之外，陣天然香味仲相當C服，真係有少少想攞住條絲巾仔喺沙灘度奔跑呀！


作為一個天然有機品牌，當然係採用植物來源嘅乳化劑啦！SANGRE DE FRUTA面霜分為MORNING LIGHT及MAGIC HOUR兩款，兩款質感都係輕滑柔軟！加入晶石冰川水及大馬士革玫瑰花水取代普通純水，加強補濕同時平衡油脂！


MORNING LIGHT側重抗氧化、抗炎及淡化色素，朝早用完佢再化妝都會好貼服呢！而MAGIC HOUR則主要修復肌膚細胞，抗衰老，幫助受損組織加快癒合，提升皮膚彈性！含有豐富嘅油酸及亞油酸，兩款面霜嘅鎖水力都唔是玩玩下，幫肌膚表層封關，防止水份流失，強化肌膚屏障！配合按摩動作，搽完之後，係即時會感到皮膚柔軟咗！起身都冇再泛油！Happy仔架呢～



Sangre De Fruta MORNING LIGHT FACE CREAM 50ml

輕鬆快速吸收，適合所有皮膚類型

神秘的蓮花與有機植物草藥混合，輕柔喚醒感官，提升精神

●睡蓮蓮花含有豐富的維生素C，鐵，磷，抗氧化物，亞油酸，它是一種天然的抗炎藥

在芳香療法中，它具有鎮靜，舒緩，打開脈輪的特性，據說有助於精神聯繫和冥想

●晶石冰川水，大馬士革玫瑰花水：注入能量，補充水份

●月見草油：舒緩乾燥敏感肌膚
　
●澳洲堅果籽油：滋潤，修復，保護

●玫瑰果油：含豐富維生素C，抗衰老，淡化色素


Sangre De Fruta MAGIC HOUR FACE CREAM 50ml

適合所有皮膚類型的豐富和深層保濕，擁有永恆的光芒

● 由於蠟菊具有強效的修復和細胞再生特性，Magic Hour可增強癒合和恢復活力，改善皮膚瑕疵的並提升肌膚彈性

●珍貴奧圖玫瑰，檀香和洋甘菊，與草藥和注入水晶的冰川水結合在一起—誕生一瓶魔法面霜

●晶石冰川水，大馬士革玫瑰花水，檀香水：注入能量，補充水份
　
●乳香，花梨木油，麥蘆卡葉油：滋潤，修復，保護，抗菌抗炎

●佛手柑，薑黃，藍莓萃取：再生，抗氧化



TAG Concept
www.tag-concept.com
總店：旺角新之城3樓306
13:30 - 21:30 （四月份逢星期日休息）
分店：銅鑼灣東角駅2樓275
13:30 - 21:30（四月份逢星期日休息）
WhatsApp：54425298


可以WhatsApp 54425298下單以[Payme]或[轉數快]付款
購物滿$1000或以上免本地工商區、順豐站/智能櫃及住宅運費
$1000以下運費到付


#tagconcept
#greenbeauty
#cleanbeauty
#sangredefruta

#高cp值必買 #東京便利店 #東京便利店手信 #主婦手藥 #7eleven
#7elevnTokyo #東京711必買

Hello大家好, 我係呀Tsar, 今日又為大家介紹東京池袋無敵家對面嘅711便利店下集, ,喺我未介紹產品之前, 想同大家分享一啲關於711嘅冷知識
,大家知唔知7-Eleven嘅logo顏色係代表咗乜嘢？「橙色＝日出」、「綠色＝綠洲」、「紅色＝晚霞」，代表住由朝到晚都好似顧客嘅綠洲咁樣。
日本嘅便利店, 已經成為遊客嘅人氣景點,一個成功嘅公司logo, 可以反映出佢哋對顧客嘅服務承諾, 大概睇佢業務嘅發展, 同埋佢哋推陳出新嘅服務同產品
都略知一二, 所以你哋咁鍾意睇我去日本便利店嘅介紹呢? 睇完影片記得留表情符號以示支持呀!

講返池袋係喺東京旅程中一個幾好住嘅住宿地區, 大家可以去無敵家食完宵夜, 再過嚟呢間7仔買妝藥、生活用品,可以慳番好多時間, 快啲睇下今日嘅十大必買, are you ready,
上次十大必買, 可以睇返上次條片, 今日講11至20必買。

第11必買, 超強護手秘寶YuskinA乳霜, 強效滋潤嘅護手霜， 佢連腳踭龜裂紋與及主婦手都有幫助, 含有豐富嘅維他命B2, 甘油成份高達40％,
由於不含類固醇, 所以由bb到老人家都可以用到, 體貼你一家人嘅需要, 除咗潤膚系列之外, 仲有潤唇膏添, 有時我見到啲男同事, 冬天個嘴爆曬拆流曬血, 我個心真係寒一寒
返工見客同人握手, 如果人哋feel到你隻手鞋十十, 不論男女, 其實感覺都唔係太好, 其實呢啲都係儀容嘅一種,大家千祈唔好觀音頭, 地盤手呀!

第12必買, LuLu滋養口服液, 當身體因為發燒、感冒, 而冇胃口食嘢嘅時候,呢個飲品嘅營養成分, 正正係有1000mg嘅人參營養成分, 胡蘿蔔1000毫克和蜂王漿200毫克，
,維他命B 1、B 2同B 6,令到你有加速康復能力嘅功效。由於佢不含咖啡因成分, 所以飲咗都可以瞓覺, 適合15歲以上成人使用, 每日食用一次30毫升
病就飲多啲水啦。

第13必買, 30mL嘅花王便擕式除菌去味消臭劑 , 冇香味嘅,採用檸檬酸嘅技術除臭, 包含天然綠茶除臭成分。雙管齊下, 99.9％滅菌, 適用於衣物、布料、空間都用到
有人喺你身邊放屁、搭飛機隔離嗰個腳臭, 噴一噴就聞唔到, 但係如果對方口臭, 呢樣幫你唔到, 因為唔食得落肚嘅!

第14必買, 有冇人知道可口可樂公司原來係有出酒精飲品㗎?佢係罐裝嘅檸檬汁燒酒蘇打水「檸檬堂」,個英文名好得人驚, 叫 CHU-HI, 我驚你哋以為我講粗口
,都係講返中文名啦, 檸檬堂系列汽水酒分別有 4 款口味，包括蜂蜜檸檬（酒精含量 3%），經典檸檬（酒精含量 5%）、鹽味檸檬（酒精含量 7%）及鬼檸檬（酒精含量 9%），每罐 350 毫升，
,香港就喺銅鑼灣sogo 2樓超市有得賣。

第15必買, Chocola BB Light2 美容護膚飲品, 有助加強體內脂肪代謝，添加咗能夠增加能量轉移的維他命B2、蜂王漿、氨基酸、牛磺酸等成分，有效改善疲勞體質。
一支100ml嘅份量, 只有4.5Kcal, 相等於一粒櫻桃嘅卡路里, 適合減肥但係又想補充營養嘅你,都係只適合15歲以上人士飲用,飲咗之後啲尿可能會少少黃, 其實係由於維他命b2所致
,你可以放心, 因為呢點說明書裏面有寫到。

第16必買, Asahi clear cooler strong 系列嘅果汁酒, 佢係Vodka加入幾種唔同嘅水果酒, 分別有青檸、檸檬糖西柚味道, 通過冰點冷凍技術添加了水果酒，並通過專利技術濃縮了水果的風味
,口味清淡，我認為呢種酒好適合打邊爐, 近排香港天氣凍咗好多, 大家記得著多件衫呀。

第17必買, 711嘅沙律亦都係有好多選擇, 唔知大家有冇去旅行水土不服嘅問題, 如果去旅行冇屎屙, 就一定要食返啲蔬菜,清下個腸胃, 因為便秘會產生好多身體問題
,例如面色唔好啦、出暗瘡啦，口臭喇, 如果因為腸胃唔好而引致嘅口臭, 係最難頂嘅, 最慘口臭, 當事人未必知道, 如果人哋唔係同你有番咁上下親密關係
,亦都唔會話畀你聽, 所以自己都係要注意一下。

第18必買, 除咗沙律之外, 清腸胃可以飲yogurt drink, 呢隻士多啤梨味, 好好飲, 但係我要提醒大家, 買乳酪飲品嘅時候, 睇一睇是否低糖,
根據香港政府網頁資料, 低糖嘅定義係每100克含不超過五克嘅糖, 每100克中如果高於7.5克就算為高糖, 所以大家買乳酪飲品嘅時候, 就要喺營養標籤注意呢一點
,吸收過量嘅糖分, 容易致肥。

第19必買, Body Fantasies 香氛噴霧 , Body Fantasies的淡香水香精濃度比一般香水低，但係價錢比香水平好多, 我認為如果學生哥, 或者年輕嘅少女, 收入唔係咁多, 咁就可以試下買呢類產品
,因為而家一支香水係好貴好貴嘅, 年輕時唔需要用得太貴嘅嘢, 如果唔係好難返轉頭嘅, 稍為個身有少少香味就夠,到你再多少少收入嘅時候, 先至去買啲名牌子都未遲啦
,不過而家啲細路女好叻㗎喇, 如果唔係又點會有娘娘收兵呢!呢方面你哋叻過我!我就唔夠膽班門弄斧啦!

第20必買, 當然七仔就真係有好多雪條甜品啦, 我自己就好鍾意食綠茶，或者果仁嘅雪條, 個味好濃, 呢度齋買冰都有㗎喎, 唔好以為冰, 只係愛嚟作飲品之用
, 有一次有個朋友喺日本屈親腳, 佢即刻whatsapp我, 我叫佢即刻入去便利店睇下有冇冰賣, 敷下傷腳消腫, 好快就消咗腫喇. 唔知道你哋喜唔喜歡我今次係介紹呢
,記得留表情符號以示支持呀,我哋好快又下一條片再見, 88 !

請用片右下角調4K睇片。