關於 咱台灣的味公視 ，我們在網路上蒐集到這些相關的討論、資訊與評價

YOYOYO，今仔日是佗一位來賓來開講。
無事 坐巴士 製作人杜杜 來囉!

今年電視金鐘獎生活風格類節目獎，上大著獎節目就是坐巴士。
杜杜佇節目頂分享製作節目的初心，嘛紹介三位真用心做節目的主持人，台北囝仔 琡婷的勇敢小日子 、法籍台灣囝婿 吉雷米 佮嘉義的 #國信，無仝的成長背景、用著家己特殊的台語氣口，介紹台灣各地的風情~

台灣公路有四萬一千外公里，一條路象徵一个人、一个家庭、或者是一個鄉鎮對外的聯絡道路，閣有真濟屬於咱的成長故事，杜杜分享in拍片過程有真濟艱苦、趣味的代誌，做伙有事、沒事，佮杜杜作伙來坐巴士!!!
https://www.rti.org.tw/radio/programMessageView/programId/1623/id/117922

『雖然阮憨慢講話，但是阮做人足實在！』

捌月初一，這拜六下晡四點到六點，邀請大家做伙來台南聽歌鬥鬧熱，共咱家己的語言唱出來！

【活動資訊】

『台語當時行　度晬向前行』－台語台周年音樂會
活動日期：2020.08.01（六）

活動時間：16:00-18:00
活動地點：台南 奇美博物館 奧林匹亞草坪
主辦單位： 公視台語台
協辦單位： 台南市政府文化局
承辦單位： 海口味有限公司
宣傳影片：https://bit.ly/2WDDgdo

同場加映Friday MUSIC專訪：
拍謝少年：我們就像一座橋梁 讓重要的事物可以傳承下去
https://reurl.cc/xZdLz4

Ric 荒山亮 華視-台灣好滋味 記者會
　
為著走揣好滋味 上山落海攏袂要緊
　
台灣好滋味毋但紹介美食
閣結合優雅的台語文
以文化出發
是一个兼顧文學、紀實的美食行跤節目
　
📍 5月22號起
做陣來了解台灣美食「同源煞無仝味」的地方特色
嘛予荒山亮親身來煮食
引領咱熟似遮的食物的故事
　
========================
　
🌟 【節目資訊】 台灣好滋味
📺 【播出時間】
5/22起 華視CH12 逐禮拜五 暗時10:00
5/21起 公視台語台 CH14 逐禮拜四 暗時10:00

※ 漢字 / 羅馬字對照及諺語詳解：http://pnn.pts.org.tw/main/?p=31227
※ 本單元由公共電視及李江却台語文教基金會合作製作。歡迎大家 link 做非營利使用

台語OS
龍鳳谷參硫磺谷是北投溫泉的水源頭
Liông-hōng-kok tsham Liû-hông-kok sī Pak-tâu un-tsuânn ê tsuí-guân-thâu,

舊名號做大磺喙
kū-miâ hó-tsò Tuā-hông-tshuì,

山谷規年濛煙散霧
suann-kok kui-nî bông-ian sàn-bū,

充滿神秘的色彩
tshiong-buán sîn-pì ê sik-tshái.

北投文化導覽達人 楊燁 (字幕翻做台語)

根據記載 上早來這个地方採硫磺的漢人冒險家
Kin-kì kì-tsài, siōng-tsá lâi tsit-ê sóo-tsāi tshái liû-hông ê Hàn-jîn mōo-hiám-ka,
就叫做郁永河
tō kiò-tsò Hiok Íng-hô.

台語OS
郁永河來這个所在採硫磺
Hiok Íng-hô lâi tsit-ê sóo-tsāi tshái liû-hông,

事後寫一本裨海遊記
sū-āu siá tsi̍t pún Pî-hái Iû-kì,

紀錄來台灣採硫磺的歷史佮經過
kì-lio̍k lâi Tâi-uân tshái liû-hông ê li̍k-sú kap king-kuè,

變成台灣遊記文學的開創者
piàn-sîng Tâi-uân iû-kì bûn-ha̍k ê khai-tshòng-tsiá.

台語OS
咱綴北投達人楊燁的跤步
Lán tuè Pak-tâu ta̍t-jîn Iūnn Ia̍p ê kha-pōo,

探望北投歷史的過去參這馬
thàm-bōng Pak-tâu ê kuè-khì tsham tsit-má.

原本是畫家的楊燁
Guân-pún sī uē-ka ê Iûnn Ia̍p,

是按怎突然之間變成北投達人的文史工作者咧
sī-án-tsuánn tu̍t-jiân tsi-kan piàn-sîng Pak-tâu ta̍t-jîn ê bûn-sú kang-tsok-tsiá--leh?

北投文化導覽達人 楊燁(字幕翻做台語)

北投遮真濟外頭山來的人
Pak-tâu tsia tsin tsē guā-thâu-suann lâi ê lâng,

in一下來就無想欲走矣
in tsi̍t-ē lâi tō bô siūnn-beh tsáu--ah.

台語OS
楊燁並毋是北投在地人
Iûnn Ia̍p pīng m̄-sī Pak-tâu tsāi-tē-lâng,

之所以佮意北投
tsi-sóo-í kah-ì Pak-tâu,

因為北投人腹腸真闊
in-uī Pak-tâu-lâng pak-tn̂g tsin khuah,

就若親像北投嘛有真濟美麗的眷村仝款
tō ná-tshin-tshiūnn Pak-tâu mā ū tsin tsē bí-lē ê kuàn-tshun kāng-khuán,

在地人嘛熱情接納這陣1949年來到遮的移民
tsāi-tē-lâng mā jia̍t-tsîng tsiap-la̍p tsit tīn it-kiú-sù-kiú nî lâi kàu tsia ê î-bîn.

北投文化導覽達人 楊燁(字幕翻做台語)
其實台灣是一个a̋i-nóo-khooh 的所在
Kî-si̍t Tâi-uân sī tsi̍t ê a̋i-nóo-khooh ê sóo-tsāi.

你看遐的 a̋i-nóo-khooh
Lí khuànn hia-ê a̋i-nóo-khooh,

其實生做較媠著無
kî-si̍t senn-tsò khah suí tio̍h--bô,

因為透濫就是共好的基因共伊摻入來
in-uī thàu-lām tō-sī kā hó ê ki-in kā i tsham--ji̍p-lâi.

台語OS
佇楊燁地下室工作坊內底
Tī Iûnn Ia̍p tē-hā-sik kang-tsok-hong lāi-té,

這位北投達人充滿囡仔趣味懷舊的台灣古早味記憶
tsit uī Pak-tâu ta̍t-jîn tshiong-buán gín-á tshù-bī huâi-kū ê Tâi-uân kóo-tsá-bī kì-ik,

回憶過去
huê-ik kuè-khì,

楊燁投入文史工作這條路
Iûnn Ia̍p tâu-ji̍p bûn-sú kang-tsok tsit tiâu lōo,

一開始曾經被親友來苦勸甚至共伊笑
tsi̍t-khai-sí tsân-king pī tshin-iú lâi khóo-khǹg sīm-tsì kā i tshiò.

北投文化導覽達人 楊燁(字幕翻做台語)
我的插圖尪仔圖
Guá ê tshah-tôo ang-á-tôo,

和這馬這个文史工作
hām tsit-má tsit-ê bûn-sú kang-tsok,

攏是我上蓋投入
lóng sī guá siōng-kài tâu-ji̍p,

上佮意的工課
siōng kah-ì ê khang-khuè.

我畫這尪仔物嘛是攏囡仔愛看啦
Guá uē tse ang-á-mi̍h mā sī lóng gín-á ài khuànn--lah,

大人加減會看啦
tuā-lâng ke-kiám ē khuànn--lah.

鄉土的一寡故事
Hiong-thóo ê tsi̍t-kuá kòo-sū,

欲按怎共傳落去
beh án-tsuánn kā thn̂g--lo̍h-khì,

尪仔圖其實是一个真好的媒介
ang-á-tôo kî-si̍t sī tsi̍t ê tsin hó ê muî-kài.

台語OS
楊燁認為
Iûnn Ia̍p jīn-uî,

相傳參文字記載的歷史
siong-thuân tsham bûn-jī kì-tsài ê li̍k-sú,

有當時仔難免會失真甚至是斷章取義
ū-tang-sî-á lân-bián ē sit-tsin sīm-tsì sī tuān-tsiong tshú-gī,

影像參圖畫是真正會當保留每一段歷史
iánn-siōng tsham tôo-uē sī tsin-tsiànn ē-tàng pó-liû muí-tsi̍t tuānn li̍k-sú,

原汁原味的方式
guân-tsia̍p guân-bī ê hong-sik.

你如果想欲知影關於北投的故事
Lí jû-kó siūnn-beh tsai-iánn kuan-î Pak-tâu ê kòo-sū,

楊燁會共你講
Iûnn Ia̍p ē kā lí kóng.

用畫的
Īng uē--ê,

看了以後你就會知影
khuànn-liáu í-āu lí tō ē tsai-iánn.

"看世事講台語"單元所有影片及文字，是公共電視及李江却台語文教基金會合作製作。歡迎大家 link 做非營利教學使用。

新聞標題：
閣去國光石化前線 總統落海抾蚵仔
大城列入重要湳地 國光石化閣較僫起

諺語：食匏無留種（Tsia̍h pû bô lâu tsíng）
種匏仔愛用種子，若準趁幼全部食了了，無留種，按呢明年就無thang食--ah。這是咧形容人刣雞提卵，kan-ta看短期的利益，無顧以後的結果。國光石化這款高污染的工業若真正起佇「台灣的粟倉」彰化沿海湳地，以後咱農漁產品的品質就歹顧--ah。

內文：

徛佇海中央
Khiā tī hái tiong-ng
總統提架仔面頂現撈的蚵仔
tsóng-thóng the̍h kè-á bīn-tíng hiān-hôo ê ô-á
體驗海洋新鮮（生）的滋味
thé-giàm hái-iûnn sin-sian（tshinn）ê tsu-bī

*(總統馬英九)
我本來就愛食蚵仔
Guá pún-lâi tsiū ài-tsia̍h ô-á
自細漢就愛食
tsū sè-hàn tsiū ài-tsia̍h

雖然昨昏予人唱聲
Sui-jiân tsa-hng hōo lâng tshiàng-siann
總統的心情是無受著影響
tsóng-thóng ê sim-tsîng sī bô siū-tio̍h íng-hióng
決定繼續潦落去
kuat-tīng kè-siok liâu--lo̍h-khì
佮反國光石化的在地居民
kap huán Kok-kong Tsio̍h-huà ê tsāi-tē ki-bîn
參環保團體做伙起行
tsham khuân-pó-thuân-thé tsò-hué khí-kiânn
親身來行一逝
tshin-sin lâi kiânn--tsi̍t-tsuā
了解國光石化到底欲起佇甚麼所在
liáu-kái Kok-kong Tsio̍h-huà tàu-té beh khí tī sím-mih sóo-tsāi

*(總統馬英九)
無摸過遮爾幼 遮爾黏的塗
Bô bong kuè tsiah-nī iù tsiah-nī liâm ê thôo

搝鐵牛仔車
Giú thih-gû-á-tshia
行過這片國內上蓋完整
kiânn-kuè tsit phiàn kok-lāi siōng-kài uân-tsíng
唯一的湳塗濕地
uî-it ê làm-thôo sip-tē
到底欲保留或者是欲起國光石化呢
tàu-té beh pó-liû hi̍k-tsiá sī beh khí Kok-kong Tsio̍h-huà--leh
總統無願意表態
tsóng-thóng bô guān-ì piáu-thài
伊干焦講欲推動遮
i kan-ta kóng beh tshui-tōng tsia
變成國家重要濕地爾
piàn-sîng kok-ka tiōng-iàu sip-tē niâ

*(總統馬英九)
溼地的保育是全球一致的共識
Sip-tē ê pó-io̍k sī tsuân-kiû it-tì ê kiōng-sik
也是聯合國真重要的目標
iā-sī Liân-ha̍p-kok tsin tiōng-iàu ê bo̍k-phiau
保護人類生態的一款拍拚
pó-hōo jîn-luī sing-thài ê tsi̍t khuán phah-piànn
咱袂缺席
lán bē khuat-si̍k

雖然按呢講閣無夠
Sui-jiân án-ne kóng koh bô-kàu
芳苑自救會居民
Hong-uán Tsū-kiù-huē ki-bîn
集體佇總統面頭前跪落去
tsi̍p-thé tī tsóng-thóng bīn-thâu-tsîng kuī--lo̍h-khì
請伊莫起國光石化
tshiánn i mài khí Kok-kong Tsio̍h-huà
環保團體嘛希望
khuân-pó-thuân-thé mā hi-bāng
總統親身來行一逝
tsóng-thóng tshin-sin lâi kiânn--tsi̍t-tsuā
佇呵咾環境遮爾媠的同時
tī o-ló khuân-kíng tsiah-nī suí ê tông-sî
嘛表達伊了解漁民心聲
mā piáu-ta̍t i liáu-kái hî-bîn sim-siann
毋通心內所想的
m̄-thang sim-lāi sóo siūnn--ê
佮喙講的煞無仝款
kap tshuì kóng--ê suah bô-kāng-khuán

*(蔡嘉陽 彰化環保聯盟理事長)
我想按呢就由全民來檢驗
Guá siūnn án-ne tsiū iû tsuân-bîn lâi kiám-giām
阮kā阮的意見充分表達
guán kā guán ê ì-kiàn tshiong-hun piáu-ta̍t
總統嘛講伊聽著ah
tsóng-thóng mā kóng i thiann--tio̍h-ah
按呢就由咱人民來檢驗
án-ne tsiū iû lán jîn-bîn lâi kiám-giām
到底最後政府做啥物裁定
tàu-té tsuè-āu tsìng-hú tsò siánn-mih tshâi-tīng

除了少數人有攑牌
Tû-liáu tsió-sòo lâng ū gia̍h pâi-á
今仔日並無傷過劇烈的抗爭
kin-á-ji̍t pīng-bô siunn-kuè ki̍k-lia̍t ê khòng-tsing
總統講欲將大城濕地
tsóng-thóng kóng beh tsiong Tuā-siânn sip-tē
列做是國家重要的濕地
lia̍t-tsò sī kok-ka tiōng-iàu ê sip-tē
其實無一定會當保証
kî-si̍t bô-it-tīng ē-tàng pó-tsìng
排除國光石化的開發
pâi-tû Kok-kong Tsio̍h-huà ê khai-huat
但是環保團體認為
tān-sī khuân-pó-thuân-thé jīn-uî
上無嘛顯示政府踏出第一步
siōng-bô mā hián-sī tsìng-hú ta̍h-tshut tē-it pōo
推翻 in 較早無承認大城濕地
thui-huan in khah-tsá bô sîng-jīn Tuā-siânn sip-tē
有保存價值的做法
ū pó-tsûn kè-ta̍t ê tsò-huat

看世事講台語"單元所有影片及文字
是公共電視及李江却台語文教基金會合作製作
歡迎大家 link 做非營利教學使用

新聞標題：
看板預告世界末日 祀(tshāi)佇街頭引人注意
日本地動予人搭嚇 過路人看甲心驚驚

諺語：
時到時當，無米才煮蕃薯湯
Sî kàu sî tng, bô bí tsiah tsú han-tsî-thng.
「當」是擔當的意思，「蕃薯湯」是過去散赤人的主食。這句諺語佮華語的『船到橋頭自然直』仝意思；就是講，就算境遇無好，代誌到路尾總會有法度處理，無需要操煩siunn 濟。聖經嘛有一句類似的話：「一日的艱苦，一日夠額」。

內文：
大大大的看板
Tuā-tuā-tuā ê khaɾng-páng
審判日對尾仔算來進入第66 工
Sím-phuànn-jt uì bué-á sng--lâi tsìn-jp tē lk-tsp-lk kang
徛佇咧人潮來來去去
khiā tī-leh jîn-tiâu lâi-lâi-khì-khì
高雄有名的景點「城市光廊」
Ko-hiông ū-miâ ê kíng-tiám Siânn-tshī-kng-lông
因為日本地動真嚴重
in-uī Jt-pún tē-tāng tsin giâm-tiōng
民眾看來感覺像咧預告世界末日到looh
bîn-tsiòng khuànn--lâi kám-kak tshiūnn leh ū-kò sè-kài but-jt kàu--looh
（高雄市民）
就是驚講會死翹翹
Tō-sī kiann kóng ē sí-khiàu-khiàu
(記者問：看著敢會煩惱？)
Khuànn--ti/h kám ē huân-ló
加減啦
Ke-kiám--lah
有人愈看愈驚
Ū lâng jú khuànn jú kiann
嘛有人無受影響
mā ū lâng bô siū íng-hióng
（高雄市民）
無遮嚴重啦
Bô tsiah giâm-tiōng--lah
Henn 啦
Henn--lah
逐家莫驚惶啦
Tk-ke mài kiann-hiânn--lah
因為日本的震災
In-uī Jt-pún ê tsìn-tsai
媒體連紲幾日報導驚--人的災情畫面
muî-thé liân-suà kuí-jt pò-tō kiann--lâng ê tsai-tsîng uē-bīn
相關的末日言論較會引發民眾聯想
siong-kuan ê but-jt giân-lūn khah ē ín-huat bîn-tsiòng liân-sióng
精神科醫師嘛表示
Tsing-sîn-kho i-su mā piáu-sī
人面對災難佮驚惶
lâng bīn-tuì tsai-lān kap kiann-hiânn
難免會有焦慒
lân-bián ē ū tsiau-tso
家己應該愛調適壓力
ka-kī ing-kai ài tiâu-sik ap-lk
（台灣精神醫學會陳正宗理事長）
民眾會有(焦慒) 會使莫看
Bîn-tsiòng ē ū（tsiau-tso） ē-sái mài khuànn
抑是伊看著伊需要的訊息
iah-sī i khuànn-ti/h i su-iàu ê sìn-sit
一般伊猶是愛倒轉來(正常生活)
it-puann i iáu-sī ài tò-tńg-lâi（tsìng-siông senn-uh）
遐的一定會有影響
hia--ê it-tīng ē ū íng-hióng
焦慒症頭會出來
tsiau-tso tsìng-thâu ē tshut--lâi
看著遮爾濟(災難)
khuànn-ti/h tsiah-nī tsē（tsai-lān）
拄著這个時機
tú-ti/h tsit ê sî-ki
不過咱知影人就是需要處理壓力
m-koh lán tsai-iánn lâng tō-sī su-iàu tshú-lí ap-lk
醫師表示
I-sing piáu-sī
只要透過充足的睏眠
tsí-iàu thàu-kuè tshiong-tsiok ê khùn-bîn
平均的啉食、運動
pîng-kun ê lim-tsih, ūn-tōng
安排娛樂佮解壓
an-pâi gôo-l/k kap kái-ap
這五項準則來消敨心內的壓力
tsit gōo hāng tsún-tsik lâi siau-tháu sim-lāi ê ap-lk
猶是會當正面樂觀面對每一工
iáu-sī ē-tàng tsiànn-bīn l/k-kuan bīn-tuì muí tst kang

PNN 台語新聞「看世事，講台語」是 PNN 佮公視台語新聞，以及李江却基金會佇網路頂­懸合作的一個新單­­元。主播許雅文，每­禮拜招逐家來看幾條­仔新聞，看新聞來學台語­文字是誠利便。而且雅­文­閣會佇每­­­一­擺新聞播煞的時陣，講一句台灣俗諺，抑是典雅，­趣味的台語文字。請­逐家­做夥­來­，用台語講看覓喔！阮若是有寫毋對，抑是用毋對的­所在，嘛請大家無棄嫌，­多­多­­來 kā ­阮指教討論～