班蘭朱古力杏仁脆脆古早蛋糕 ($80)
.
——————————————
🍫 特級骯髒朱古力 ($85)
🧀 咸蛋芝士($75)
🍠 雙層紫薯巨無霸 ($90)
——————————————
.
相信唔少人同我以前一樣，
覺得古早味蛋糕根本只係放大版長方形紙包蛋糕，
興咗咁耐都無太大興趣所以都無試過好多間，
隨住熱潮逐漸減退有唔少已經收咗皮🤣
但呢間向來好評如潮嘅囍源依然屹立不倒，
亦係難得令我對古早味蛋糕刮目相看嘅一間，
單係有過百款口味呢點已經無可匹敵( •̀ᴗ•́ )و ̑̑
之前都無留意到坊間大部分古早味蛋糕都有一個通病，
蛋糕底面同四邊都呈焦啡甚至燶黑，
而呢度就以水浴法焗製出黃金邊黃金底，
店面所擺嘅display都係用真蛋糕，
雖然已經擺咗幾日但神奇在依然濕潤堅挺，
唔似其他古蛋味蛋糕一樣無耐已經扁塌凹陷，
食落亦的而且確濕潤鬆軟而富彈性
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
要數最吸引嘅口味定非巨無霸系列莫屬，
顧名思義餡料份量非同小可有兩層甚至三層，
雙層紫薯巨無霸就有厚厚兩層紫薯蓉，
始終紫薯本身味道較淡難以突出，
所以唔會特別香濃亦無可厚非，
勝在以真紫薯製作更加天然而甜度適中，
質感軟滑並保留絲絲纖維
咸蛋芝士中間一層芝士猶如瀑布一樣傾瀉而出，
當中夾雜粒粒鹹蛋黃碎，
翻熱後芝士更加澎湃牽絲亦更加濃郁，
個人認為唯一美中不足嘅係由於餡料關係，
所以底層蛋糕會較其他口味稍為濕軟🤏🏻
特級骯髒朱古力除咗一半原定嘅特級骯髒彩虹面之外，
另一半就配上朱古力杏仁脆脆面，
朱古力蛋糕面層同中間均舖有一層朱古力醬，
味道濃郁醇厚卻甜而不膩♪(´ε｀ )
特級骯髒彩虹面舖上OREO、朱古力蛋糕碎、
彩針等色彩繽紛之餘更添口感；
而朱古力杏仁脆脆仲令感覺好似金莎朱古力蛋糕一樣😻
值得一提除咗特級骯髒朱古力以外所有口味都可選擇升級淋面配料，
正如班蘭($70)加$10就可以升級為朱古力杏仁脆脆面，
據知蛋糕以班蘭葉製成精華取代一般化學香精，
味道相對清淡自然🍃
.
——————————————
📍囍源古早蛋糕 (深水埗)
深水埗北河街123號地舖
——————————————
.
.
