尋日係Louisiana 過完我40歲嘅生日,而家已經係LAX準備搭飛機返屋企!
尋晚我地傾計傾到好夜都唔肯去瞓,因為飲咗小小白酒,加埋D 眼瞓,3:30開始有小時候同朋友講通霄電話,講嘢語無論次嘅感覺,我地大家都唔捨得瞓,D 細路玩到3:30 都唔肯瞓,我地大家都好唔捨得大家!
因為Young Living ,我同Jessica變成了好朋友,2017年8月Gold Retreat,我地玩river rafting 巧合坐埋一條船,公司嘅presidents Jared Turner同我地一齊玩,佢話要掉晒我地條船D人落河,條河d 水勁凍,我本來以為佢講笑,點知佢認真🤦🏻♀️ 係比人掉落河之前,我同Emma已經比佢哋淋濕晒,凍到打晒冷震,好彩掉剩三個時,Jessica team 其中一個大叫佢M到🤣🤣🤣結果我地三個唔駛比人掉落水,自個次之後,我地就成為好朋友!
之後我地仲一齊去咗夏威夷,Banff,西班牙,仲有兩次Uganda ,我地好多嘢都好夾,仲好多嘢好巧合,佢係家中大女,屋企有四姊妹,佢哋team 係美國叫Oilsista,而我地係叫Oilysis🤩我地都對Uganda義工活動有個滿滿嘅心! 一切好似整定咁!
呢個星期係Louisiana 做咗好多嘢,好開心好滿足,尋晚老公問我係咪好開心,因為佢真係睇到我好開心,Jessica 日日都問住我鐘唔鐘意嗰日安排嘅節目,其實最鐘意嘅唔係D 節目,係我同我最鐘意嘅人一齊!
尋日朝早你地為我準備佈置生日party,好感動,感動到喊咗出嚟,因為我真係無expect 任何嘢,我知道40歲好似係個大嘅生日,但係我唔想令身邊嘅人覺得好大壓力,我淨係想簡簡單單咁過😌
尋日唱完生日歌,同老公出咗去食越南河lunch,兩個人拍下拖,仲著咗情侶裝tee,之後返屋企接埋小朋友,我地去咗行Target 同Michaels , 返屋企book 咗massage 😍,小朋友就游水,然後食晚飯,食雪糕,飲酒傾計,好開心好開心,咁樣就係我最想要嘅生日喇!
其實無諗過我會有個唔識中文嘅美國人密友,因為我本身D英文真係麻麻,程度僅限於旅遊shopping叫嘢食,但係原來祇要大家有心,語言並不是溝通障礙!
40歲,Young Living 帶比我嘅嘢真係好多,除咗有time freedom放三星期假,安安樂樂一家人去玩之外,仲識到好愛大家嘅Soul sister! 係呢個年紀,我真係好少再打開心窗識咁close 嘅朋友,覺得自己真係好幸運!
So thankful to have you in my life ! Jessica Gianelloni I love you!
#尋朝佢買劍蘭比我
#唔通佢知道咁上下年紀中國人係要插劍蘭
劍蘭代表了懷念之情，也表示愛戀、用心、長壽、康寧、福祿。
用心、福祿、富貴、節節上升、堅固
勁喎🤣🤣🤣🤣
唔通佢知道咁上下年紀中國人係要插劍蘭 在 史話綿綿: relgitsjg's Xanga Site 的相關結果
近排有人抽社運靚妹水，人地叫唔好佢都係照抽，咪又係咁。係某些人眼中，真係胸大都係原罪。anyway，唔通差佬叫d 賊唔好走，d 賊真係企係度咩。 但個老母– 即係佢地 ... ... <看更多>