關於 嘉咸街7號 ，我們在網路上蒐集到這些相關的討論、資訊與評價

-
📍食在中環 – 木系小清新咖啡店
———————————————————
中環又有新Cafe喇～今次呢間係一條斜巷仔入面，cafe裝潢簡約舒適，以木系暖色調為主，感覺放鬆自在，適合作小休同輕食~

☗ 𝐒𝐚𝐥𝐦𝐨𝐧 𝐃𝐨𝐦𝐞 $𝟏𝟎𝟖
三文魚水波蛋牛油果Muffin，呢個造型好少見，打卡圓拱影美美see~一刀切落去有流心蛋，中間夾有牛油果蓉同忌廉芝士，整體配合得宜，好食呀😍～

☗ 𝐓𝐮𝐫𝐤𝐢𝐬𝐡 𝐄𝐠𝐠 $𝟖𝟖
推介‼️以土耳其式水波蛋、希臘乳酪和調味料製成！原來流心蛋配yogurt可以咁好食，將烘過既酸種麵包蘸水波蛋同𝔾𝕣𝕖𝕖𝕜 𝕐𝕠𝕘𝕙𝕦𝕣𝕥一齊食，係我少數自得簡單再滋味既食物😚！

☗ 𝐑𝐮𝐧𝐧𝐢𝐧𝐠 𝐄𝐠𝐠 & 𝐁𝐮𝐟𝐟𝐚𝐥𝐨 𝐂𝐡𝐢𝐜𝐤𝐞𝐧 $𝟗𝟔
推介‼️羽衣甘藍新鮮爽脆，雞肉絲醃過後好入味，再拌匀雞蛋、羽衣甘藍和水牛城醬一齊食，清新健康又好味。

☗ 𝐒𝐮𝐦𝐦𝐞𝐫𝐭𝐢𝐦𝐞 𝐠𝐫𝐞𝐞𝐤 𝐲𝐨𝐠𝐮𝐫𝐭 $𝟓𝟓
推介‼️配上自家製新鮮芒果醬，呢杯乳酪酸酸甜甜，好開胃！附有香蕉、草莓和藍莓等水果，啖啖香甜乳酪味。

☗𝐌𝐚𝐭𝐜𝐡𝐚 𝐓𝐨𝐧𝐢𝐜 $𝟒𝟔
比較少地方有抹茶Tonic 飲，呢杯抹茶香幾濃，配甜甜有汽Tonic，舒暢好飲！

☗𝐒𝐩𝐚𝐫𝐤𝐥𝐢𝐧𝐠 𝐏𝐢𝐧𝐞
小店新出既飲品，好似mocktail咁，有清新菠蘿香，清甜解渴！

☗𝐂𝐡𝐨𝐜𝐨𝐥𝐚𝐭𝐞 𝐂𝐨𝐨𝐤𝐢𝐞 $𝟐𝟖
必試‼️估唔到曲奇最有驚喜，朱古力味道濃郁之如，外脆內軟，又唔會覺得好甜

☗ 𝗖𝐚𝐧𝐞𝐥𝐞
可麗露相對差左少少，外層較淋，亦冇乜蛋香味～

☗ 𝗕𝗮𝗶𝗹𝗲𝘆'𝘀 𝗕𝗮𝘀𝗾𝘂𝗲 𝗕𝘂𝗿𝗻𝘁 𝗖𝗵𝗲𝗲𝘀𝗲𝗰𝗮𝗸𝗲 $𝟒𝟐
輕輕既baileys 酒香，同樣係好食而不甜膩，蛋糕軟滑～
-
✨整體黎講，會想再訪既優質小店，無論係輕食同小甜點都好唔錯！下次會想試埋花生味曲奇😍！
-
👅味道: 8/10
🍽賣相: 7.8/10
🏰環境: 7/10
🙇🏻‍♂服務: 7/10
💎CP值: 7.5/10
⚖人均: $150
🔺服務費: 🚫
🍽用餐時段：午餐(星期日)
↩回頭值: 90%
———————————————————
📍 Filters Lane
中環嘉咸街34號地舖
🚇 港鐵上環站 A2 出口, 步行約7分鐘
🕓星期一至日 10:00 - 18:00
📞N/A
-
🔎✨ #hkfs中環 #hkfscafe
#抹茶 #抹茶控 #可麗露 #hkcoffee #香港咖啡店 #週末好去處 #食評 #hkcafe #中環 #hkcoffeeshop #中環美食 #centralhk #hkfoodie #香港美食 #hkeats #ulifestylehk #hkfoodporn #ufoodphoto #cafehoppinghk #食好西 #hkfoodblogger #打卡美食 #香港打卡 #hkfood #中環cafe #中環好去處 #hkfoodblog #topcitybiteshk

去開中環附近，聽講有間幾抵食既泰國菜，今晚就係度食晚餐啦。

海南雞飯一人餐

首先叫左個一人晚餐，海南雞飯配油飯。雞睇落個樣都唔錯，去左骨，食落幾滑。個餐仲有湯，一款小食同飲品同甜品，相當抵😋

小食我地叫左個生菜包，夾住d香辣既肉碎食，都幾過癮。

冬蔭功海鮮湯

食泰國菜點可以唔飲冬蔭功湯呢。88蚊身份量夠哂2個人飲。d料都好豐富，海鮮有蝦呀青口呀魷魚之類。味道好濃郁，帶酸味又都幾辣。

泰式拼盤

又係泰國菜必備既野食，有蝦餅，雞翼，串燒同春卷。豬同雞肉串燒燒得好靚，蝦餅咬落好彈牙，春卷炸到好香脆。

食咁多野埋單都只係一人百幾蚊，相當抵食。
。
。
MeKong泰.越.港
中環嘉咸街7號地舖
。
。 @ MeKong泰.越.港

-
📍食在中環 - 日式和牛漢堡專門店
💎性價比(CP值): 🌕🌕🌕🌑🌑
———————————————————
呢間由日本人主理既日式漢和牛漢堡店近期係銅鑼灣Sogo開左分店喇！位於中環既總店會有座位，環境舒適，而銅鑼灣就主打Takeaway，大家可以因應自己需要去各分店買漢堡歎☺️。
-
1⃣5019 BLT Burger Set 120g 💰148（👅: 7.3/10）
用上九州宮崎 A5 和牛牛肩肉及澳洲 A9 和牛混合製成，油脂味香濃; 而BLT 顧名思義以煙肉，生菜同蕃茄做經典配料，另外再加上日式玉子燒，洋蔥，蘿蔔等材料，層次豐富，但相對食嗰陣會比較狼狽。

Fries & Bottled Beer Sapporo + $55
幼薯條食落香脆，另外加咗$15配辣肉醬芝士，令薯條更惹味。啤酒揀左Sapporo，又清熱又chill~
-
2⃣Wagyu Steak Cutlet Sandwich 💰158（👅: 7/10）
和牛粉嫩，牛肉做到外酥內嫩，但牛味可以濃d。而且建議盡快食，因為我哋影左一陣相，再慢慢食，和牛會開始變韌，較難咀嚼😣。

Fries & Fresh Juice Bottle +$55
揀左Purple Mix ，係其中一款蔬果飲品，以紅菜頭、西柚、檸檬、蘋果組成，味道幾易入口，調味平衡得唔錯，健康之選。
-
3⃣Chichen Wing Sweet Sauce 6pcs 💰68（👅: 7.5/10）
酸甜炸雞翼，酥脆口感同甜醬又幾夾喎，有驚喜。
-
整體黎講，食物份量足，和牛口感中等，雞翼有驚喜，環境舒適，幾岩同朋友飲酒食漢堡。
-
👅味道: 7/10
🍽賣相: 7.5/10
🏰環境: 7/10
🙇🏻‍♂服務: 7/10
💎CP值: 7/10
⚖人均: $150
🔺服務費: ⭕️
↩回頭值: 60%
———————————————————
📍5019 Premium Factory (嘉咸街)
中環蘇豪嘉咸街46號地下
🚇港鐵香港站 C 出口, 步行約8分鐘
🕓星期一至四 11:30 - 22:00; 星期五 11:30 - 23:00; 星期六至日 11:30 - 22:00
📞28711031
-
🔎✨ #hkfs中環 #hkfs漢堡 @ 5019 PREMIUM FACTORY Hong Kong

《十大重建消失的舖》
今次走勻全港十區同你介紹「十大重建而消失的商舖」。不是按規模大小，而是十大特別有意義的項目。 因為重建，有幾多間舖消失了? 香港人均零售樓面又有幾多呢? 對未來有什麼啟示?

Answer in video: 

全文: 
...................

東涌，青衣，將軍澳，馬鞍山，西九，啟德除咗都係新發展嘅地區同埋有個共通點，無舖賣。 舖同樓唔同。 樓會越來越多，但舖(我講緊街舖， 尤其是市區嗰啲 )則只會越嚟越少。 可以買賣的更加少。 點解? Now I tell you why! 

第10: 我後面原本係著名嘅灣仔喜帖街，即係利東街。 由於市建局2003啟動重建，利東街/麥加力歌街一帶佔地八萬九千平方呎， 2010年2月起利東街永遠封閉。 150間街舖從此消失， 變成咗我後面呢個囍滙商住混合項目嘅項目。 而家信置同埋合和揸住曬，咁仲有冇鋪賣，zero!  

第9: 經皇后大道東走向金鐘方向幾步，近PP3嘅保華大廈、安頓街、蘭杜街一帶嘅舊樓， 佔地一萬二千八百平方呎，太古於2017年底就以20.55億強拍買入，其中一間400呎嘅舖之前仲升咗2393倍，先以1.41億被收購。可惜呢度30間街舖亦將會消失。可能變成另一個PP4, 一個發展商揸住曬，無舖賣! 

第8:  最近好hit嘅topic， 梗係新世界喺北角英皇道嘅皇都戲院項目啦。 皇都戲院係1952年落成， 佔地三萬五千平方呎，當年為戲院、商場同埋住宅嘅大型綜合建築項目。 戲院係1997年結業， 而家部分改為桌球會。 新世界收下收下收下， 收到八九成業權啦，就係2018年10月正式向土地審裁處申請強拍。 之前我都逐一逐一報道過， 唔少舖都高於市值5至8成賣咗， 擺到明就係被收購。 強拍重建落實後，80間舖從此消失。 又係一個發展商揸住曬，唔賣! 

第7: 又係太古， 不過今次拍埋恒基。 喺太古王國旁邊，鰂魚涌呢道嘅濱海街16至94號連同英皇道983至987A號， 連埋瑞士樓呢一列嘅十多幢舊樓， 成條街長300米，佔地四萬四千呎， 2018年11月啱啱申請強拍， 估值26.6億。 重建後，太古梗係唔會賣啲鋪啦，40間舖從此又唔見晒。

第6: 返番中環半山卑利街/嘉咸街一帶， 由中環中心行上嚟些小， 佔地約五萬六千呎，而家工程進行得如火如荼。 市建局把地盤分成ABC三個，先後分別同信置(A)，長實(B)，永泰同資本策略(C)合作發展， 2007年啟動，預期2022年全部落成， 到時呢道有冇舖賣? 唔知，但係可能都係零。近100間舖可能又從此消失。

第5: 今次梗係要過下海啦， 因為大部分重建都喺九龍區。 淨係睇市建局啟動過嘅75個重建項目， 57個都係九龍。 新界(除咗荃灣嗰兩個楊屋道及萬景峯嘅項目以外)基本上係無重建嘅。 

先嚟旺角買返對波鞋先， 波鞋就越嚟越多 , 不過可以賣買嘅舖又少咗38間。 點解? 因為市建局2007年開始，就收咗波鞋街呢度一楂嘅舖， 佔地三萬六千平方呎，同新世界起成咗呢K28嘅商住項目， 同K11一樣，啲舖梗係唔賣啦， 大家又要行商場啦。

第4: 男士們，以前多唔多嚟尖沙咀金巴利道嘅香檳大廈呢? 我都係聽人講㗎咋， 呢度曾經係一樓一鳳，色情事業嘅聚集地。 佔地二萬六千呎，香檳大廈於1957年落成， 雖然只得八層高，曾經係半島酒店之後，當時九龍最高嘅建築物。 亦曾經係香港著名相機同攝影器材嘅集中地， 80年起開始沒落， 90年代多個單位被劏成為一樓一鳳， 曾經盛極一時叫做香港「性」地。 

由於樓齡過咗50年，近年不斷傳出財團收購嘅消息。 好似2018年1月時， 恆基就向霍英東家族買咗地下同LG層合共十個舖位，作價1.15億。 之後上個月(2018年10月)恒基再用多1.25億買入多十間舖，我之前都有報導過(第998-999成交)。 雖然依家應該仲未收齊八成業權門檻申請強拍， 相信收下收下距離收齊唔遠。 重建之後， 啲舖肯定好似對恒基自己對面美麗華廣場咁唔會再賣散，到時尖沙咀又無咗90間可以買賣嘅舖啦。

第3: 嫌香檳同波鞋個項目細? 整個大啲畀你睇睇。 我而家企咗喺土瓜灣， 庇利街/榮光街/啟明街/鴻福街/銀漢街一帶， 可能你呢世仔都未來過， 但再唔嚟, 呢度嘅大約二百間舖就好快冇晒啦。 呢度每間舖市建局收緊大約千二至千八萬。

土瓜灣真係好多重建，淨係呢幾條街，市區重建局就落實咗七個重建項目， 睇住我地圖框住呢七個， 合共佔地二十三萬九千平方呎。 預計呢七個項目喺未來十年相繼落成，到時有冇舖賣? 我唔知。我只知道肯定唔少變成商場， 大發展商自己揸住曬。 即使有商場內嘅細舖劏出來，大家記住千祈唔好貪平買。 地舖頂多輸一兩成，劏舖分分輸剩你一兩成。 

第2: 未來嘅消費，我相信唔止係南向北移，而且係東向西走。 因為港珠澳大橋，高鐵通車同埋西隧減價都係西邊，東邊反而只係本土消費多啲。 講重建消失嘅舖，梗係要講下九龍西啦。 

呢度係大角咀，好吖。 重建一流呀， 如果唔係市建局都唔會喺度落實咗十個重建項目。 未計已經落成嘅洋松街新鴻基形品▪星寓，必發街華人置業嘅 i-Home, 櫻桃街南豐嘅海桃灣， 埃華街信置嘅 Park Ivy， 其他仲起緊嘅六個地盤就係呢度，六個地盤合共佔地六萬四千平方呎，重建後又有約70間地舖將會唔見啦。 

呢楂舖唔夠多? 最勁嘅應該係恒基係大角咀道以西，近奧海城嗰邊嘅利得街、福澤街、 嘉善街、角祥街一帶嘅利奧坊重建項目，分為五期發展，合共約佔地超過11萬平方呎。 

未起前有大約80間地舖係利奧坊呢道，起好後? 又變成好似係我後面呢個商場咁啦，一個發展商揸住曬，無舖賣。 連同之前市建局起緊嗰六個地盤嘅七十間舖， 大角咀又將會對一百五十間舖講拜拜啦。

第1: 梗係要講我由細浦到大嘅觀塘裕民坊啦。 呢個係市建局同埋香港有史以來最大型嘅市區重建項目。 主地盤及月華街地盤合共佔地57萬平方呎， 係我上面講嗰九個地盤嘅總和， 牽涉超過1600個業權，三千個居民，同520間舖。 

呢個項目早於1998年已經由前土地發展公司公佈 ， 2007年市建局起正式啟動， 分五期落成， 當中會有住宅，office, shopping mall, 酒店, 政府辦公室，社區中心，公園， 交通交匯處等綜合設施 。預期2026年完工。 前後預期要搞近30年。頭三期係由信置同埋華人置業發展緊。 咁大個項目，起好之後肯定好似APM咁，又係冇舖賣。 嗰五百幾間舖從此又消失。

根據政府統計處及差餉物業估價署數字，香港依家大約有280萬個住宅單位。 零售方面，總面積有1.2億平方呎， 除以740萬個香港人，即每個香港人有16呎嘅零售空間。每年新落成就大約有120萬平方呎嘅新零售樓面。 但記住喎，呢啲絕大部分都係商場、樓上舖及銀座式商廈。 喺條街嘅地舖係無新供應之餘，仲不斷地減少緊。 我重複，係無新供應之餘，不斷地減少。

粗略估計香港大約有十萬間街舖， 由於收購重建，可以買賣嘅街舖不斷地減少緊，淨係上面嗰十大個案就已經冇咗千四間舖。 市建局只佔市區重建少數，我估計佢哋咁多年嚟就收咗大約二千間舖。私人發展商仲多，大約萬幾間啦。 

買鋪無非等收租，等加租，等升值，博重建。經濟理論101教我， 如果一樣商品只會減少，沒有新供應，而永遠有基本需求的話，唔怕買，長遠必升。 除非啲人開始識飛天，我就怕。因此我咁多年嚟都鐘情於街舖， 去證監會攞正牌成立埋香港首間商舖基金，2009年至今買賣接近一百間單舖， 算有些少成績。你.... 又會唔會想買呢? 

第10: 灣仔喜帖街(利東街) - 150舖
第9: 皇后大道東保華大廈、安頓街、蘭杜街 - 30舖
第8:  北角英皇道皇都戲院項目 - 80舖
第7: 鰂魚涌濱海街/英皇道瑞士樓 - 40舖
第6: 中環卑利街/嘉咸街 - 100舖
第5: 旺角波鞋街 - 38舖
第4: 尖沙咀金巴利道嘅香檳大廈 - 90舖
第3: 土瓜灣庇利/榮光/啟明/鴻福/銀漢街 - 200舖
第2: 大角咀市建局及恒基利奧坊 - 150舖
第1: 觀塘裕民坊及月華街 - 520舖

合共消失1398舖

海南雞飯一向很受香港人歡迎。五星級酒店的海南雞飯，用料高級，製作嚴謹，不用說也知有多好吃。不過，二三百元一客海南雞飯，卻不是人人吃得起。
其實近年坊間愈來愈多選擇，有本地薑又有過江龍，水準不錯，最重要是性價比高，任何時候只要想吃便吃。

海南雞公主
地址：上環摩利臣街10號宏基商業大廈地下8A號鋪
電話：3618 7818
營業時間：11:30am-8pm
詳情： http://bit.ly/2vk3VOu

由招牌到裝潢都叫人眼前一亮，擺明走年輕人路線，做外賣為主。老闆娘是港泰混血兒，樣子漂亮，說得一口流利廣東話。海南雞飯的包裝像便當，分量足夠。雞肉滑溜，伴麵豉醬汁吃，加倍開胃。


水門橋
地址：灣仔灣仔道148號地下
電話：從缺
營業時間：11:30am-7:30pm
詳情： http://bit.ly/2Q7owhp


由胡慧沖做代言人，專做泰式水門雞飯。只做外賣，不收現金。師傅在泰國學師，醬汁跟足當地做法，味比較辣，飯又挺身一些。可惜雞肉不夠滑，幸而醬汁加分。值得一讚上餐快，由買票到取餐只需一分鐘，趕時間不作他選。


天天海南雞飯
地址：銅鑼灣Fashion Walk京士頓街9號H2鋪
電話：3108 2180
營業時間：11:30am-10pm
詳情： http://bit.ly/2RdEYgl

新加坡過江龍，海南雞飯賣到街知巷聞。香港分店的環境有格調，坐得比新加坡的熟食市場舒適。由總店派師傅來港坐鎮，做法正宗，賣相吸引，餐具都靚過人。味道有保證，油飯香噴噴，貴一些都值得。

泰潮
地址：中環嘉咸街7號地鋪
電話：2488 4444
營業時間：11am-9pm
詳情： http://bit.ly/2QnClbg


連續八年都有米芝蓮推介，分店多，最近在中環插旗，不過位置較隱蔽，繁忙時間walk in都有位。主打雞飯，由泰籍師傅主理。飯有咬口，但不夠油香，幸而醬汁香濃搭夠。

海南雞專門店
地址：西灣河筲箕灣道57-87號太安樓地下A32B號鋪
電話：6124 4718
營業時間：11am-11pm
詳情： http://bit.ly/2F13H6a

這間小店的海南雞出名便宜，廿八蚊有交易，難怪日賣800碗，等閒排45分鐘。不過只設外賣。難得平唔等於無質素，跟足新加坡做法，由浸雞、煮飯到醬汁都很認真，值得捧場。由於生意太好，四年間已經擴充至三間店。

採訪：黎詠詩
攝影：《飲食男女》攝影組

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

連續獲得八年「米芝蓮車胎人美食榜」推介的泰潮，以海南雞飯出名。每天以上湯自家浸製三黃雞，再浸冰水，然後再放入秘製藥材湯浸三十至四十分鐘令其入味，肉質嫩滑，非常受歡迎。另一招牌菜豬髀飯，大廚用慢火低溫把豬髀浸熟，令皮和骨膠原都保持完整之餘，同樣軟腍入味，伴上豬大腸，配醬汁更開胃。

店子最近殺入中環開店，負責人鄭先生稱為搞搞新意，引入了一款泰國很地道的湯粉，湯底是胡椒豬肚湯，胡椒味夠濃郁，河粉由泰國空運到港，配料有豬肉丸、豬大腸、豬肚和脆鹹肉。湯底微辣，吃罷肚皮暖笠笠，最啱秋冬吃。暫時只得中環店供應，想吃的話就不要去錯了。

採訪：廖希玥
攝影：周義安

泰潮
地址：中環嘉咸街7號地下
營業時間：星期一至日 11am-9pm
電話：2488 4444
詳情： http://bit.ly/2QnClbg

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)