#兒童暑期溜冰課程優惠推介
好快就暑假，原來好多媽媽開始嗌救命，因為仲未有時間準備暑期活動‼️唔使擔心，可能我幫到大家 😄
Bat Bat 呢一年愛上溜冰，小朋友真係學得好快❗️其實呢個活動一開始只係因為好玩，學耐咗就發現除咗可以訓練平衡力、手腳協調、身體柔韌性，仲可以令Bat Bat 更懂跟隨指令、改善專注力，因為唔專心根本平衡唔到，亦溜唔到㗎。
不過最重要係鍛煉到佢嘅恆心，由3歲半開始學到而家4歲，中間好多動作唔係一學就識，要專心聽、努力練，其間佢亦都試過發脾氣灰心唔想學，但教練好用心，識得軟硬兼施，激發小朋友嘅「好勝心」（諗緊好啲嘅字眼😂❓）令Bat Bat 每當想放棄嘅時候，再努力多少少，學識新嘅動作，突破自己嘅界限，慢慢變得更有自信，更有恆心去學習，我覺得呢方面係一開始俾佢學溜冰時冇諗過嘅。呢啲就係 #體育精神 喇 💪 對小朋友嘅成長真係好重要。
我哋喺好適合小朋友學溜冰嘅 Genius Synthetic Rink #小型仿冰場 學溜冰，仿冰同真冰滑度質感差唔多（但唔凍同冇咁跣，小朋友易掌握啲）地點喺觀塘，場地非常私人，媽媽可以放心好多，因為場內唔會有其他大人，上堂時只會有幾個小朋友同教練喺場內，可以話係全包場形式進行，唔使擔心小朋友俾人撞親。小朋友亦唔會因為場內有其他大人溜冰而分心，可以好專心咁學習。
上堂時，父母可以坐喺場邊輕輕鬆鬆睇住小朋友學習，距離唔係好遠，無遮無擋，學習過程都可以睇得晒。當然，Bat Bat 學耐咗我有時都會落去飲杯咖啡，等佢落堂先上去接佢，真係好爽㗎 😂
暑假班優惠價錢非常抵，各位記得快啲報名同付款留位，否則好快full晒😉
方便大家keep好課程資料，如有興趣請留言 #凱林家推介暑期兒童溜冰課程優惠 🤗 我會盡快send 詳情俾大家。
【UPDATE】補充學溜冰FAQ俾大家🤗
https://bit.ly/3iQemTF
#圖為家長無聊自發cosplay特別堂
#平時casual衣著就得 😂
#除咗暑期班 #仲有一對一課程 
圖為家長無聊自發cosplay特別堂 在 兒童暑期溜冰課程優惠推介... - Mrs Co:Lam 凱林家生活 的推薦與評價
圖為家長無聊自發cosplay特別堂 ... 堂（分私人班、團體班、假日及平日）可自選時間，非常彈性，每堂60分鐘 報5堂即送溜冰鞋 介紹人填【#凱林】就有呢個獨家優惠喇 ... <看更多>