33歲了，比較一下同齡嘅朋友，我肯定係屬於一事無成嘅一個。
最近除咗繼續忙 國泰民安 人道支援 嘅事務，仲要盡快令 Ready2Move 源哲國際物流搬運公司 上軌道，先至可以開創更多工作崗位，照顧到更多人嘅生活。
同時，要面對「計劃」、「將來」、「人生」諸如此類嘅思考，確實非常煩惱。如果容許摺埋一個人生活，所有問題反而變得簡單；又或者快啲去坐監找數，即係《十年》電影導演歐文傑所言：「坐監係另一種逃避。」（我有資格講，歐文傑冇。）
以自身案件為例，排期審訊最快都2023、2024年，呢兩、三年唔長唔短，罪成判刑多幾年又點算呢？故此，我需要一個可以隨時離開，又盡量唔影響人嘅崗位。
所以我好明白有案在身嘅人，特別係年紀愈輕，愈唔想返全職長工，只想兼職炒散過日子，因為睇唔到未來。即使有僱主講明唔介意做做下去咗坐監，都唔想成為別人嘅負累。
話雖如此，我都會盡力勸勉有案在身嘅朋友讀書、全職工作，百利而無一害。有閒餘時間，做義工、捐血之類，證明到對社會有貢獻，爭取酌情減刑嘅預備工作。
聽朝一早要到差館報到，之後去法庭聽判刑。其實，都幾唔想同求助者「交朋友」，因為成為了朋友，關係親密了，情緒更受影響。終於明白，君子之交淡如水，點到即止就好了。
同日，係第一宗國安法案件正式開審。今日，唔好祝我生日快樂了，希望一切「從輕發落」吧。
感謝與小弟一同活在當下，及時行樂的大家。天佑義民！
p.s. 今日個個都貼「蘋果照妖鏡」，跟跟風，警剔一下賤肉橫生的自己，好好生活。
坐監係另一種逃避 在 歐文傑Jevons Au - 【坐監係另一種逃避】 承上post #去或留 ... 的推薦與評價
【坐監係另一種逃避】 承上post #去或留如果一個人犯法而自首坐監， 呢個係勇於承擔； 如果一個人因為犯不義嘅法而自首坐監， 如果仲係太平盛世， 咁呢個可能係道德 ... ... <看更多>