【維多利亞復古精華遊】
時光荏苒，的而且確，好嘅嘢點都會留喺我哋嘅心入面嘅～而家愈嚟愈多人開始戀上一啲復古情懷，就連去旅行都想拜訪一啲古典建築、或都係一啲鄉村、試坐下一啲有歷史嘅交通工具咁～無問題吖！今次就由小編帶領大家擺脫現代生活嘅煩躁，漫遊一下復古版嘅澳洲維多利亞省！
1. Carlton Gardens
Carlton Gardens 係喺維多利亞州墨爾本市中心東北面嘅一個花園。呢個花園始建於1839年，已經有過百年嘅歷史㗎喇～而喺2004年，呢個花園就被聯合國教科文組織列(UNESCO)入為世界遺產名錄入面！呢度嘅面積大約有26公頃咁大！夠你行足一日㗎喇！
圖片來源📷 : http://www.trover.com/d/y76N-carlton-gardens-melbourne-aust…
http://www.piecesofvictoria.com/
2. Royal Exhibition Building
呢個建築其實就喺上面介紹咗嘅 Carlton Gardens 入面嘅～同樣地喺2004年聯合國教科文組織(UNESCO)列入世界文化遺產。原因係因為呢度嘅歷史、建築、美學、社會、科學價值都喺維多利亞省具有不凡嘅指標性地位。就歷史上而言，一棟130年嘅歷史建築可能你會覺得無咩特別啦，大把其他地方比佢老，但呢度個地位勁就勁在曾經舉辦過好多重量級嘅國際活動！ 包括喺1880年舉行嘅世界博覽會(Melbourne International Exhibition)， 呢個亦都係當初建造
Royal Exhibition Building 最主要嘅目的。除此之外仲有1888年嘅澳洲百年展覽會(Centennial Exhibition)，紀念歐洲移民去到澳洲一百年。其後直到今日，呢度嘅用途係更加廣泛㖭㗎～除咗作為各種展覽會場之外，平時亦會當作考場畀墨爾本大學、RMIT、附近中學嘅學生嚟到使用！喺呢啲地方考試會唔會有點太 grand？！
圖片來源📷 : http://cd.visitmelbourne.com/
3. Yering Station
靚又唔係特別話最靚，而且氣派亦都欠奉，一棵棵矮樹叢後嘅就係呢間 Yering Station。雖然唔算太起眼，不過呢間可以話係維多利亞省第一間嘅酒莊！成立以嚟已經超過百年歷史！呢度最初只係牲口嘅養殖場嚟㗎咋，之後先逐漸轉型成為酒莊。 兩層樓樸素嘅紅磚建築，加埋佢個外觀完全沒有其他酒莊嗰種光鮮感，令呢度更似一幢老式嘅儲酒倉庫。到呢度除咗可以品嘗各式嘅葡萄酒之外，仲可以順便欣賞不同嘅藝術展覽，真係好唔錯㗎！。
圖片來源📷 : Yering Station
4. Puffing Billy Railway 係澳洲歷史最悠久嘅蒸汽火車。建於 20 世紀，當時為開發维多利亞州偏遠地區而設，用嚟載客之餘，仲會運送木材同食物。Puffing Billy 係世界上保存最好嘅蒸汽火車鐵路之一，鐵路環繞住丹頓農山脈（Mt Dandenong）。
嚟到維多利亞省一定要試下喺澳洲坐 Puffing Billy Steam Railway，感受下搭復古火車！搭 Puffing Billy Steam Railway 其間可以欣賞到山間景致～最特別嘅係 Puffing Billy Steam Railway 有開放式車箱，乘客可以伸對腳出車外，體驗到昔日坐蒸汽火車嘅嗰種復古方式，而且呢條鐵路同行車路好接近，特別有 feel 㗎！要乘搭 Puffing Billy，可以從墨爾本搭 1 個鐘車到 Belgrave，如果你想搭全足程記住要約 2 個鐘時間㗎！但記得火車每日大約只開 4 次左右㗎咋，座位有限，最好就預先購票喇！
圖片來源📷 : Puffing Billy Railway
墨爾本蒸汽火車購票 在 我又移動了！搭捷星航空去墨爾本！Myki卡 - YouTube 的推薦與評價
我又移動了！搭捷星航空去 墨爾本 ！Myki卡、Skybus 購票 教學！市中心飯店推薦！吃爆中式料理！EP-1｜恩恩奏馬該. 1.7K views · 4 months ago #澳洲打工 ... ... <看更多>