#我希望你的童年過得快樂
香港小朋友童年好似越來越短咁，細細個就要上好多興趣班，生活仲忙過大人。 就趁住我仍然可以全日陪玩的日子，今個暑假我帶左紅豆周圍去狂歡。
荃灣 #愉景新城(愉城) 係小朋友用品集中地，而商場都有好多便利家長的設施，起碼有完善的育嬰室，好多餐廳都有BB櫈，商埸地下仲有個人工草地俾小朋友放電地跑，真心正。
朋友好早之前就通知愉城有個免費俾小朋友玩樂地方，因為遊樂設施有開放網上預約同即場預約兩種，為免要排隊等，我早早就上網搶Booking，今日終於都可以帶紅豆去玩。
位於商場地下的兒童創造館，地方唔算大，但人流數量控制得唔錯，每節只有20分鐘時間，時間雖然唔長，但都叫剛剛好夠玩。 主要有砌積木(發泡膠)、小迷宮同滑梯為主。 適合已經會走路嘅小朋友，而對於爬行BB就比較危險，場內有好多小朋友周圍跑，坐係地下都好易俾人踩到，所以自己孩子要自己睇實先得。
免費遊戲黎講，算值得一玩。 但提提大家，網上預約已經停止左，只可以到場預約，大家想玩時，要睇清楚時間呀!!
•••••••••••••••••••••••••••••••••••••••
MAKER PARK 兒童創造館 - 建造 BUILD ZONE
日期：2019年6月28日-9月1日
地點：L1
合適年齡：1歲-10歲 (每位小孩須由一位家長陪同進內)
每節時間：20分鐘
清潔時間：3:30pm-4pm
•••••••••••••••••••••••••••••••••••••••
D ． PARK 愉景新城
#多謝紅豆爸俾我安心做FTM #陪孩子成長 #紅豆暑假遊 #紅豆daily #1Y10M25D
-------------------------------------------------------
▪️ IG: https://instagram.com/catie_smile
多謝紅豆爸俾我安心做ftm 在 Echomama - Facebook 的推薦與評價
自己動手做雖然樣子笨笨的不完美，但純天然自家制吃得安心! ... (1)紅豆先漫一晚，以高速煲將其煮至爛熟，可輕易壓成紅豆蓉，再入加龍舌蘭蜜，拌勻。 ... <看更多>