#在日落前交換日記
0321《薛晉靈異》
前幾日有幸去到朋友西貢嘅屋企玩到點幾⋯⋯西貢、結界、零晨，仲有夢妮坦，仲唔係講鬼故嘅時刻？準備好未咁多位？薛晉靈異mode is on！
有一個住西貢嘅男人，瞞住老婆包二奶，都好合理，又好少可唔係瞞住老婆去包二奶嘅，有一日佢地屋企個仔就喺屋企搵媽咪，佢去到廚房覺得好奇怪，點解媽咪今日嘅衣著咁特別架呢？小朋友矮矮細細，從佢嘅視點望上去，媽咪冇著鞋，再望上啲，佢今日着咗一件好貼身嘅旗袍，再望上啲⋯⋯哩個唔係媽咪，佢好肯定唔係因為化妝唔同，亦都唔係髮型改變而唔認得媽咪，而係因為嗰個女人個頭，唔係一個人頭，係狐狸嘅頭嚟㗎（見下圖！膽小者勿進籠！）！
作為一個創作人，我當然係覺得個男人覺得偷食單嘢就嚟穿煲啦，拿拿臨安排一條友去尋寶城買個狐狸頭套，返屋企扮狐狸精扮狐狸入屋，只要扮得似，小朋友見到就會同阿媽講，咁小朋友唔講大話㗎嘛，老婆就會覺得「老公其實仲係好忠貞老公，係狐狸精惹禍啫～」
我覺得地鐵都不妨效法下哩一啲做法，反正佢成日都有咁多問題，次次都搵唔到答案，我哋當然知道真正嘅答案係唔可以講俾我哋聽啦，但係你唔求其答啲嘢嘅話又過唔到骨㗎喎，唔可以次次都話研究緊，然之後研研下就冇咗回事㗎喎，不如索性話比人聽平時我地成日話條路軌有問題，講得路軌太多，路軌怒鬼，就真係俾佢惹到一啲上緊路嘅鬼嚟啦⋯⋯都要有個解釋吖大佬～
薛晉靈異
夢妮坦化妝 在 Cmm蒙妮坦學院- 首頁| Facebook 的推薦與評價
逾萬呎校舍展示蒙妮坦學院新形象,加進不少新元素,提供多項完善配備主題課室:大型理論室、面部及身體護理、美髮造型、化妝工作室、美甲房、新娘化妝間、婚禮統籌課專用房。 ... <看更多>